Luka 23:11 - KITABU KITAKATIFU

¹¹ Herodi harara navasikari veve vachaya ni vaviika Yeso mu zisoni, nivamukolera kehenyahenye. Vaviika Yeso iganza indahi yuluyali ma nivamwiranyia wa Pilato.

Luka 23:11 Iomraidhean Croise

Zaburi 22:6

Navuzwa inzi simbeeye mundu kandi mba; mbeeye vuzwa eng'ende. Ndegeelizangwa nokokolerwa kehenyahenye na vandu vosi!

Isaya 49:7

Nyasaye Mutakatifu wa avandu va Isiraeli kandi muhonyi avooreraa mulala olegelizwa ligali, udunyirangwa ni zihiiri kandi oveeye mutumikiri wa avamihi ndi: “Avami vaavo valakolora noveeye muvoholore, kandi valaza nukuhaana uluyali ku ivi; Avanene kandi valakolola noveeye muvoholore kandi valasigama kukuha luyali.” Yaga galakoleka kigira Yahova umali kotovola mutumikiri weve, Mutakatifu wa vandu va Isiraeli alindaa malagano geege.

Isaya 53:3

Yaachaywa nukusuulwa na vandu; yikuzira ku vusaliri nuvuzunu. Yaali mulala uwa vandu vavisa mumoni mwavo vavuli kumulora. Yalegwa kandi nikumulola siyaali kindu mba.

Matayo 14:1

Ing'inga yeyo, Herodi, mwamihi wa Galilaya yahulira lusuma lwa Yeso.

Matayo 14:3

Herodi yaali nalagi Yohana agumirwi, kandi avofwi ni minyororo ma naviikwa muvuhambe. Yaali naakori agene yaga kigira Herodia, umukali wa Filipo amwavo weve.

Matayo 14:6

Lwi lidiku lie lilia lie livulwa lia Herodi liaduuka, umukana wa Herodia yaasievera avageni. Herodi yayanzizwa ligali.

Marko 9:12

Yavativulira, “Yee, ligali Elija alaza kutanga aduuki kwetegekiza vuli kindu. Navuzwa kigira ki gang'odwa mu Mang'oda Matakatifu ndi, Mwana wa Adamu alakubizwa ikivi kinyingi nu kuchaywa?

Luka 23:10

Avasaalisi vanene na avigizi vi Lilaga vasingira, nivamuyaala nu vululu.

Yohana 19:5

Kunangwa, Yeso yatura ichova niyiviiki itaji yamafa kandi iganza yi ligondo lie kizambarao. Pilato yavavolera, “Mundu zana nguyu!”

Yakobo 2:2

Niiva umundu mutugi wiviki imingiri yi zahabu ni zinguvu zindahi zinzesereru, yingira mu livugana lienyu, kandi ahene yaho, mundu oveeye mudaka uwiviiki amadali naye kandi yingira,

Yakobo 2:3

niiva mulahaana uluyali ligali ku uyu uwiviiki inguvu indahi na mumuvolere, “Hamba wikale ahalahi hano,” navuzwa muvoolere umudaka, “Ivi, singira yira,” anoho “Yikala hasi ha virenge viange”