Luka 18:14 - KITABU KITAKATIFU

¹⁴ Muvooleraa, musololi wu vusuuru uyu yirana yengo weve nakoleywi mulungi na Nyasaye kuvita Mufarisayo oyo. Kigira ku vosi wenenehizaa umwene, alagehizwa; na ku vosi uwegehizaa alanenehizwa.”

Luka 18:14 Iomraidhean Croise

Ayubu 22:29

Nyasaye yikizaa hasi avigingiri, navuzwa alahonyia yavo avegehizaa.

Ayubu 25:4

Mundu anyala kuva ndi mulungi imbiri wa Nyasaye? Mundu wumukali yivula anyala ndi kuva mulahi?

Ayubu 9:20

Kali niiva mbeeye mulungi, vugira lihiolo, navuzwa makuva gange gene galangalagira; kali niiva mbeeye vugira imbara, Nyasaye yakandolekizi ndi mbeeye muchamu ligali.

Zaburi 138:6

Kali noveeye igulu ligali, odendaa avadedekere. Navuzwa avigingiri sivanyala kwivisa kutura ku ivi mba.

Zaburi 143:2

Utambika inzi mutumikiri woovo mu likalagirwa mba, kigira sihaveeye ho numundu kali mulala oveeye mulungi imbiri woovo mba.

Kutwula 18:11

Kalunu inzi manyi ndi Yahova aveeye munene kuvita avanyasaye vosi, kigira yakola yaga lwa vandu va Egebeti vadambiza vandu va Isiraeli nilielora kuli yili.”

Tsing'ano 15:33

Liitia Yahova liveeye konyoora miigizu. Gakuduukiraa ove muhocha nulanyoola luyali.

Tsing'ano 18:12

Avulaho mundu unyala konyoora luyali, nategehizi, avandu vikirage vaveeye kunzira yu kudivizwa.

Tsing'ano 25:7

Voveeye vulahi koteevwa wikale kondeve yuvukumi kuvita kuteevwa uhaane vwiyangu vuvwo ku mundu wundi wikivuni.

Tsing'ano 29:23

Mundu oveeye ni lielora luyali lugeha kuye, navuzwa oyo wegehizaa mu mwoyo alahevwa luyali.

Tsing'ano 3:34

Yahova achayaa vandu vaveeye ni lielola, navuzwa ayanziliraa yavo avegehizaa kuye.

Kohelethu 9:7

Uzizagiliri kulia chukulia chicho kandi usangale; Unwi iwaini yooyo kandi ove nu vusangali. Goosi gaveeye malahi ku Nyasaye.

Isaya 45:25

Inzi Yahova ndasora visukululwi viosi via vandu va Isiraeli, kandi valahaana lisaandiza ni lizominya ku inzi.”

Isaya 53:11

Inyima wi limenya liu vusaliri alirana kuva nuvusangali; alamanya ndi siyasaaliraa vugira kivuni mba. Mutumikiri wange mulungi uwa inzi nyanzizangwa naye, alagiinga amageri ga vanyingi, na kigira ye ndasamiiha uvwoni vwavo.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 66:2

Inzi mwene ndaalomba ligulu ni lirova! Nyanzizangwa na yavo avaveeye avahocha na aviliegehiza, avatizaa nukuhulira inzi.

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Habakuk 2:4

Yaga nigo makuva zana: ‘Yavo avaveeye vadamanu, sivalakahononoke mba; navuzwa yavo avaveeye avalungi valakave mwoyo kigira vaveeye avasuuvirifu ku Nyasaye.’ ”

Matayo 23:12

Oyo wenenehizaa, alagehizwa; naye uwegehizaa alanenehizwa.

Matayo 5:3

“Vaveeye nuvugasu avaveeye nuvudaka mu mioyo; Kigira uvwami vwu mwigulu nu vwavo.

Luka 1:52

Waguluyi avami vizingulu kutura ku zindeve ziavo ziu vwami; navuzwa onenehizi avakeekeke.

Luka 10:29

Navuzwa mwigizi wi Lilaga oyo, yenya kwisuuviriza ndi oveeye mulungi, yateeva Yeso, “Nivwaha oveeye mutende wange?”

Luka 14:11

Kigira ku vosi, uwenenehizaa, alagehizwa, na uwegehizaa alanenehizwa.”

Luka 16:15

Navuzwa Yeso yavavolera, “Munyi muveeye yavo aveekolaa aveene kuva avalungi imbiri wa avandu, navuzwa Nyasaye yamanya mioyo jinyu. Kindu cha avandu vizominyaa kuva chuluyali ligali, imbiri wa Nyasaye kelolekaa kuva chukuvihiliriza ligali.

Varumi 3:20

Umundu siakolwa mulungi imbiri wa Nyasaye ku likora miyinzi ji Lilaga lienyaa mba; ichi Lilaga likora keveeye okokora vandu vamanye ndi vamali kokora vwoni.

Varumi 4:5

Mundu utakola miyinzi, navuzwa usuviraa Nyasaye okolaa vachamu kuva valungi, Lisuuvira lilie livalizwa kuva lirungi.

Varumi 5:1

Kunangwa kumali kokolwa avalungi imbiri wa Nyasaye kuvitira mu lisuuvira, koveeye ni mirembe na Nyasaye kuvitira mu Mwami wiitu Yeso Kristo.

Varumi 8:33

Ivwaha uliyaala avatovole va Nyasaye? Nyasaye mwene avakolaa kuva valungi imbiri weve!

Vagalatia 2:16

Navuzwa kunyi kumanyi ndi mundu akolwaa mulungi na Nyasaye kuvitira mu lisuuvira mu Yeso Kristo, na sigaveeye ku likora agi Lilaga lienyaa mba. Kunyi kandi, kumali kusuuvira mu Kristo Yeso kuduuki kokolwa avalungi imbiri wa Nyasaye ku lisuuvira lietu mu Kristo, kigira mu miyinzi ji Lilaga mundu sianyala kokolwa mulungi mba.

Yakobo 4:10

Mwegehizi munyi aveene imbiri wu Mwami, naye alamunenehiza.

Yakobo 4:6

Navuzwa zimbavasi zia Nyasaye akohezaa ziveeye ni zinguru ligali kuli Mang'oda Matakatifu gavoora, “Nyasaye ahingiraa avigingiri, navuzwa ahaanaa, zimbavasi ku vegehiza.”

1 Samweli 1:18

Naye Hana yamutivulira, “Leka mukali woovo anyoore livugilirwa mu zimoni zizio” kunangwa yazia, nalia viukulia. Mumoni mwimwe simwali novovereri kandi mba.