Luka 18:22 - KITABU KITAKATIFU

²² Lwa Yeso yahulira yaga, yamuvolera, “Wenyekaa okole kindu kilala kandi. Gulizaa viosi via oveeye navio, ugavuliri avadaka, na ulava nilivikiru liilio mwigulu; maku, uzi ononde.”

Luka 18:22 Iomraidhean Croise

Zaburi 27:4

Mali koteeva Yahova kindu kilala! Nyenya vuzwa kindu kilala cheng'ine: Nduuki “Komenya mu Litembeli lilie, nindora uvulahi vwivwe, nukumusaala yaanzimiliri.”

Matayo 19:21

Yeso yamuvolera, “Niwenya kuva umudukiru, zia ugulizi ivindu vivio viosi ohe avadaka, na ivi ulava nu utungi mwigulu, ma uzi ononde.”

Luka 10:42

Navuzwa kindu kilala vuzwa nicho chenyekaa. Maria atovooye kindu kilahi, ichalivula kunyagwa mba.”

Luka 12:33

Mugulize vindu vienyu viosi, muhaane ku avadaka. Mwelombere zimuya zitakunguhaa mba, muve nilivikiru mwigulu ahu mwivi ataduuka, anoho ahizisere zitononyia mba.

Luka 16:9

Yeso yaazizagilira kovora, “Kandi ndio inzi muvooleraa, mwelombere avalina na avandu munzira yu uvugadi nu uvutugi vwilirova liu vwoni yili kunangwa lwa vuva nivufeye, munyi muduuki kwingira mu vomenyo vutaveeye nekeheri, mwigulu.

Luka 18:21

Naye yavoola, “Yago goosi ndagagumira kutura vwana vwange.”

Luka 18:23

Navuzwa lwu mundu uyu yahulira yaga, yavelera ligali kigira yaali mutugi ligali.

Luka 9:23

Yavolera avandu vosi, “Niiva mundu woosi yenya kononda, gamudukira yigaye, kandi avuguli musalaba gwigwe yanonde kazozo.

Vafilipi 3:13

Avaamitu vange, sinzevoola inzi mwene mali konyoora itaji yeyo mba. Navuzwa ngolaa kindu kilala vuzwa. Inzi nyenya kwivilira ivindu viavita kandi iviveeye inyima, nu kwidinyiriza ligali nduhi nduuki ku vindu viveeye imbiri.

2 Petro 3:8

Navuzwa avalina avayaanze, mutivilira ikindu kilala yiki! Mu zimoni ziu Mwami, lidiku lilala liveeye kuli mihiga elefu, kandi mihiga elefu jiveeye kuli lidiku lilala.