Luka 16:17 - KITABU KITAKATIFU

¹⁷ Navuzwa nivodoto ligali ligulu nilirova kuvita, kuvita induguta kali ndala yi Lilaga kusiminywa.

Luka 16:17 Iomraidhean Croise

Isaya 40:8

Yaga gaveeye agiligali, kigira uvunyasi vuniara, namaua guuma, navuzwa Likuva lia Nyasaye lilamenya mihiga ni mihiga.”

Isaya 51:6

Mugiingi zimoni zienyu muhenze mu ligulu; muhenze hasi ku lirova! Ligulu lilavuya kuli mwoki lirova lilakunguha kuli inguvu ingulu. Avandu vaveeye mu kivala vosi valakuza kuli ziinji. Navuzwa vohonyi vwa ndileeta, vulahindira mihiga ni mihiga; liguuta liange lilava liu kumalirika.

Matayo 5:18

Agiligali muvooleraa, kuduuka lwi ligulu ni lirova vilihera, induguta anoho kedonye kilala kekekeeke ligali chi induguta yi Lilaga, sivinyala ligali kogota, kuduuka lwa viosi vilitwekizwa.

Luka 21:33

Ligulu ni lirova vilavita, navuzwa amakuva gange sigalivita mba.

Varumi 3:31

Kunangwa gaduukanaa kwononyie Lilaga kigira lisuuvira yili? Awa! Si gaveeye ndio kali hakuzu. Navuzwa kudinyirizaa Lilaga.

1 Petro 1:25

navuzwa likuva lia Nyasaye lihindiraa mihiga ni mihiga.” Likuva yili liveeye Makuva Malahi ya mwilwazirwa.

2 Petro 3:10

Lidiku liu Mwami lilakaze kuli umwivi. Ku Lidiku yilio, ligulu lilatulizwa ho nu mufuumu munene. Ni miviri josi ju mwigulu jilasaambwa nu kudivizirwa mu muliru munene; lirova ni vindu vialio viosi vilasambwa.

Likunula 20:11

Ndaalora Nyasaye niyikaye kondeve enene indavu yu vwami. Ligulu ni lirova viagota imbiri weve; sivialoleka kandi mba.

Likunula 21:1

Maku ndaalora ligulu lihia ni lirova lihia. Ligulu liu kutanga kandi lirova liu kutanga limali kuvita kandi inyanza ituliziywi ho.

Likunula 21:4

Aleeya vosi, amaliga kutura mu izimoni ziavo. Likuza sililava ho mba, kandi sihalava no ovovereri anoho lisioma nu uvuzunu mba. Ivindu viakale vimali kogotizwa.”