Luka 18:32 - KITABU KITAKATIFU

³² Kigira alahaanwa ku avandu vizihiiri, navo valamukolera kehenyahenye, kandi vamunyege nu kumutuzira amate; valamukuya nizingova, kandi valamwita.

Luka 18:32 Iomraidhean Croise

Isaya 50:6

Ndahaana mugongo gwange ku vasigu vange. Kandi ndagilung'ana niimbana zisaya ziange vaduuki kumanyula zinderu ziange. Si ndaavisa mumoni mwange kutura ku livikwa mu zisoni kandi kutuzilwa amate mba.

Isaya 52:14

Avandu vanyingi valatimukwa engolo lwa vamulola kigira ligondo lilie liononywa; siyaali kandi ni ligondo liu mundu mba.

Isaya 53:3

Yaachaywa nukusuulwa na vandu; yikuzira ku vusaliri nuvuzunu. Yaali mulala uwa vandu vavisa mumoni mwavo vavuli kumulora. Yalegwa kandi nikumulola siyaali kindu mba.

Mika 5:1

Munyi avandu va Jerusalemi, vungizi amahi ginyu! Kukumbiriziywi niliihi linene na vingilira nukukuya umwimiliri wa Isiraeli ku lusaya.

Matayo 16:21

Kutura ing'inga yeyo, Yeso yaatanga kumanyia aviigi veve havulavu ndi, “Gandukira kuzia Jerusalemi, kandi ngubizwi kivi kenene na vakulundu vasaalisi vanene harara na avigizi vi Lilaga, kandi nzitwi, navuzwa ku lidiku lia kavaga ndakasimugukizwi.”

Matayo 20:19

Valamuhaana ku avandu vizihiiri zindi, akolerwe kehenyahenye, akuywi kandi avaambwi. Navuzwa ku lidiku lia kavaga, alasimugukizwa.”

Matayo 22:6

avandi vagumira avatumikiri veve zana ni vaavakuya ma nivaviita.

Matayo 26:67

Maku, vamutuzira amate mumoni ni vamukubaga; na yavo avaamusamula

Matayo 27:2

Vaamuvoha ni minyororo, nivamwimiriza nu kumuhaana ku Pilato, uwaali mwamihi wa Varumi.

Marko 14:65

Valala kuvo vataanga kumutuuzira amate. Vamufuma mu zimoni nu kumuduya nivamuvoolera, “Porofeta, nivwaha ukuduyi!” Avasikari vaamuvugura nivamukuya.

Marko 15:1

Lwa vwaduuka mugambazuri, avasaalisi vanene harara navakulundu na avigizi vi Lilaga harara ni kiyaalo choosi, vateevana icha vanyara kokora. Kunangwa vavoha Yeso ni vaatura naye, kandi nivamuhila ku Pilato.

Luka 18:33

Navuzwa ku lidiku lia kavaga, alasimuguka.”

Luka 23:1

Kiduma choosi chasingira nivahira Yeso imbiri wa Pilato.

Luka 23:11

Herodi harara navasikari veve vachaya ni vaviika Yeso mu zisoni, nivamukolera kehenyahenye. Vaviika Yeso iganza indahi yuluyali ma nivamwiranyia wa Pilato.

Luka 23:35

Avandu vasingira ho nivahenza, lwa aviimiliri va Vayuda vamukolera kehenyahenye. Vavoola, “Yahonyia avandi, leki yehonyie umwene niiva aveeye Kristo wa Nyasaye amali kotovola.”

Yohana 18:22

Lwa Yeso yaali niyakamara kovora yaga, mulala ku vanene va vasikari vi Litembeli, uwaali nasingiyi ahene yaho, yaala Yeso uluhi navoora, “Nindio utivulira Musaalisi Munene?”

Yohana 18:28

Kunangwa, mugambazuri mu mavwevwe, Avayuda vatuliza Yeso munyumba ya Kayafa nivamuhila munyumba yuvwami iyalangwa Puritorio. Avanene va Avayuda vene sivingira mu Puritorio mba, kunangwa vavuli kwonogonywa, navuzwa vaduuki kulia chukulia chi Lipasaka.

Yohana 18:30

Vaamutivulira, “Niiva mundu uyu siyaakola uvudamanu, sikwakamuleti ku ivi mba.”

Yohana 18:32

Yili liekoleka ndio liduuki kutwekizwa likuva lia Yeso yavoola kumanyia alikuza likuza ki.

Yohana 18:35

Pilato yamutivulira, “Inzi mbeeye Muyuda? Ihiiri yooyo na avasaalisi vanene vakoleti ku inzi. Okoli kindiki?”

Vikolwa 2:23

Kolondekana ni lilohiza lilie mwene, Nyasaye yaali ni yatovola ndi Yeso ahaanwi mu makono ginyu. Navuzwa munyi mwamwita kigira mwalekela avandu avoni navadamanu kumuvaamba.

Vikolwa 3:13

Nyasaye wa Aburahamu, Isaka na Yakobo, Nyasaye wa avaguuga viitu, uhaani vukumi vwu vunyasaye ku Mutumikiri weve Yeso. Navuzwa mwamuzaama kandi nimumuhaana ku vamiihi kandi mwamwambakana imbiri wa Pilato, kali lwa Pilato yaali niyakaganagana kumuvoholora.