Luka 18:3 - KITABU KITAKATIFU

³ Mu lidaala liene yilio, haali ho kandi nu mukunzakali mulala, uwahongera kuzia ku mukalagi oyo haali kanyingi namugoonya aduuki kumukolera kuli yenya, navoora, ‘Ongonye nyoore likalaga lirungi kigira musigu wange.’

Luka 18:3 Iomraidhean Croise

Ayubu 22:9

Ivi wakunga vakunzakali vugira kindu choosi, kandi wavunaga makono ga avavisandu.

Ayubu 29:13

Mundu uwaali ahimbi kudiva yangasiza, kandi ndaakola avakunzakali kwimba nu uvusangari.

Isaya 1:17

na mwigi okokora amalungi. Mulole ndi likalaga liuvulungi likoleywi. Mukoonye yavo avadambizwa, muhe avavisandu uvulungi vwavo, na mukingi avakunzakali.”

Jeremia 5:28

kandi kigira vaveeye avakomeru ligali kandi avanifu. Si vaveeye nekeheri ku vikolwa viavo vidamanu mba. Sivahaana ku avavisandu agadukanaa navo mba, anoho si vamanyia likalaga lirungi ku avadambi mba.

Matayo 5:25

“Lomba uvulina vwangu nu mundu ukuyalaa ni mukikiri kuzia mu kiyaalo. Nuvula kokora ndio, umusigu woovo alakuhila ku mukalagi, na mukalagi naye alakuviika mu makono gu musikari, na ivi ulavikwa mu vuhambe.

Luka 18:2

Yavoola, “Mu lidaala lilala, yaali ho mukalagi uwavula kutia Nyasaye kandi uwavula kuhaana luyali ku avandu.

Luka 18:4

Ku ing'inga indambi, mukalagi oyo yasura makuva gumukunzakali oyo, navuzwa lwinyima, yavoola mumwoyo gwigwe mwene, ‘Kali nindatizaa Nyasaye, kandi nindahaanaa luyali kuvandu,

Luka 18:5

navuzwa kigira mukunzakali uyu umbuhi, ndamukolera kuli yenya gase alanduhiza nilihongera kuuza hano!’ ”

Kwidzulitsa 27:19

“ ‘Alaamwe oyo uchaminyaa likalagirwa liu mugeni, muvisandu numukunzakali.’ “Avandu vosi valavoora, ‘Amini!’