Luka 18:13 - KITABU KITAKATIFU

¹³ “Navuzwa musololi wu vusuuru uyu, yasingira ihale. Siyaali anyala kali kuginga vweni vwivwe aheenze mwigulu mba, nitali yiduya ku kiritu chiche navoora, ‘O, Nyasaye, inzi mbeeye mwoni. Ombere zimbavasi!’

Luka 18:13 Iomraidhean Croise

2 Samweli 12:13

Daudi yavolera Nazani, “Mali kwonera Yahova.” Nazani yativura, “Yahova ukusamihi; si ulakuza mba.

2 Kyetsinyinga 33:19

Lisaala liu mwami na mativuli ga Nyasaye kulio, kandi livaala liu vwoni vwa yakola nakikiri kwiganira, uvudamanu vwa yakola, havundu hukusigamira misambwa nivifananyi viu munyasaye wikikali Ashera ivia yalomba kandi ni misambwa ja yasigamira viosi viang'odwa mu vitabu via makuva ga kale ga Avaporofeti.

2 Kyetsinyinga 33:23

Amoni siyegehiza umwene imbiri wa Yahova, kuli baba weve Manase yegehiza mba, navuzwa, yaazizagilira kokora uvwoni kuvita ligali.

Ezara 9:6

Inzi ndaavoora, “O, Nyasaye, inzi mbeeye ni zisoni kuginga mutwi gwange igulu imbiri woovo. Uvwoni vwitu vumali kuva vunyingi ligali, imbiri woovo.

Ayubu 42:6

Kunangwa, inzi mbeeye nizisoni ku goosi aga inzi mali kovora, kandi nzivakaa luguchi ni ligoke ukumanyia lieganira liange.”

Zaburi 106:6

Kunyi kumali kokora uvwoni kuli avaguuga viitu vaakora; kokoli uvudamanu kandi uvuchamu.

Zaburi 119:41

O, Yahova, umanyie vuyanzi vuvwo uvutaveeye nekeheri, kandi ombonyie kolondekana ni lisuuvirizwa liilio.

Zaburi 130:7

O, Isiraeli, musuuviri mu Yahova, kigira uvuyanzi vwivwe voveeye vwa kazozo; kandi avugiliraa kohonyia kunyi kazozo.

Zaburi 25:11

O, Yahova, uliinde lilagana lliilio na usamihi vwoni vwange, kigira voveeye uvunyingi.

Zaburi 25:7

Usamihi uvwoni na mahiolo gu vwana vwange. O, Yahova mu vuyanzi vuvwo uvutahera kandi mu vulahi vuvwo unzizulizi.

Zaburi 40:12

Uvudinyu vunyingi uvutanyala kuvalizwa vuungumbirizi! Uvwoni vwange vung'umiyi, kali sinyala kolola uwanziza kandi mba. Voveeye uvunyingi kuvita iliisu liu ku mutwi gwange; kandi mali kogotiza uvuluviliri mu mmwoyo gwange.

Zaburi 41:4

Ndavoora, “O, Yahova, mali kukwonera, ombere zimbavasi, na ombonyie.”

Kutwula 33:10

Lwa avandu valora munara gwi lilesi nigusingiyi imbiri wu vwingiliru vwi Lihema, vinamaa hasi. Vuli mundu yasigamiraa Yahova ha lihema lilie.

Isaya 1:18

Yahova avoora, “Kalunu, hambi kuhulirizane mu makuva yaga. Kali uvwoni vwinyu nivoveeye vwakanyu ligali ndamwogiza mulave kuli likonza; kali nivoveeye vwakanyu ligali kuli masahi, mulava avalavu kuli ipamba.

Isaya 6:5

Inzi ndavoora, “O, vayaayi, kivi keveeye ku inzi! Choosi cha mboraa keveeye chu vwoni, kandi menyaa hagati havandu va vuli likuva liavo liveeye liuvwoni. Navuzwa mali kolola mwami, Yahova Wuvunyali!”

Isaya 66:2

Inzi mwene ndaalomba ligulu ni lirova! Nyanzizangwa na yavo avaveeye avahocha na aviliegehiza, avatizaa nukuhulira inzi.

Ezekieli 16:63

Nasamihi uvwoni vwinyu vwosi vwa mumali kokora, navuzwa nimuvwizulizi kandi namuve muzizoni ligali kali sinamutivuli ku kindu mba.” Yahova Wuvunyali umali kovora.

Danyeli 9:5

“Kumali kokora uvwoni, koveeye avadamanu, kumali kokora vuchamu, kwaleka guwakulaga kokole, kandi kwagirung'ana kutura ku gawakumanyia agaveeye malungi.

Matayo 10:3

Filipo na Baturumayo, Tomasi na Matayo uwaali musololi wu vusuuru; Yakobo umwana wa Alufayo, na Tadayo;

Matayo 6:5

“Lwa musaala, mutava kuli avagaadi, kigira yavo vayaanza kusaala nivasingiyi mu masinagogi kandi muvwavukaniru vwi zinzira kunangwa, avandu vavalore. Ligali muvooleraa, vamali konyoora amadanyi gaavo.

Matayo 9:13

Muzie kwiga kivuni cha amakuva yaga: ‘Nyenya zimbavasi, si nyenya visiuviliru mba.’ Sindaaza kulanga avandu avalungi, navuzwa avoni.”

Marko 11:25

Lwa musaala, musamiihi umundu woosi uva niyaamukolera uvudamanu, kunangwa Baba winyu oveeye mwigulu aduuki kumusamiiha uvwoni vwinyu.” [

Luka 17:12

Lwa yaali niyingira mu lidaala lilala, avandu likomi vovogere vavugana naye, na vasingira ihale kuye,

Luka 22:41

Yavaleka nazia kuli hanyala kulasa ligina, nasigama, nasaara.

Luka 23:48

Lwi viduma via avandu vosi, avaari nivavungi ukwelolera agekolekaa valora vindu yivi, vosi virana yengo nividuyaa viritu viavo mu vovereri.

Luka 5:8

Lwa Simoni Petero yalora ndio, yagwa hasi mam'mama imbiri wa Yeso navoora, “Tula ku inzi, kigira inzi mbeeye umwoni, O, Mwami!”

Vikolwa 2:37

Lwa avandu vahulira yaga, vatumitwa mu mioyo jaavo, nivateeva Petero na avatumwa vandi, “Avaamitu, kokora ki?”

Varumi 5:8

Navuzwa Nyasaye yamanyia ndi yakuyaanza, kigira lwa kwaali nikukiri avoni, Kristo yakukuzira.

2 Vakorintho 7:11

Loli ga Nyasaye yakola kigira vovereri, vwinyu, vuluviliri vwa mwanyoola; liiva liamwaali nalio kumanyia ndi muvura imbila, vutima vuti, liegomba kolola ndi vulungi vwekoleki, liegomba lia havulavu, vwihaani vwa mwanyoola, kandi kuli mwetegeka kuhaana mageri ku vandu vaakora vudamanu. Munyi mwayimanyia ndi simuveeye nimbala ku makuva yaga goosi mba.

Vahebraina 4:16

Kunangwa, gendi kuluviliri kwisunda ahimbi kondeve yu vwami vwa Nyasaye, hi zimbavasi ziveeye. Ahene yaho, kulanyoola livererwa kandi zimbavasi ziukokokoonya lwa kuzienya.

Vahebraina 8:12

Ndavasamiiha uvwoni vwavo, kandi sindizuliza amahiolo gaavo mba.”