Luka 16:24 - KITABU KITAKATIFU

²⁴ Kunangwa, yahanzuka, ‘Baba Aburahamu! Omberere! Tuma Lazaro yiini esonga ye kedete chiche mu mazi na akindizi lulimi lwange, kigira mbeeye mu vusaliri vonene ligali mu lemo lwu muliru yilu.’

Luka 16:24 Iomraidhean Croise

Ayubu 20:21

Lwa aliizaa, sikeveeye ho nikitigalaa; Kulwayago limedeka lie ligasizwa lilie si lilazizagilira mba.

Isaya 27:11

Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Isaya 66:24

“Avandu vosi valazia nokohenza ku miviri jakuza jayavo avamala kwibaala ku inzi. Zing'ende zililia miviri jaavo na si zilakuza mba, kandi muliru guvasamba si gulasiminywa mba, kandi valava chu kuvihiliriza ku vandu vosi.”

Zekaria 14:12

Yahova alakaleete vulwaye vudamanu ligali ku zihiiri zilileta vulwani ku Jerusalemi. Miviri jaavo jilakagundi nivakikiri mwoyo; zimoni ziavo kandi zinimi ziavo zilakagundi.

Matayo 25:41

“Alakavoolere avaveeye ku mukono gwigwe mumosi, ‘Tuli ku hizi munyi avalaamwa na Nyasaye! Muzie mu muliru gwi mihiga ni mihiga ugwalomberwa Setani harara ni zingelosi veve!

Matayo 3:9

Mutiganaganyia aveene kovora, ‘Kunyi koveeye na guuga wiitu Aburahamu!’ Muvooleraa agiligali, Nyasaye anyala kolombera Aburahamu avana kutura ku magina yaga.

Matayo 5:22

Navuzwa inzi muvooleraa: Mundu woosi uva nu vutima na amwavo weve alakalagirwa. Uyu onyegaa amwavo weve alahilwa mu kiyaalo. Mundu woosi ovolera amwavo weve: ‘Ivi oveeye musiru,’ aveeye mu vudinyu vwu kuzia mu muliru gwe gehena.

Luka 16:30

Navuzwa mutugi ya muvooleraa; ‘Awa, baba Aburahamu! Sigaveeye ndio mba. Niiva mundu alasimuguka kutura mu vakuzu ma azie kuvo, valiganira.’

Luka 19:9

Yeso yamuvolera kandi, “Lidiku linu, ovohonyi vumali kuduuka kunyumba yiyi, kigira uyu aveeye kisukururwi wa Aburahamu.

Luka 3:8

Gamudukira mukore vikolwa vilahi vimanyia ndi mumali kwiganira kutura mu vwoni vwinyu ligali. Mutatanga kwevoolera aveene kalunu, ‘Kunyi koveeye avana va Aburahamu.’ Muvooleraa agiligali, Nyasaye anyala kugirung'anyia amagina yaga gagwi avana va Aburahamu.

Yohana 4:10

Yeso yamutivulira, “Niiva wakamanyi kihanwa cha Nyasaye ahaanaa na nivwaha okoteeva, ‘Mbe ku amazi nwi,’ ngano wakamuteevi naye alakuha amazi gi livamwoyo.”

Yohana 4:14

Navuzwa ku woosi unwa ku amazi ga mbana, sialava nuvuluhu kandi mba. Ligali amazi ga ndimuha galava muye kidaho cha amazi gi livamwoyo agasinukaa kumuha livamwoyo litahera mba.”

Yohana 7:37

Ku lidiku liu kumaliriza nalio ni lidiku linene lie lisavo. Lidiku yilio Yeso yasingira navoora nu mwoyo munene, “Oveeye nuvuluhu yaaze ku inzi nainzi ndamuha ichukunwa.

Varumi 4:12

Aveeye baba kandi wa yavo avakevwa, agaveeye kovora, wa yavo, komeeda ku likevwa, vamenyi liiva lielisuuvira lia baba wiitu Aburahamu yamenya nakikiri kokevwa.

2 Vatesalonike 1:8

ni zimemo ziu muliru, kuhaana mageri ku yavo avasuuraa Nyasaye, kandi ku yavo avatahuliraa nu kutia Ivangeri yu Mwami wiitu Yeso.

Yakobo 2:13

Nyasaye sialimanyia livererera lwa alikalagira umundu uyu uwavula kuva ni zimbavasi; navuzwa zimbavasi ziveeye ni liguuta ku likalaga.

Yakobo 3:6

Kandi ululimi loveeye kuli umuliru. Loveeye kivala chu vudamanu niloveeye kilala ku vivero vietu viu muviri. Lokolaa liiva liu mundu kuva lidamanu. Luviikaa livamwoyo lilie liosi mu umuliru gutulaa mu gehena.

Likunula 19:20

Iking'ang'a zana chagumirwa harara nu umuporofeti wo vovehi waali naakori ivilolekizu imbiri weve. Yatumikira ivilolekizu yivio ukugaada avandu vaali nu muhuri gwi king'ang'a, na yavo avasigamira kifananyi chacho. Iking'ang'a nu umuporofeti wo vovehi vasuvwa munyanza yu muliru iyakaa nu kuvasaamba ni kibiriti nivaveeye mwoyo.

Likunula 20:15

Umundu woosi wi lieta liilieliavula kong'odwa mu kitabu chi livamwoyo, yasiuvwa munyanza yu muliru.

Likunula 22:1

Engelosi yamanyia kandi umugera gwa amazi gi livamwoyo, amalengeeru ligali, gasinukaa mundeve yu uvwami vwa Nyasaye kandi yu Mwana wi Ligondi.

1 Samweli 28:16

Samweli yavoola, “Kigira unanga lwa Yahova amali kukoleka nukugwa musigu woovo?