Luka 23:41 - KITABU KITAKATIFU

⁴¹ Kunyi ligali koheveeywe amaduywa gaduukanaa ni kunyi; kigira kunyi konyoora amadanyi gi miyinzi jietu midamanu. Navuzwa mundu uyu si yakola kindu kidamanu mba.”

Luka 23:41 Iomraidhean Croise

2 Kyetsinyinga 33:12

Mu vusaliri vwivwe, yegehiza ligali, nagirung'ana koyeeka ku Yahova Nyasaye weve, kandi namugoonya amukonye.

Ezara 9:13

Kali inyima wi vindu yivi viosi vimali kokoleka ku kunyi mu lihevwa mageri kigira uvwoni vwitu nu vudamanu vwitu koveeye ni limanya ndi, ivi Nyasaye wiitu, umali kuhaana mageri ku kunyi. Navuzwa uvwoni vwitu vwali uvunyingi ligali kuvita mageri ga kumali konyoora. Nitali mulikola yaga goosi, umali kuvugilira kunyi komenya.

Nehemia 9:3

Vasingira ku zisa zivaga nivahulirizaa amakuva kutura mu kitabu chi Lilaga lia Yahova Nyasaye wavo, ma kandi ku ing'inga yi zisa zivaga izialonda ku, viganira uvwoni vwavo, kandi nivasigamira Yahova Nyasaye wavo.

Danyeli 9:4

Ndasaara ku Yahova Nyasaye wange kandi ndiyama uvwoni vwa vandu vange. Ndavoora “Yahova Nyasaye, ivi oveeye Munene, kandi kokohezaa luyali. Oveeye musuuvirifu ku lilangana liilio, oveeye nu vuyanzi vutaveeye nekeheri ku yavo avakuyanza, kandi okolaa agu mali kulaga.

Matayo 27:19

Lwa Pilato yaali niyikaye kondeve yi Likalaga, umukali weve yamuletera amakuva namuvolera “Utakola ikindu ku mundu mulungi uyu mba, kigira lero nyooye ilisalirizwa ilinyingi mu maloto kigira ye.”

Matayo 27:24

Lwa Pilato yalora ndi sianyala kokora kindu, kandi iliyoga limeedeki, yavugula amazi niyisaava makono geege imbiri wi kiduma, navoora, “Inzi simbeeye nimbala ku likuza liu mundu mulungi uyu mba. Gaveeye ku munyi aveene.”

Matayo 27:4

Yavavolera, “Mali kokora uvwoni ku kuzaama umundu utaveeye na mahiolo akuzi!” Navuzwa vamuvolera, “Yago gaveeye ki ku kunyi? Agene yago nagoogo ivi umwene!”

Matayo 27:54

Lwu munene wa vasikari, harara na vasikari avalindaa Yeso valora ilidegera lie lirova ni vindu viosi viekoleka, vaatia ligali ni vavoola, “Ligali umundu uyu yaali Umwana wa Nyasaye.”

Luka 23:40

Navuzwa wundi yamugondokera, navoora, “Ivi siunyala kutia Nyasaye kali hakuzu? Kigira, ivi oveeye mu likalagirwa lilala liere kuli uyu.

Luka 23:42

Yavoola, “Yeso! Unzizulizi lwu uduuka mu Vwami vuvwo.”

1 Vatesalonike 2:10

Munyi muveeye avalolekizi vitu, kandi Nyasaye ndio; miima jietu ku munyi vandu avasuuviraa jaali Mitakatifu, milungi kandi vugira imbara.

Yakobo 4:7

Kunangwa, mwegehizi ku Nyasaye; Muhingiri Setani, naye alamwiruka.

1 Petro 1:19

Gaali masahi guvuguli ga Kristo, agaveeye kuli gu mwana wi ligondi utaveeye nimbala anoho ikindu kidamanu.

1 Petro 2:23

Lwa vamunyega, siyavanyega mba; ing'inga ya yaasalirizwa, siyavatiihiza mba, navuzwa yavika lisuuvira lilie ku Nyasaye, oveeye mukalagi wu vulungi.