Luka 24:32 - KITABU KITAKATIFU

³² Vateevana mulala nu wundi, “Mioyo jitu, sijali nuvusangali vonene lwa komolomangi naye nikogenda kunzira, nakwivaliraa mang'oda matakatifu?”

Luka 24:32 Iomraidhean Croise

Zaburi 104:34

Leka muyaanzizi ni zing'anagani ziange, kigira lisaangala liange litulaa ku Yahova.

Zaburi 39:3

kandi mwoyo gwange gwaaduka kuli muliru. Lwa ndazizagilira kuganagana, na uvusaaliri vwange vwameedeka ligali. Maku mu vusaliri vwange ndateeva,

Tsing'ano 27:17

Avandu viga kutura kuvandi; kuli kivia kihiagalaa kivia kindi.

Tsing'ano 27:9

Maguta gu mwayu ni kimuli vikoleteraa uvuyanzi mumwoyo, navuzwa uvudinyu vwononyaa elielemeliza lie zing'anagani.

Isaya 50:4

Yahova Nyasaye umali kumba amakuva gokovoola, kunangwa nduuki kuhaana zinguru kandi kudinyiriza avadedekere. Yambukizaa vuli mugambazuri, kunangwa nduuki kuhulira agazizaa kunzigiza.

Jeremia 15:16

Ivi wamoloma ninzi na ndaahuliriza vuli likuva liilio. Inzi mbeeye woovo, Yahova Nyasaye Wuvunyali, kunangwa makuva googo galeetanga vusangali kandi uvuyanzi mu mwoyo gwange.

Jeremia 20:9

Navuzwa lwa mboraa, “Ndivilira Yahova kandi si ndamoloma mu lieta lilie mba,” maku likuva liilio liveeye kuli muliru gusambanga mu inzi. Ngelizanga kwikuzira, navuzwa sinyalizanga mba.

Jeremia 23:29

Likuva liange liveeye kuli muliru kandi kuli inyundu ivunanyiaa zinyanda muvidonye.

Marko 4:34

Siyavavoolera ikindu choosi vugira kutumikira izing'ano mba, navuzwa lwa yaali na aviigi veve venyine, yaali anyala kuvivaalira vuli kindu choosi.

Luka 24:45

Maku Yeso yakunura zing'anagani ziavo vaduuki kumanya mang'oda matakatifu.

Yohana 6:63

Roho wa Nyasaye niyie uhaanaa livamwoyo, zinguru ziu mundu si zinyala kindu mba. Amakuva ga inzi mali kumuvolera nigo galetaa Roho wa Nyasaye galetaa Roho wa Nyasaye uhaanaa livamwoyo.

Vikolwa 28:23

Kunangwa valagana naye lidiku liu kuvugana, na avandu avanyingi ligali vaduuka kuye aha yamenya. Kutura mugamba kuduuka mugolova, Paolo yavivaalira nu kuvavuulira amakuva gu Vwami vwa Nyasaye, nageriza kuvakola vavugiliri amakuva ga Yeso ku litumikira Lilaga lia Musa na amang'oda ga avaporofeti.

Vahebraina 4:12

Likuva lia Nyasaye liveeye mwoyo, kandi liveeye nizinguru, kandi liveeye liugi kuvita kivavi chu vwugi zimbega ziombi. Litumitaa kuduuka hu mwoyo na roho viaganiraa, kuduuka hi viungu nuvuhaale viaganiraa. Likalagira liegomba kandi zing'anagani ziu mwoyo gwu mundu.