Luka 18:24 - KITABU KITAKATIFU

²⁴ Lwa Yeso yalora yaga yavoola, “Voveeye vudinyu ku avatugi kwingira mu Vwami vwa Nyasaye!”

Luka 18:24 Iomraidhean Croise

Zaburi 10:3

Mundu muchamu yiyizominyiraa ku likayirwa lilie lidamanu, mundu wi liegomba linyingi alaama kandi asuraa Yahova.

Tsing'ano 11:28

Yavo avaviika zing'anagani ziavo mu vutugi vwavo valavunguluka kuli matu gi misaala mu ing'inga yiligesa, navuzwa valungi valazizagilira kuli matu gimisala mung'inga yumbasu.

Tsing'ano 18:11

Avandu vatugi vaganagana ndi, vutugi vwavo vuvakingaa kuli lidigi litambi lie zinguru liakumberiza lidaala.

Tsing'ano 30:9

Niimba ni chukulia kinyingi, nyara kuvoola ndi si ngwenyaa mba. Navuzwa nimbeeye mudaka nyara kwiva ma mbane izisoni ku Nyasaye wange.

Jeremia 2:31

Munyi avandu va Isiraeli, muhulirize agambooraa. Inzi mali kugwa kuli changalangwi ku munyi, kandi kuli kisundi ligali kandi kivala chu vuhimwa? Kigira ki muvooraa ndi mulakola kuli gamuyaanzizaa, kandi simunyala kwirana ku inzi mba?

Jeremia 5:5

Ndazia ku avandu vaveeye nuvunyari, kandi ndamoloma navo; kigira vamanya aga Nyasaye wavo yenya, kandi aga Yahova yenya vakole.” Navuzwa vosi vamali kusura zinguru zia Yahova, kandi si venya kumuhulira mba.

Marko 6:26

Mwami yavelera ligali, navuzwa kigira iliesuuha lia yisuhira imbiri wa vageni veve, si yayanza kuvunanyia lilaga lilie mba.

Luka 18:23

Navuzwa lwu mundu uyu yahulira yaga, yavelera ligali kigira yaali mutugi ligali.