Luka 17:24 - KITABU KITAKATIFU

²⁴ Kigira kuli loheni lohemahemaa lovega lulala muvwerefu malwaaka lovega Lundi, nindio Mwana wa Adamu aliva lidiku lilie liu kuuza.

Luka 17:24 Iomraidhean Croise

Ezekieli 1:14

Vilombe yivi vianyagula zimbiru ligali kuli lihemahema lioloheni.

Zekaria 9:14

Yahova alakaloleke ku vandu veve; alakalase mivano jije kuli loheni. Yahova Wuvunyali alakahuliriki kuli kisiriva; alakagende mu imbuza enene kutura Isavaalu.

Matayo 24:27

kigira kuli oloheni long'ereng'anaa kutura ivugwi kuduuka imadioli, kandi ni ndio iliiza liu Umwana wa Adamu lilakave.

Matayo 24:30

Maku kelolekizu chu Umwana wa Adamu kilakaloleke mwigulu, na ahene yaho zihiiri ziosi zie lirova zilakaliri, lwa valilola Umwana wa Adamu ni yazaa ku malesi ni zinguru nu vukumi vonene.

Matayo 25:31

“Lwu Umwana wa Adamu aliiza kuli Umwami harara ni zingelosi vosi alikala ku endeve yu vwami vwivwe,

Matayo 26:64

Yeso yamuvolera, “Ivi ovola ndio. Navuzwa mbolera munyi mwosi: kutura ing'inga yene yiyi kuzizagilira, mulalora Mwana wa Adamu ni yikaye ku mukono mulungi gwa Nyasaye Wuvunyali, kandi ni yaazaa ku malesi gu mwigulu.”

Matayo 5:15

Anoho avandu sivahambizaa itaya ma vagikunikira mu kihinda, navuzwa vagiviikaa komesa iduuki kumulika ku vosi avaveeye munyumba.

1 Vakorintho 1:8

Oyo alamudinyiriza muve ni zinguru mu lisuuvira kuduuka ku keheri, muduuki konyooleka vugira imbara ku Lidiku lie likalagirwa liu Mwami wiitu Yeso Kristo.

1 Vatesalonike 5:2

Munyi aveene mumanya vulahi ndi Lidiku liu Mwami lilakaze kuli mwivi yaazaa vudiku.

2 Vatesalonike 2:2

muvuli kogoyaanywa vwangu muziganagani anoho kohendizwa umwoyo ni livoora lia vandu ndi Lidiku liu Mwami limali kuduuka. Hawundi gaganaganwa ndi kwavoola yaga lwa kwilwazaa anoho kwaporofetaa; anoho lwa kwaling'oda mu ibarwa.

2 Vatesalonike 2:8

Maku muchamu oyo alaloleka, navuzwa lwu Mwami Yeso aliiza alamwita nu mwika kutura mu munwa gwigwe, nu kumudiviza nu vwaku vwiliiza lilie.

Yakobo 5:8

Munyi kandi kuduuka mwikuziri kuli ndio, muve nilisuuvirizwa linene kigira liza liu Mwami liveeye ahimbi.

2 Petro 3:10

Lidiku liu Mwami lilakaze kuli umwivi. Ku Lidiku yilio, ligulu lilatulizwa ho nu mufuumu munene. Ni miviri josi ju mwigulu jilasaambwa nu kudivizirwa mu muliru munene; lirova ni vindu vialio viosi vilasambwa.