Luka 22:57 - KITABU KITAKATIFU

⁵⁷ Navuzwa Petero yambakana navoora, “Mukali ivi, kali inzi simumanyi mba!”

Luka 22:57 Iomraidhean Croise

Matayo 10:33

Navuzwa ku vosi ulinyambakana imbiri wa vandu, inzi kandi ndakamwambakane imbiri wa Baba wange oveeye mwigulu.

Matayo 26:70

Navuzwa Petero yambakana imbiri wa vosi navoora, “Simanyi aga ovola mba.”

Luka 12:9

Navuzwa, mundu woosi ulikanyambakane imbiri wa avandu, oyo alakambakanwe imbiri wizingelosi va Nyasaye.

Luka 22:56

Mukaana mutumikiri mulala yalora Petero niyikaye ahimbi ku muliru. Yamwumika navoora, “Mundu uyu kandi yaali harara na Yeso!”

Luka 22:58

Lwinyima hakekeke, Mundu wundi yamulola navoora, “Ivi kandi oveeye mulala kuvo!” Navuzwa Petero yativura, “Mundu ivi, ninzi mba!”

Yohana 18:25

Petero yaali naakisingiyi ahene yaho niyotaa muliru. Kunangwa, avandi vamuteeva, “Ivi kandi sioveeye mulala ku aviigi vu mundu ula?” Yambakana navoora, “Ninzi mba!”

Yohana 18:27

Petero yambakana kandi; nonoho idaywa yalagula.

Vikolwa 3:19

Kulwayago mwiganiri, kandi mwihaane ku Nyasaye, kunangwa aduuki kumusamiiha uvwoni vwinyu. Niiva mukora ndio,

1 Yohana 1:9

Niiva kuliyama uvwoni vwitu, Nyasaye aveeye musuuvirifu kandi mulungi, na alakusamiiha uvwoni vwitu kandi alakutakasa kutura ku vuchamu vwosi.