Luka 24:44 - KITABU KITAKATIFU

⁴⁴ Yavavolera, “Yaga namakuva ga ndamuvolera ulwa ndaali ningikiri ni munyi: Vindu viosi viang'odwa mu Lilaga lia Musa kandi mu mang'oda ga vaporofeti nu muzaburi kigira inzi, nivulahi viduukizwi.”

Luka 24:44 Iomraidhean Croise

Litanga 14:18

Melikizedeki, uwaali mwami wa Salemi kandi musaalisi wa Nyasaye oveeye igulu ligali, yaleetera Aburamu mugadi kandi iwaini.

Litanga 22:18

Zihiiri ziosi zilakandeve nizigasiza kuli ndagasiza visukululwi vivio - Yaga goosi galakekoleke kigira ivi watia lilago liange.”

Litanga 3:15

Ndaviika uvusigu hagati hoho nu mukali, kandi ndaleta uvusigu hagati hi visukululwi vienyu, visukululwi viu mukali vilasionolanyia mutwi gugwo, na ivi ulaluma visukululwi viu mukali lichi.”

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

Zaburi 118:22

Ligina liavumbaki vasuura, limali gugwa ligina linene liu mukoona.

Isaya 28:16

Yiki nicho cha yahova Wuvunyali avoora: “Mbikaa musingi mudinyu kandi gwizingulu mu Ziyoni. Mbikaa ligina liu mukoona lidinyu ligali ukwa makuva yaga gang'odwa, ‘Lisuuvira liveeye liezingulu liveeye liokwikuzira kandi.’

Isaya 52:13

Yahova avoora, “Mutumikiri wange alaguuta mu miyinzi jije midinyu. Alahevwa luyali lonene; kandi alanenehizwa ligali.

Isaya 7:14

Kigira yaga, Yahova mwene alamuha kelolero: Henza, mukaana mugima alavereka na alivula mwana muyaayi na alamugulika lieta ‘Imanueli’!

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Jeremia 23:5

Yahova avoora, “Ku ing'inga yiza lwa nandovole mwami mulungi mu kisukururwi cha Daudi. Mwami mwene oyo nayamiihi novogeri kandi yaza akole agaveeye malahi kandi malungi mukivala choosi.

Jeremia 33:14

Yahova avoora, “Ing'inga yiza lwa inzi ndiduukiza lilagana liange liandalomba ku avandu va Isiraeli ni Ivuyuda.

Ezekieli 17:22

Yaga nigo ga Yahova Wuvunyali avoora: “Inzi mwene ndavugura esonga yu mudaragwa mutambi na; ndavunaga esonga endoto kutura kulusia; ndagisimika ku kiguru kitambi ligali.

Ezekieli 34:23

Ndahaana Mwami Daudi yeng'ine kuli mutumikiri wange kuva mwimiliri wavo kandi alagalinda.

Danyeli 2:44

Nyasaye wu mwigulu alakasingilizi vwamihi vulivula kohera ing'inga ya vami yavo. Vwami yivu si vuliguutwa mba, navuzwa vulakadivizi vwamihi vundi vwosi, maku vulakave ho mihiga ni mihiga.

Danyeli 7:13

Lwa ndaali nindoraa malola yaga vudiku, ndalora kindu ichaali kuli mundu. Mundu oyo yaali niyazaa kuinzi, malesi gaali nigamukumbelizi, kandi yazia ku mundu waali namenyi mihiga ni mihiga. Yahilwa imbiri weve.

Hosea 3:5

Navuzwa ing'inga yiza lwa avandu va Isiraeli valakagirung'ane nukuzia ku Yahova Nyasaye wavo, kandi ku kisukururwi cha Daudi mwami wavo. Maku valatie Yahova kandi valakanyore vihaanwa vivie vilahi.

Amosi 9:11

Yahova avoora, “Lidiku liizaa ndilanyia uvwami vwa Daudi, avoveeye kuli inyumba yaisasuguka nu kugwa. Ndilana kwumbaka vuhia amadigi gayo nu kugakola gave kuli gaali ku maziambiri.

Zekaria 12:10

“Ndakahaane ku visukululwi via Daudi harara na vandu vandi va Jerusalemi Roho wi zimbavasi kandi Roho wi lisaala. Valakahenze ku oyo wavatoza nakuza, kandi valakamusiomere kuli mundu asiomeraa mwana weve mudelwa. Valakasiome vululu kuli yavo avasiomera mwana wavo muyaayi wukutanga wa vamali kogotiza.

Zekaria 13:7

Yahova Wuvunyali avoora, “O, kivavi, vuka ulwaane mwayi wange! Oveeye ahimbi ni Inzi! Kuya mwayi uyu, na magondi galasalanywa. Inzi ndalwaana vimeme viago.

Zekaria 14:4

Ing'inga yeyo, Yahova alakasingiri ku kiguru cha muzeituni Ivugwi wa Jerusalemi. Maku kiguru yiki kilakagavukanywe mu haali kaviri, Ivugwi ni madioli. Kilakagavukanywe ni livona linene. Inusu yi kiguru yiki kilakisundi Ivaale kandi inusu kilakisundi Isavaalu.

Zekaria 6:12

Mumuvolere ndi Yahova Wuvunyali avoora, ‘Mundu ulangwa Ulusia alavilukila havundu ha aveeye, kandi alumbaka vuhia Litembeli lia Yahova.

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

Livalidza 21:8

Maku Yahova yavolera Musa alombe enzoka yu mugasa magiviiki ku musaala na umundu woosi ulumwaa nenzoka yumugasa uhenza konzoka yiyi alahona.

Livalidza 35:25

Muganda gwenyeka gohonyie oyo wita mundu mu matava kutura ku mwiko wa oyo witwa, venyeka vamwiranyie mu lidaala linene wa yaali ni yirukiyi gamudukira amenye mu lidaala yili kuduuka lwu mundu uva naveeye musaalisi munene akuza.

Matayo 1:22

Kunangwa, yaga goosi gekoleka gaduuki kuduukizwa amakuva gu Mwami yavoola kuvitira mu muporofeti;

Matayo 16:21

Kutura ing'inga yeyo, Yeso yaatanga kumanyia aviigi veve havulavu ndi, “Gandukira kuzia Jerusalemi, kandi ngubizwi kivi kenene na vakulundu vasaalisi vanene harara na avigizi vi Lilaga, kandi nzitwi, navuzwa ku lidiku lia kavaga ndakasimugukizwi.”

Matayo 26:54

Navuzwa, Amang'oda Matakatifu agaavoola yaga gaduukanaa gekoleka, ganyala kutwekizwa ndi?”

Matayo 26:56

Nitali yaga goosi gaakoleki kunangwa, agavaporofeti vaang'oda mu Mang'oda Matakatifu gaduuki kutwekizwa.” Kunangwa aviigi vosi vamuleka ni viiruka.

Marko 9:31

kigira yaali ni yigizaa aviigi veve: Yaviigiza navoora, “Mwana wa Adamu alaviikwa mu makono ga avandu avalimwiti. Navuzwa niyakiitwa, inyima wa madiku gavaga, alasimuguka.”

Luka 21:22

Kigira yago galakave ‘Madiku giliheevwa Amageri’; kokora viosi ivia Mang'oda Matakatifu gavoora viduuki kutwekizwa mu agiligali.

Luka 22:37

Kigira muvooleraa ndi Amang'oda Matakatifu agaavoola ndi, ‘Yavalizwa harara na avoni.’ Kuduuka gatwekizwe kuva agiligali ku inzi. Yee agang'odwa ku inzi gaaza kuva agiligali.”

Luka 24:46

Yavavolera “Yaga nigo agang'odwa, ‘Kristo aliitwa na asimuguki kutura mu vakuzu ku lidiku lia kavaga,’

Luka 9:22

Yavavolera “Mwana wa Adamu kuduuka asalirizwi ku vindu vinyingi kandi yambakanwe navakulundu, avasaalisi vanene, na avigizi vi Lilaga, kandi yiitwi. Navuzwa ku lidiku lia kavaga alasimugukizwa.”

Luka 9:44

“ Mutegize amatu ginyu vulahi, muhuliri amakuva ga nyenya kumuvolera! Mwana wa Adamu azizaa kuzamwa kandi kuvikwa mu makono ga avandu.”

Yohana 3:14

Kuli Musa yaginga igulu enzoka yu Mugasa mwigendanyama, nindio Mwana wa Adamu aligingwa igulu ku musalaba.

Yohana 5:39

Munyi musomelera mu Mang'oda Matakatifu nimuganagana ndi mulanyola livamwoyo litahera mugo; Navuzwa Mang'oda Matakatifu gene yaga amolomaa kondolekiza!

Yohana 5:46

Niiva mu agiligali muva ni mwasuuvira Musa, ngano mwasuuvira inzi kandi, kigira Musa yang'oda kigira inzi.

Vikolwa 13:33

Amali kuliduukizira kunyi kalunu, ava koveeye visukululwi viavo, ku lisimugukiza lya Yeso kutura mu vakuzu. Kuli gang'odwa mu zaburi ya kaviri, ‘Ivi oveeye Mwana wange, inzi ngwiivuuyi lero.’

Vikolwa 13:40

Kunangwa muhenze vulahi, gase galamugwira aga vaporofeti vavoola:

Vikolwa 2:27

kigira si ulileka mwoyo gwange mu kihadisi, kandi si ulivugilira Mutakatifu woovo kuguunda.

Vikolwa 3:18

Nyasaye yalandiza kale kuvitira mu vaporofeti vosi ndi; gaduukiraa Mesia weve asalirizwi kandi yagakola gaduuki kuva agiligali munzira yiyi.

Vikolwa 7:37

Musa oyo niyie wavolera avandu va Isiraeli, ‘Nyasaye alamutumira muporofeti kuli yanduma, kandi mulala ku avandu vinyu vene.’

Vahebraina 10:1

Lilaga lia Vayuda siliveeye kelolero kidukiru na kisuvirifu chi vindu vieligali viza mba, navuzwa ichiriri chi lilohiza lie vindu valahi viizaa. Visiuviliru vilala viere vihaanwa vuli muhiga. Kunangwa Lilaga linyala ndi, kuvitira mu visiuviliru yivi, kolomba avandu vaazaa ku Nyasaye kuva avadukiru?

Vahebraina 3:5

Musa yaali mutumikiri musuuvirifu ligali munyumba yoosi ya Nyasaye, kandi yamoloma vindu via Nyasaye yazizaa kovora mu zing'inga ziza.

Vahebraina 7:1

Melikizedeki uyu yaali Mwami Munene wa Salemi, kandi Musaalisi wa Nyasaye Oveeye munene. Lwa Aburahamu yaali niyirana kutura mu vulwani vwa yaguutira mu avami vane, Melikizedeki yagana naye kandi namugasiza,

Vahebraina 9:8

Roho Mutakatifu yigizaa havulavu kuturana ku lilohiza yili ndi, inzira yu kwingira mu Lihema liu mugati haveeye Hatakatifu Huvutakatifu ikikiri kwigulwa, ku lohono lwi Lihema lie ichova likisingiyi ho.

1 Petro 1:11

Vageriza kwenya kumanyiriza ni ing'inga ki, kandi ni liiva lia lugano ki lwa Roho wa Kristo alilolekiza uvusaliri vulinyoola Kristo nu vukumi vuliva ho inyima wa yaga.

Likunula 19:10

Ndaagwa hasi mamumama havirenge vivie, kumusigamira. Navuzwa, yambolera, “Utakola ndio mba! Inzi mbeeye vuzwa mutumikiri wacho, kandi uwavamwavo vovo, yavo vosi avagumira agiligali ga Yeso yalolekiza. Usigamiri Nyasaye!” Kigira agiligali ga Yeso yaavuula, nigo agadinyirizaa avaporofeti.