Luka 20:35 - KITABU KITAKATIFU

³⁵ Navuzwa avasaza na vakali vaduukana kusimuguka kutura mu vakuzu kandi vamenye mu likula lizaa, sivaliletanaa mba.

Luka 20:35 Iomraidhean Croise

Matayo 12:32

Ku vosi ovola ilikuva lio konyega Umwana wa Adamu alasaamiifa, navuzwa oyo ovola ilikuva lio konyega Roho Mutakatifu, sialisaamiifwa kali mu likula lia kalunu yili, anoho mu likula iliiza mba.

Matayo 22:29

Yeso yavativulira, “Agiligali munyi muveeye avadamanu, kigira si mumanyi Mang'oda Matakatifu, anoho zinguru zia Nyasaye mba.

Marko 10:42

Kunangwa Yeso yavalanga, navavoolera, “Mumanyi vulahi avalolangwa kuva avamihi vi zihiiri vamiiha avandu vaavo ni zinguru, na vanene vaavo vamiiha nu vunyali ku avandu vaa vo.

Marko 12:24

Yeso yavavolera, “Munyi mugotwa ligali, kigira si mumanyi Amang'oda Matakatifu, anoho izingulu zia Nyasaye mba.

Luka 16:8

“Kunangwa, mwami yizominya mulindi utaali umusuuvirifu oyo; kigira yatumikira vugadi. Avandu vikivala yiki vaveeye novogeri vwu uvugadi ku makuva gaavo kuvita avandu vuvulavu.”

Luka 21:36

Mulindi, musaale kazozo muluhi muduuki konyoora zinguru kuvitira mu vindu yivio viosi ni mirembe, ivizizaa kwekoleka kandi muve avanyala kusingira imbiri wu Mwana wa Adamu.”

Yohana 5:29

kandi valakatuli mu vilindwa viavo. Yavo avakola amalungi valakasimuguki kandi valakave mwoyo, na yavo avakola uvudamanu valakasimuguki nu kukalagirwa.

Vikolwa 24:15

Mbeeye nilisuuvirizwa lilala liere mu Nyasaye kuli avandu vene yava vaveeye nalio ndi, avandu vosi, vombi avalungi na avadamanu valakasimugukizwi.

Vikolwa 5:41

Kunangwa avatumwa vaatura mu kiyaalo ni vayaanza ligali kigira Nyasaye yalora sivadukanaa kuvikwa mu zisoni kigira lieta lia Yeso mba.

2 Vatesalonike 1:5

Yaga goosi gamanyia ndi likalaga lia Nyasaye liveeye lirungi, na munyi mulavalizwa kuva avaduukani konyoora vwami vwivwe uvugira nimunyoola likubizwa kivi.

Vahebraina 11:35

Kuvitira mu lisuuvira avakali vavugura aviiko vaavo vakuzu nivasimugukiziwi. Avandi vasuuraa kuvugilira vovoholore, vakuzira mu lidambizwa kunangwa vaduuki konyoora lisimugukizwa mu livamwoyo lilahi ligali.

Likunula 3:4

Navuzwa oveeye na amita ga avandu vakekeeke mu Saride, avavura kokora vwoni. Mulakagende harara ninzi ni mwiviki izinguvu izindavu, kigira muduukani.