Luka 20:20 - KITABU KITAKATIFU

²⁰ Kunangwa venyeleriza vwiyangu vatuma avatunyirizi nivekola kuva vasuuvirifu vaduuki kumugumira kigira gavoora kunangwa vamuhira ku avuvunyali kandi kumuviika mu zinguru ziu Mwami wu vwamihi vwavo Rumi.

Luka 20:20 Iomraidhean Croise

2 Samweli 14:2

Kunangwa Joabu yatuma na mukali mugeri wamenyaa mu lidaala lia Tekoa, lwa yaduuka yamuvolera, “Wigadize ndi oveeye mu lisioma. Wiviki zinguvu zielisioma, na utiivaka amaguta kwinihiza mba. Wekole kuva kuli mukali waamenyi madiku manyingi naasiomeraa mukuzu.

Zaburi 38:12

Yavo avenya kunzita vamali kotega mitego jaavo ku inzi, yavo avenya kusaliriza vatihiza ukundiviza ligali. Sivaleka kunganaganira uvudamanu mu vwivisu mba.

Zaburi 66:3

Mu voole ku Nyasaye; “Vindu via okolaa viveeye viokogenyia! Zinguru zizio ziveeye zinene ligali! Kali avasigu vovo vinamaa imbiri woovo mu vuti.

Zaburi 81:15

Yavo avadunyiraa inzi Yahova vakasigami imbiri wange mu vuti; lihevwa amageri liavo liakahindiyi mihiga ni mihiga.

Jeremia 11:19

Ndaali kuli kememe kehoma ikihilwa kwitwa. Navuzwa si ndaamanya ndi avasigu vange valohiza vindu vidamanu ku inzi mba. Vavoola ndi, “Koteme musaala yigu nigukikiri na amatu amavisi; kumwiti kunangwa mundu navuli kumwizuliza kali hakuzu.”

Jeremia 18:18

Maku avandu vavoola, “Hambi, gendi kolohizi mu vwivisu kwingilira Jeremia; kigira liegiza lielilaga navasaalisi, anoho konyoora amigizu kutura ku vageri, anoho makuva kutura ku vaporofeti sigalagota mba. Kunangwa hambi, kumwingiliri namang'ana giitu malulu kandi kuvuli kuhuliriza ku kindu choosi cha avoora.”

Jeremia 20:10

Mbulira vuli vandu nivamonya, “Litihiza liveeye havundu hoosi! Kulwayago, kulamuvoola ku vanene!” Kali avalina vange vahimbi ligali valindilira ku ligwa liange. Avalina yava vavoola, “Hawundi anyala kugadwa, maku kunyala kumugumira kandi kuvanze kisaalia.”

Danyeli 6:4

Maku vasingiliri vandi na vamiihi vaageriza kwenyeleriza vudamanu mu liamiiha lia Danieli lwa yamiha kivala, navuzwa si vanyoola kindu mba, kigira yaali musuuvirifu kandi si yakola kindu kidamanu kandi kitaveeye chu vulungi mba.

Matayo 27:2

Vaamuvoha ni minyororo, nivamwimiriza nu kumuhaana ku Pilato, uwaali mwamihi wa Varumi.

Marko 3:2

Avandu valala vaali mu avenya kwihambihiza Yeso vamunyoole nuvudamanu. Vahenza valore niiva Yeso yaali anyala kohonyia umundu oyo ku lidiku lie Lisabato.

Luka 11:54

Vageriza kumutega vada ki kumunyoola navoora makuva madamanu.

Luka 20:21

Vamuteveleriza nivavoora, “Mwigizi, kumanyi vulahi ivi ovola kandi wigiza amakuva gaveeye guvulungi; kandi ivi si welizaa avandu kolondekana novonene vwavo mba. Navuzwa wigiza agiligali kolondekana nu vulaliri vwa Nyasaye ku Mundu.

Luka 20:26

Navo sivanyala kugumira Yeso mu limoloma lilie imbiri wa avandu mba. Vagenya ligali ku litivula lilie ma nivakiring'ana.

2 Petro 2:3

Mu likayirwa liavo lio vuviiti vigizi vuvugadi yava vukala ku munnyi kigira amakuva gaavo gu vugadi. Mukalagi wavo umali kwetegeka kandi mudivizi wavo siagonaa mba.