Luka 19:17 - KITABU KITAKATIFU

¹⁷ Mwami weve yamuvolera, ‘Mutugwa wange mulahi, okoli vulahi ligali. Kigira waali umusuuvirifu kuvikuzuzu, ndakokola ove nuvunyari ku madaala manene likomi.’

Luka 19:17 Iomraidhean Croise

Litanga 39:4

Potifa ya yaanza Josefu ligali kandi naamukora ave mutumikiri weve wa himbi ligali. Kunangwa yakola Josefu kuva munene munyumba yeeye kandi kusingilira vindu viosi via yaali navio.

Tsing'ano 27:18

Osembelere mukuyu na ulanyora makuyu gu kulia. Oyo ulindaa vanene veve alahevwa luyali ligali.

Matayo 25:21

Mwami weve yamuvolera, ‘Okoli vulahi, umutugwa mulahi kandi umusuuvirifu. Walinda vulahi ivindu vikekeke; ndakuviika ove umulindi wi vindu ivinyingi. Hamba wingiri mu vusangali harara nu mwami woovo.’

Luka 16:10

Ku vosi oveeye musuuvirifu ku vindu vikekeke, anyala kuva musuuvirifu kandi ku vindu vinene, kandi utaveeye musuuvirifu ku vindu vikekeke sianyala kusuuvirwa ku vindu vinene mba.

Luka 19:16

Wukutanga yaza navoora, ‘Mwami, ndaanyoora zikilo zindi zie feza likomi kutura ku ya wamba.’

Luka 19:18

Wa kaviri yaza, navoora kandi, ‘Mwami, ifeza yooyo enyooleye vukala zindi zitano.’

Luka 22:30

Munyi mulalia nukunwa komesa yange mu Vwami vwange. Mulikala ku zindeve ziu Vwami ukwamiiha zihiiri likomi na ziviri zia Isiraeli.

Varumi 2:29

Muyuda wiligali ni oyo oveeye Muyuda musi mugati; agaveeye kovora, uwumwoyo gwigwe mu Roho gumali kokevwa; kandi yigu goveeye muyinzi gwa Roho wa Nyasaye, sigoveeye gwi Lilaga liang'odwa mba. Mundu wu lugano yilu anyoora lizominywa lilie kutura ku Nyasaye, silitulaa ku vandu mba.

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

1 Petro 1:7

Kivuni cha magerizu yaga kimanyia ndi lisuuvira liange liveeye lia giligali kali izahabu inyala kusambwa mu muliru; kandi ndio lisuuvira lienyu liveeye lilahi ligali kuvita izahabu, ligerizwa kunangwa liduuki kuhindira. Maku mulakanyoole lizominywa, vukumi kandi luyali ku lidiku lia Yeso Kristo aliloleka.

1 Petro 5:4

Mwayi mwene aliloleka, mulakanyoole itaji yu vukumi ilivula kogotiza vwaku vwayo.

1 Samweli 2:30

Inzi Yahova Nyasaye wa Isiraeli, ndasuuviriza ku maziambiri ndi avinyumba yooyo na vikiliango chicho valatumikira inzi kuli avasaalisi zing'inga ziosi. Navuzwa kalunu mboraa ndi sindava nago kuli ndio kandi mba! Muvogono yivwo, ndahaana uluyali ku yavo avambeezaa uluyali. Ndachaya yavo avanjayaa.