Luka 2:41 - KITABU KITAKATIFU

⁴¹ Aviivuli veve vazizaa Jerusalemi mu lisavo lie Lipasaka vuli muhiga.

Luka 2:41 Iomraidhean Croise

Kutwula 12:11

Muduukana mugilie vwangu, kigira gamudukira mwiviki kwetegekera logendo, muve ni ivilato mu virenge vienyu, kandi zimbimbu mumakono ginyu. Mulie vwangu kigira liveeye lilia lie Lipasaka liu kuhaana luyali ku Inzi, Yahova.

Kutwula 12:14

Lidiku yili lilava kuli liukwizuliza ku munyi; Gamudukira muligumili live kuli lidiku lie Lisavo ku Yahova. Mulalilinda kuli lilago mihiga ni mihiga.”

Kutwula 34:23

“Avasaza vosi kuduuka vaze kusigamira Yahova, Nyasaye wa avandu va Isiraeli, haali kavaga ku muhiga.

Kyavalevi 23:5

Lipasaka liange litangaa hamugorova ku lidiku lie likomi na gane, liu mweli gwu kutanga.

Livalidza 28:16

Lidiku lia 14 ku mweli gwu kutanga, lilava lidiku lie lisavo lie Lipasaka liu kuhaana luyali ku Yahova.

Luka 2:42

Lwa Yeso yaduuka mihiga likomi naviviri vazia mu lisavo lie Lipasaka yilio kuli kazozo.

Yohana 11:55

Lisavo lia Avayuda lie Lipasaka liali ahimbi, na avandu vanyingi vazia Jerusalemi vaduuki kwitakasa aveene imbiri wi lisavo likikiri kuduuka.

Yohana 13:1

Liali lidiku lilala lisavo lie Lipasaka nilikikiri kuduuka, Yeso yamanya ndi ing'inga yeeye yokutula mu kivala yiki nu kuzia ku Baba weve iduuki. Yaali ni yayanza avandu veve kazozo, avaveeye mu kivala; yee, yavamanyia ndi yavayanza kuduuka ku keheri.

Yohana 2:13

Lisavo lia Vayuda lilangangwa Lipasaka liali ahimbi, kunangwa Yeso yazia Jerusalemi.

Yohana 6:4

Lisavo lia Avayuda lilangwa Lipasaka liali ahimbi.

Kwidzulitsa 12:11

Yahova Nyasaye winyu alatovola havundu harara heng'ine haduukana, ha asigamirwa, kandi ahene yaho, kuduuka muleete ho kuye vindu viosi via inzi mali kumulaga: visiuviliru vienyu viukusambwa kandi visiuviliru vienyu vindi, zizaka zienyu kandi vihaanwa vidukiru via mwalagana na Yahova.

Kwidzulitsa 12:18

Munyi harara na avana vinyu, vatumikiri vinyu harara na vandu vinyuma ya Levi avamenyi mu madaala ginyu kuduuka muliri vihaanwa vienyu imbiri wa Yahova Nyasaye winyu havundu harara heng'ine hatovolwa kusigamira Yahova Nyasaye winyu. Mulasangalira uwene yeyo imbiri wa Yahova Nyasaye winyu ku viosi viamumali kokora.

Kwidzulitsa 16:16

Avasaza vosi vi ihiiri yinyu kuduuka vaze kusigamira Yahova, Nyasaye winyu haali kavaga ku muhiga havundu harara hukusigamira ha Yahova yatovola, ku ing'inga yi lisavo lie Lipasaka, lie Ligesa kandi lisavo lie Vidioli. Vuli musaza kuduuka aleete kihanwa, vataaza imbiri wa Yahova makono meere mba.

1 Samweli 1:21

Ing'inga yaduuka kandi ku Elikana harara na vinyumba yeeye kuzia Shilo kuhaana ku Yahova kisiuviriru cha vuli muhiga kandi kisiuviriru kidukiru cha yaali niyalagana kuhaana.

1 Samweli 1:3

Vuli muhiga Elikana yaturaa Rama kuzia kusigamira Yahova Wuvunyali nukuhaana visiuviliru kuye ha Shilo, ha Hofini na Finiasi, avayaayi vaviri va Eli, vaali avasaalisi va Yahova.