Luka 23:4 - KITABU KITAKATIFU

⁴ Pilato yavolera avasaalisi vanene nividuma via vandu, “Sindora kindu kidamanu ku mundu uyu mba.”

Luka 23:4 Iomraidhean Croise

Matayo 27:19

Lwa Pilato yaali niyikaye kondeve yi Likalaga, umukali weve yamuletera amakuva namuvolera “Utakola ikindu ku mundu mulungi uyu mba, kigira lero nyooye ilisalirizwa ilinyingi mu maloto kigira ye.”

Marko 15:14

Pilato yavateva, “Kigira ki? Akoli vudamanu ki?” Navuzwa vameeda kuhanzuka nu mwoyo munene ligali, “Muvambe!”

Luka 23:22

Pilato yavavolera lwa kavaga, “Kigira ki? Mundu uyu akoli vudamanu ki? Inzi sindoli uvudamanu muye uvuduukanaa nilikuza mba. Kigira yaga, ndaleka akuywi ma muvoholore.”

Yohana 18:38

Pilato yateeva, “Agiligali ni ki?” Pilato lwa yamala kovora yaga, yazia kandi ku Avayuda ichova, navavoolera, “Inzi sindora kindu kidamanu kuye mba.

Vikolwa 25:25

Navuzwa inzi sindaalola yaali naakori kindu choosi kidamanu icha adukanaa kohevwa amageri gi likuza mba. Navuzwa, kigira Paolo mwene yateeva kuzia ku Mwami Munene, inzi ndatovora kumuhila kuye.

Vikolwa 3:13

Nyasaye wa Aburahamu, Isaka na Yakobo, Nyasaye wa avaguuga viitu, uhaani vukumi vwu vunyasaye ku Mutumikiri weve Yeso. Navuzwa mwamuzaama kandi nimumuhaana ku vamiihi kandi mwamwambakana imbiri wa Pilato, kali lwa Pilato yaali niyakaganagana kumuvoholora.

Vahebraina 7:26

Yeso niyie Musaalisi Munene ukuduukaa mu lienya lietu. Aveeye mutakatifu; utaveeye nuvudamanu, anoho vwoni muye; utaveeye nimbala mba, umali kwahulwa kutura ku voni, kandi wanenehizwa igulu ligali.

1 Petro 1:19

Gaali masahi guvuguli ga Kristo, agaveeye kuli gu mwana wi ligondi utaveeye nimbala anoho ikindu kidamanu.

1 Petro 2:22

Siyakola uvwoni, kandi siyanyooleka nu vugadi kutura mu munwa gwigwe mba.

1 Petro 3:18

Kristo mwene yakuza lulala kigira uvwoni vwinyu naveeye umundu mulungi muvogono vwa voni, aduuki koleta munyi ku Nyasaye. Umuviri gwigwe gwitwa, navuzwa yakolwa mwoyo mu Roho,