Luka 18:9 - KITABU KITAKATIFU

⁹ Yeso yavoola lugano yilu kandi ku avandu valala avelolaa aveene kuva nuvulungi na nivalegeliza avandi vosi

Luka 18:9 Iomraidhean Croise

Tsing'ano 30:12

Vaveeye ho na vandu valala avaganaganaa ndi vaveeye valahi lwavafunyaa vugundu.

Isaya 65:5

Maku, vavoola ku vandi, ‘Mutisuunda ahimbi ni kunyi mba; kigira koveeye avatakatifu ligali kuvita munyi!’ Inzi sinyala kwikuzira ku avandu kuli yava mba. Uvutima vwange voveeye kuvo kuli umwochi mu muulu gange, kandi muliru gwakaa lidiku liosi.

Isaya 66:5

Muhuliri icha Yahova avoora, munyi avamutizaa nukumuhulira: “Kigira muveeye avasuuvirifu ku inzi, valala ku vandu vinyu vene vamudunyira na sivalava ni cha vamukola mba. Vamukolera kehenyahenye nivavoora; ‘Leka Yahova amanyie ovonene vwivwe na amuhonyie, kunangwa kuduuki kolola munyi nimusangara.’ Navuzwa yavo aveene valava muzisoni!

Kyavalevi 13:32

Musaalisi alahenzeliza havundu halwaala zana ku lidiku lia saba, niiva sililandi mba, kandi amaswa gi ligondo liu vuduugi sigaveeye ho kandi sihayavuguki kuvita ligodo lihakumbirizi mba,

Luka 10:29

Navuzwa mwigizi wi Lilaga oyo, yenya kwisuuviriza ndi oveeye mulungi, yateeva Yeso, “Nivwaha oveeye mutende wange?”

Luka 15:2

Avafarisayo na avigizi vi Lilaga vatanga komoloma kwililira nivasinyiki nivavoora, “Mundu uyu! Yingirizaa avoni kandi alizaa navo.”

Luka 16:15

Navuzwa Yeso yavavolera, “Munyi muveeye yavo aveekolaa aveene kuva avalungi imbiri wa avandu, navuzwa Nyasaye yamanya mioyo jinyu. Kindu cha avandu vizominyaa kuva chuluyali ligali, imbiri wa Nyasaye kelolekaa kuva chukuvihiliriza ligali.

Luka 18:11

“Mufarisayo oyo yasingira, niyisaalira mwene, ‘Nyasaye, ngusandizaa kigira simbeeye kuli avandu vandi mba: avanuuri, avagaanga, avaheyi, anoho kali kuli musololi wu vusuuru uyu mba.

Luka 19:7

Lwa avandu vosi valora yaga, vatanga kokenya nokomonyana nivavoora, “Mundu uyu uziyi kuva mugeni hango hu mundu mwoni.”

Luka 7:39

Lwu Mufarisayo wamugenihiza yalora yaga, yaganagana mwene, navoora, “Niiva mundu uyu yakaveeye muporofeti, ngano yakamanyi mukali uyu nivwaha, umudiraa; yakamanyi ni liiva liu vwoni lia lugano ki liu mukali uyu amenyi mu!”

Yohana 8:48

Avayuda vateva Yeso, “Si koveeye vulungi lwa kovora ndi ivi oveeye Musamaria, kandi oveeye nilidemoni?”

Yohana 9:28

Vaamunyega nivavoora, “Ivi oveeye mwigi weve; navuzwa kunyi koveeye aviigi va Musa.

Yohana 9:34

Vaamutivulira, “Ivi wivulwa kandi nuvilukizwa mu wvoni vonene, unyala ndi kwigiza kunyi?” Maku vamukunga kutura mu lisinagogi.

Vikolwa 22:21

Navuzwa Mwami yambolera, ‘Zia, kigira ndakutuma ihale ku avandu vi Zihiiri zindi.’ ”

Varumi 10:3

Sivamanya kuli Nyasaye akolaa vandu kuva valungi imbiri weve mba, kandi vamali kogerizaa kwiyumbakira uvulungi liiva liavo veene. Nandio sivihaana vene kuliiva lia Nyasaye liu kulungikiza vandu mba.

Varumi 14:10

Kunangwa, kigira ki ivi ukalagiraa amwavo woovo? Na ivi, kigira ki uchayaa amwavo woovo? Kunyi vosi kulakasingiri imbiri wa Nyasaye kukalagirwa naye.

Varumi 14:3

Vandu valiza vindu viosi vatachaya yava vatanyala kulia vindu viosi mba; kandi yavo vatalizaa vuzwa zinguza vatakalagira yavo vatalizaa vindu viosi mba, kigira Nyasaye umali kuvavugilira.

Varumi 7:9

Ku ing'inga ndala, inzi ndaali mwoyo vugira Lilaga; navuzwa lwi Lilaga liaza, uvwoni vwasimuguka, na ndaakuza.