Luka 23:14 - KITABU KITAKATIFU

¹⁴ Yavavolera, “Muleeti mundu uyu ku inzi nimuvooraa ndi agotizaa avandu, inzi mali kumuteeveleriza mateeva imbiri winyu, na sindora kindu kuye kali kilala ku aga mumuyaaliraa, ikiduukanaa ni likuza mba.

Luka 23:14 Iomraidhean Croise

Danyeli 6:4

Maku vasingiliri vandi na vamiihi vaageriza kwenyeleriza vudamanu mu liamiiha lia Danieli lwa yamiha kivala, navuzwa si vanyoola kindu mba, kigira yaali musuuvirifu kandi si yakola kindu kidamanu kandi kitaveeye chu vulungi mba.

Matayo 27:19

Lwa Pilato yaali niyikaye kondeve yi Likalaga, umukali weve yamuletera amakuva namuvolera “Utakola ikindu ku mundu mulungi uyu mba, kigira lero nyooye ilisalirizwa ilinyingi mu maloto kigira ye.”

Matayo 27:24

Lwa Pilato yalora ndi sianyala kokora kindu, kandi iliyoga limeedeki, yavugula amazi niyisaava makono geege imbiri wi kiduma, navoora, “Inzi simbeeye nimbala ku likuza liu mundu mulungi uyu mba. Gaveeye ku munyi aveene.”

Matayo 27:4

Yavavolera, “Mali kokora uvwoni ku kuzaama umundu utaveeye na mahiolo akuzi!” Navuzwa vamuvolera, “Yago gaveeye ki ku kunyi? Agene yago nagoogo ivi umwene!”

Matayo 27:54

Lwu munene wa vasikari, harara na vasikari avalindaa Yeso valora ilidegera lie lirova ni vindu viosi viekoleka, vaatia ligali ni vavoola, “Ligali umundu uyu yaali Umwana wa Nyasaye.”

Vikolwa 13:28

Kali niiva sivanyoola kuye kivuni kigira vamwiti, vateva Pilato amukalagiri likuza.

Vikolwa 17:11

Avandu vu weneyo vaali avahuliri kuvita avandu va Tesalonike. Vavugilira likuva ni likayirwa linene, nivenya mu Mang'oda Matakatifu kazozo valore niiva amakuva ga Paolo na Sila vavoola gaali gagiligali.

Vahebraina 7:26

Yeso niyie Musaalisi Munene ukuduukaa mu lienya lietu. Aveeye mutakatifu; utaveeye nuvudamanu, anoho vwoni muye; utaveeye nimbala mba, umali kwahulwa kutura ku voni, kandi wanenehizwa igulu ligali.