Luka 22:2 - KITABU KITAKATIFU

² Avasaalisi vanene kandi avigizi vi Lilaga vaali nivagerizaa konyoora inzira yu kwiita Yeso muvwivisu, kigira vaatia avandu.

Luka 22:2 Iomraidhean Croise

Matayo 12:14

Maku, Avafarisayo vaatura ichova, ni valomba zing'anagani kuli vanyara kudiviza Yeso.

Matayo 21:38

Navuzwa lwa avalimi yavo valora umwana weve vavolerana, ‘Uyu niyie ulinyoola imiandu; gendi kumwiti, ma kuvuguli imiandu jije!’

Matayo 26:2

“Mumanye ndi inyima wa madiku gaviri kulava ni lilia lie Lipasaka, kandi Umwana wa Adamu alahaanwa mu makono ga vasigu veve, avambwe.”

Marko 14:1

Gaali ni gakikiri amadiku gaviri vuzwa Lisavo lie Lipasaka numugadi gutali na mamera liduuki. Avasaalisi vanene na avigizi vi Lilaga vaali ni venya inzira yu kugumilira Yeso mu vwivisu vaduuki kumwita.

Luka 20:19

Avigizi vi lilaga na vasaalisi vanene venya kumugumira ulwene yilwo, kigira vamanya Yeso yavavolera lugano yilu, navuzwa vaatia avandu.

Yohana 11:57

Avasaalisi vanene na Avafarisayo vaali nivahaani malago ndi, niiva mundu amanyi havundu ha Yeso aveeye, avavoolere, kunangwa vaduuki kumugumira.

Vikolwa 4:27

“Kigira ligali, nindio Herodi Pontio Pilato, vavugana harara mu lidaala yili na Avizihiiri kandi avandu va Isiraeli, kuhingira Yeso, Mutumikiri woovo mutakatifu wa wakola ave Mesia.