Luka 18:10 - KITABU KITAKATIFU

¹⁰ “Avandu vaviri vaanigira kuzia mu Litembeli kusaala; Mulala yaali Mufarisayo, nu wundi naava musololi wu vusuuru.

Luka 18:10 Iomraidhean Croise

1 Avami 10:5

Yalora viukulia vialetwa ku mesa yeeye, zinyumba ziokomenya zia vatumikiri veve, lilohiza lia vayinziri vu munyumba yu vwami, kandi zinguvu ziafanana zia viviika, vatumikiri vamutumikira ing'inga ya masavo, kandi nisiuviliru via yahaana mu Litembeli. Gamukola ahugi nokogenya ligali.

1 Avami 8:30

Hulira masaala gange kandi masaala ga vandu vovo, lwa vahenza havundu yaaha nukusaala. Noveeye hango hoho mwigulu, ukuhuliri, kandi ukusamihi.

2 Avami 20:5

yirane ku Hezekia mwami wa vandu va Yahova, na muvolere; “Inzi Yahova, Nyasaye wa guuga woovo Daudi, mali kuhulira lisaala liilio kandi ndoli maliga googo. Inzi ndakohonyia vulwaye vuvwo, na mumadiku gavaga ulazia mu Litembeli.

2 Avami 20:8

Mwami Hezekia yateeva, “Ni kelolero ki kimanyia ndi Yahova alambonyia, kandi inyima wa madiku gavaga, ndanyaliza kuzia mu Litembeli?”

Matayo 10:3

Filipo na Baturumayo, Tomasi na Matayo uwaali musololi wu vusuuru; Yakobo umwana wa Alufayo, na Tadayo;

Luka 19:46

Yavavolera, “Gang'odwa, mu Mang'oda Matakatifu ndi, Nyasaye yavoola, ‘Inyumba yange ilava Litembeli liu kusaala.’ Navuzwa munyi mumali kogekola uluhangaywa lwa aviivi”

Vikolwa 26:5

Vamanyi ku madiku manyingi; kandi nivakayaanzi, vanyara kololekiza, ndi kutura mu litanga ndamenya kuli mulala ku avumuganda mudinyu ligali gwi idini yitu, ndaamenya kuli Vafarisayo.

Vikolwa 3:1

Lidiku lilala, zisa tisa zia mbasu, Petero na Yohana vazia mu Litembeli, kusaala.

Vafilipi 3:5

Inzi ndaakevwa ku lidiku lia munane inyima wi liivulwa liange. Mbeeye wi kisukururwi cha Isiraeli ku liivulwa, wi ihiiri ya Benjamini, Muheburaina wiligali. Kolondekana ni Lilaga, inzi ndaali Mufarisayo,