Luka 22:30 - KITABU KITAKATIFU

³⁰ Munyi mulalia nukunwa komesa yange mu Vwami vwange. Mulikala ku zindeve ziu Vwami ukwamiiha zihiiri likomi na ziviri zia Isiraeli.

Luka 22:30 Iomraidhean Croise

2 Samweli 19:28

Avandu vinyumba ya guuga wange vosi vaduukana ukwitwa, navuzwa ivi wamba uvunyali ukulia komesa yooyo. Simbeeye nuvulungi koteeva ngolerwe uvugasu vundi kutura ku Mwami wuluyali wange mba.”

Zaburi 49:14

Vakalagirwa vakuzi kuli magondi, na likuza lilavahila kuli mwayi ahilaa amagondi geege; valiika vwangu mu kilindwa mulala sa mulala. Miviri jaavo jilagundira mu vilindwa, kihadisi kilava ovomenyo vwavo mihiga ni mihiga kutura yengo wavo.

Matayo 19:28

Yeso yavavolera, “Muvooleraa agiligali ndi, lwu Umwana wa Adamu alikala ku endeve yu vwami yu vukumi vwivwe mu Likula Lihia, hene yaho, munyi avalondi vange likomi na vaviri mulikala ku zindeve ziu vwami likomi na vaviri, ukwaamiiha izihiiri likomi na ziviri zia Isiraeli.

Matayo 5:3

“Vaveeye nuvugasu avaveeye nuvudaka mu mioyo; Kigira uvwami vwu mwigulu nu vwavo.

Matayo 8:11

Na muvooleraa, avandu vanyingi valaza kutura Ivugwi ni madioli, kandi valikala mu lilia harara na Aburahamu, Isaka na Yakobo mu Vwami vwu mwigulu.

Luka 12:37

Vaveeye nuvugasu avatumikiri yavo avu Mwami alinyoora nivahenza kandi nivetegeki lwa aliiza. Agiligali muvooleraa, Mwami oyo aliviika vulahi, na alavikaliza ku viukulia komesa nukuvatumikira.

Luka 14:15

Lwa mulala ku avaari nivikaye harara na Yeso yahulira yaga, yavoola, “Aveeye nuvugasu mundu ulilia chukulia mu Vwami vwa Nyasaye!”

Yakobo 1:1

Inzi Yakobo, Mutumikiri wa Nyasaye kandi wu Mwami Yeso Kristo: Nduma mirembe jange ku munyi, zihiiri likomi na ziviri zia avasalanywa mu kivala choosi.

Likunula 19:9

Engelosi yambolera kandi, “Ong'ode amakuva yaga: Vaveeye nuvugasu yavo avalangiywi vazie mu lilia lie keserero chu Mwana wi Ligondi.” Yambolera kandi, “Yaga gaveeye amakuva giligali ga Nyasaye.”

Likunula 3:21

Yavo avaguutaa, ndavaha uvunyali vwu kwikala ahimbi ninzi mu endeve yange yu vwami, kuli inzi ndaguuta, nu kwikala harara na Baba mu endeve yeeye yu vwami.

Likunula 4:4

Zindeve sirini na ine ziakumbiriza endeve yu uvwami yeyo. Ku zindeve zana yizio avakulundu sirini na ine viikara kuzio. Viviika zinguvu zindavu kandi zitaji zie zahabu ku mitwi jaavo.