Luka 21:6 - KITABU KITAKATIFU

⁶ “Ku vindu via muloraa hano yivi, ing'inga ilakaduuki lwi ligina kali lilala, lilivula kutigala havundu halio goosi galakagwi hasi.”

Luka 21:6 Iomraidhean Croise

Jeremia 26:18

“Lwa Hezekia yaali mwami wi Ivuyuda, muporofeti Mika wa Moreshezi yavolera avandu vosi ndi Yahova Wuvunyali amali kovora, ‘Ziyoni yaza ilimwi kuli mulimi, Jerusalemi neeve kuli kitumi cha mang'anye, kandi kiguru chi Litembeli nakigwi mulitu!’

Jeremia 26:6

Niiva mulazizagilira kuvula kutia, ndakora ku Litembeli yili aga ndakora ku Shilo, kandi izihiiri ziosi zielirova zilatumikira lieta lielidaala yili kuli kiramo.”

Jeremia 26:9

Kigira ki novoora mu lieta lia Yahova ndi, Litembeli yili lilava kuli Shilo kandi lidaala yili liradivizwa na siaveeyeho kali mundu ulimenya mu mba?” Maku avandu vizura nivangumberiza.

Lisyoma lya Jeremia 4:1

Muporofeti avoora: Izahabu indahi imali kwononywa, kandi imali kogotiza ling'ereng'ana liayo; magina guvuguli vonene gu mu Litembeli gamali kusalanywa mu zinzira.

Lisyoma lya Jeremia 5:18

Kigira kiguru cha Ziyoni kitigaa hazwa, kandi vivwi vwumuvulimu vigenda mumang'anye ga cho.

Mika 3:12

Kunangwa, kigira munyi, Ziyoni ilalimwa kuli umulimi, Jerusalemi lilava kitumi cha amang'anye na kiguru chi Litembeli kilagwa umulitu.

Zekaria 11:1

Mwiguli viliango vienyu, O, Lebanoni, kunangwa muliru guduuki kusamba ligali misaala ji midaragwa jinyu!

Zekaria 14:2

Yahova alakaleete zihiiri ziosi harara kulwaana Jerusalemi. Lidaala linene yili lilakavugulwi, zinyumba zialio zilakalanywe, na vandu vasaza valakonogonye vakali. Inusu ya vandu vamenyi mu valakazie mu vuhaambe, navuzwa valitigala sivalakatulizwi mu lidaala linene mba.

Matayo 24:2

Navuzwa yavativulira, “Muloraa ivindu yivi viosi? Agiligali muvooleraa, si lilakatigale hano ligina kali lilala ni lisiingiyi mu vogono vwalio mba; goosi galakavunguluki.”

Marko 13:2

Yeso yamuvolera, “Olola izinyumba zinene yizi? Iligina kali lilala sililatigala mu vwiyangu vwaliveeye mu yivu mba; vuli ligina lilakalaswi hasi.”

Luka 21:7

Vigi va Yeso vamuteeva kandi, “Mwigizi, yivi vilava ng'inga ki? Kandi niki kiliekoleka kumanyia ndi ing'inga imali kuduuka vindu yivi viekoleke?”