Luka 18:43 - KITABU KITAKATIFU

⁴³ Nonoho uwaali mboku yalora lilie, ma nalonda Yeso, niyizominya Nyasaye. Lwa avandu vosi valora yaga, vizominya Nyasaye.

Luka 18:43 Iomraidhean Croise

Zaburi 107:15

Kuduuka vasandizi Yahova, kigira uvuyanzi vwivwe vutaveeye ne keheri, kandi kigira vindu vivie viokogenyia via yavakolera.

Zaburi 107:8

Kuduuka vasandizi Yahova kigira uvuyanzi vwivwe vutaveeye ne keheri, kandi kigira ku vindu viokogenyia viayavakolera.

Zaburi 146:8

kandi ahaanaa lilola ku vavoku. Adigululaa yavo avamali kugwa; kandi ayaanza avandu veve valungi.

Zaburi 30:2

O, Yahova, Nyasaye wange ndaanira ku ivi ongonye, kandi wambonyia mu vulwaye.

Isaya 35:5

Avavoku valalola, kandi wahana matu alahulira.

Isaya 42:16

“Ndimilira avandu vange avavoku, kandi ndavamanyia inzira ya vakikiri kolonda ku. Ndagirung'anyia kisundi chavo kugwa uvulavu, kandi ndalungikiza kivala keveeye chamajichi kuva kilahi imbiri wavo. Yili nilio lisuuvirizwa liange ku vandu vange, kandi sindavaleka mba.

Isaya 43:21

Vaveeye avandu vandelombera umwene, kandi valimba lizominywa liange!”

Matayo 11:5

Avavoku valora, avalema vagenda, avagere vatakaswa, na avahana amatu vahulira; avakuzu vasimugukizwa, na avadaka vilwazirwa makuva malahi ga Nyasaye.

Matayo 21:14

Avavoku na avalema vaza kuye mu Litembeli, naye yavahonyia.

Matayo 9:8

Lwi kiduma kenene cha avandu valora yaga, vagenya, nivatia ligali; ni vaakuminya Nyasaye uwahaana ku avandu zinguru kuli yizi.

Luka 13:17

Lwa yamala kovora yaga, vosi avahing'anaa naye vaali soni, kandi avandu vosi vaali nuvusangali kigira vindu viosi viekoleka.

Luka 19:37

Lwa yaali ahimbi kuduuka hinzira isulungutaa nizia hasi hi Kiguru cha Mizeituni, kiduma choosi cha aviigi chatanga kusangara ni vizominya Nyasaye ni isango enene kigira miyinzi josi jokogenyia ja vaali nivaloli.

Luka 4:39

Yeso yazia nasingira ahimbi naye na gondokeraa vulwaye, kandi yahona nonoho kutura ku vulwaye. Na ahene yaho mukeere oyo yasingira, na avatumikiraa.

Luka 5:26

Vosi vagenya niviizura uvuti, nivakuminya Nyasaye nivavoora, “Kumali kolola vindu viokogenyia lero!”

Luka 9:43

Avandu vosi vagenya ligali Zinguru nu Vunyali vwa Nyasaye. Navuzwa lwa avandu vosi vaali nivakihuga ku vindu viosi via Yeso yakola, yavolera aviigi veve,

Vikolwa 11:18

Lwa vahulira yaga, valeka amahangari gaavo, ni vizominya Nyasaye, vavoola, “Nyasaye umali kuhaana ku vandu vi Zihiiri zindi vwiyangu vwu kwiganira no konyoora livamwoyo!”

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

Vikolwa 4:21

Kunangwa, avakulundu vi kiyaalo vavatihiza nukuviganihiza vudinyu, mani vavalakuula. Valora ndi nivudinyu ligali kuvaha amageri, kigira avandu vosi vaali ni vizominyaa Nyasaye kigira kekolwa yicho.

Vagalatia 1:24

Maku vaakuminya Nyasaye kigira inzi.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.