Luka 20:37 - KITABU KITAKATIFU

³⁷ Musa amanyia havulavu ndi avakuzu vasimugukizangwa. Mu zimbaso zivoolaa amakuva kigirakisaka chaadukaa muliru, Musa amolomaa ku Mwami kuli aveeye, ‘Nyasaye wa Aburahamu Nyasaye wa Isaka, kandi Nyasaye wa Yakobo.’

Luka 20:37 Iomraidhean Croise

Litanga 17:7

“Inzi ndakalindi lilagana liange ku ivi kandi ku visukululwi vivio mu makura gaaza kuli lilagana lihindira mihiga ni mihiga. Inzi ndakave Nyasaye woovo kandi wi visukululwi vivio.

Litanga 28:13

Havundu hene yaho, yalora Yahova nasingiyi halovega. Yavoola, “Inzi mbeeye Yahova, Nyasaye wa Aburahamu kandi Nyasaye wa Isaka. Ndakahaane ku ivi kivala chogoniku yiki, harara ni visukululwi vivio.

Litanga 28:21

Kandi niiva ndirana mu mirembe hango ha baba wange, kunangwa ivi ulakave Nyasaye wange.

Litanga 32:9

Maku Yakobo yasaala, “Nyasaye wa guuga wange Aburahamu, Nyasaye wa Isaka, hulira lisaala liange! Ivi wambolera, O, Yahova, nzirane mukivala change kandi ku viko vange, na ulangolera vulahi.

Kutwula 3:15

Volera vandu va Isiraeli ndi inzi Yahova, Nyasaye wa vaguuga vinyu, Nyasaye wa Aburahamu, Isaka, na Yakobo undumi kuvo. Yili ni lieta liange mihiga ni mihiga; kandi nilio lidukanaa makura na makura gaaza goosi ganange.

Kwidzulitsa 33:16

Kivala chavo chizuli vindu viosi viveeye vilahi. Ikigaasiziywi nu vugasu vulahi vwa Yahova Nyasaye uwamoloma kutura mu kisaka chaadukaa muliru. Uvugasu yivu vuduuki ku ihiiri ya Josefu. Kigira yaali mwimiliri hagati ha avamwavo veve.