Luka 16:15 - KITABU KITAKATIFU

¹⁵ Navuzwa Yeso yavavolera, “Munyi muveeye yavo aveekolaa aveene kuva avalungi imbiri wa avandu, navuzwa Nyasaye yamanya mioyo jinyu. Kindu cha avandu vizominyaa kuva chuluyali ligali, imbiri wa Nyasaye kelolekaa kuva chukuvihiliriza ligali.

Luka 16:15 Iomraidhean Croise

1 Kyetsinyinga 29:17

Inzi manya, O, Nyasaye wange, ivi ugerizaa mwoyo gwa vuli mundu na uyanzizwa na avandu vu vulungi nu vusuuvirifu. Na mu vulungi nu vusuuvirifu vwange, mali kuhaana vindu yivi viosi ku ivi, kandi mali kolola kuli avandu vovo avamali kuvunga hano vayanzi koleta vihaanwa viavo ku ivi nu mwoyo gwosi.

2 Kyetsinyinga 6:30

Huliriza lisaala liavo kutura hango hoho mwigulu, ma uvasamihi. Ivi weng'ine umanya zing'anagani zia vuli mwoyo gwu mundu. Kolera vuli mundu sa mulala kuli adukanaa akolerwe,

Zaburi 10:3

Mundu muchamu yiyizominyiraa ku likayirwa lilie lidamanu, mundu wi liegomba linyingi alaama kandi asuraa Yahova.

Zaburi 49:13

Henza olole chekoleka ku yavo aviisuuviraa aveene, keheri cha yavo avigingiraa kigira uvutugi vwavo.

Zaburi 49:18

Kali niiva mundu yigutizwa ni livamwoyo yili, na yizominywa kigira limedeka lie miandu jije,

Zaburi 7:9

Ivi Nyasaye oveeye mulungi, kandi umanya zing'anagani zietu ziosi ni likayirwa lietu. Heriza uvudamanu vwa vandu vadamanu kandi uhaane madanyi malahi ku valungi.

Tsing'ano 16:5

Yahova adunyiraa mundu woosi oveeye mwelori, na sialahononoka kohevwa mageri mba.

Tsing'ano 20:6

Vuli mundu amolomaa kuli aveeye wu luyali kandi musuuvirifu, navuzwa nivwaha unyala kunyoola mundu musuuvirifu?

Tsing'ano 21:2

Unyala kuganagana ndi kindu choosi chokolaa keveeye kilungi, navuzwa wizulizi ndi Yahova yamanya gaveeye mu mioyo jietu kandi nu mukalagi wilienya liilio.

Jeremia 17:10

Inzi Yahova nyenyerizaa zing'anagani kandi ngeriza mioyo ja vandu. Inzi ngolera mundu samulala kolondekana ni limenya lilie, kandi kolondekana ni likora lilie.”

Malaki 3:15

Kuli kololaa, vandu vaveeye ni lielola nivo vaveeye nu vugasu. Avandu vadamanu sivanyoola vuzwa vutugi mba, navuzwa vageriza liekuzira lia Nyasaye mu vikolwa viavo vidamanu ma vahononoka.’ ”

Matayo 23:5

Vakora imiyinzi jaavo josi avandu vavalore. Kigira vevoha imisibi mivambalaru ja mang'oda gi Lilaga gaveeye ku, ku vweni nu ku makono gaavo. Kandi vatambihizaa zingigiti zie zinguvu ziavo.

Matayo 6:16

“Lwa muhongaa lilia, mutaverera kuli avagaadi mba. Yavo vaakuunyaa mu zimoni ziavo, valoreke ku avandu ndi vaahongi lilia. Agiligali muvooleraa, aveene yavo vamali konyoora madanyi gaavo.

Matayo 6:2

“Lwa okonyaa mudaka mutevoola kuli avagaadi vakora mu masinagogi nu muzinzira kunangwa avandu vaduuki kuvizominya mba. Muvooleraa ligali, vamali konyoora amadanyi gaavo.

Matayo 6:5

“Lwa musaala, mutava kuli avagaadi, kigira yavo vayaanza kusaala nivasingiyi mu masinagogi kandi muvwavukaniru vwi zinzira kunangwa, avandu vavalore. Ligali muvooleraa, vamali konyoora amadanyi gaavo.

Luka 10:29

Navuzwa mwigizi wi Lilaga oyo, yenya kwisuuviriza ndi oveeye mulungi, yateeva Yeso, “Nivwaha oveeye mutende wange?”

Luka 11:39

Kunangwa, Mwami yamuvolera, “Munyi Avafarisayo, mwogizaa igulu we kekombe ni sahani. Navuzwa mugati mwinyu, mwayizula uvunuuri nu vudamanu.

Luka 18:11

“Mufarisayo oyo yasingira, niyisaalira mwene, ‘Nyasaye, ngusandizaa kigira simbeeye kuli avandu vandi mba: avanuuri, avagaanga, avaheyi, anoho kali kuli musololi wu vusuuru uyu mba.

Luka 18:14

Muvooleraa, musololi wu vusuuru uyu yirana yengo weve nakoleywi mulungi na Nyasaye kuvita Mufarisayo oyo. Kigira ku vosi wenenehizaa umwene, alagehizwa; na ku vosi uwegehizaa alanenehizwa.”

Luka 18:21

Naye yavoola, “Yago goosi ndagagumira kutura vwana vwange.”

Luka 18:9

Yeso yavoola lugano yilu kandi ku avandu valala avelolaa aveene kuva nuvulungi na nivalegeliza avandi vosi

Luka 20:20

Kunangwa venyeleriza vwiyangu vatuma avatunyirizi nivekola kuva vasuuvirifu vaduuki kumugumira kigira gavoora kunangwa vamuhira ku avuvunyali kandi kumuviika mu zinguru ziu Mwami wu vwamihi vwavo Rumi.

Luka 20:47

vavugura vindu viosi via vakunzakali kandi vavihira mu zinyumba ziavo, kigira venya kufumilira agavakolaa, vasaala amasaala matambi. Yava valanyora mageri manene ligali kuvita!”

Yohana 2:25

Si yenya mundu amulolekizire amakuva gu mundu wundi mba, kigira mwene yamanya vulahi amakuva goosi agaali mu mioyo jaavo.

Yohana 21:17

Yamuteeva lwa kavaga, “Simoni mwana wa Yohana, unyaanzaa?” Petero yavelera kigira Yeso yamuteeva haali kavaga; “Unyaanzaa” Petero yavoola, “Mwami, ivi wamanya vuli kindu, ivi wamanya ndi ndakuyaanza.” Yeso yamuvolera, “Lihiza magondi gange!

Vikolwa 1:18

Mumanyi kuli mundu uyu yaagula mulimi na mabese ka yanyoora kutura ku madanyi gu vwoni vwivwe. Yagwa hasi, naatulika, kandi viumunda vivie viosi viasalika.

Vikolwa 1:24

Kunangwa, vasaala nivavoora, “Mwami, ivi umanya mioyo ja avandu vosi. Ku lwa yago ukumanyie ni uliha ku avandu vaviri yava wa ivi otovooye,

Vikolwa 15:8

Nyasaye umanya zing'anagani zie mioyo ja avandu, yalolekiza ndi, umali kuvavugilira mu lihaa Roho Mutakatifu vave kuli yaaha kunyi.

Varumi 3:20

Umundu siakolwa mulungi imbiri wa Nyasaye ku likora miyinzi ji Lilaga lienyaa mba; ichi Lilaga likora keveeye okokora vandu vamanye ndi vamali kokora vwoni.

Varumi 8:27

Nyasaye, ololaa kuduuka mugati mwi mioyo jietu, amanya zing'anagani zia Roho kuli ziveeye; Roho agonyaa Nyasaye havogono havandu veve, kolondekana nuvulaliri vwivwe.

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

1 Petro 3:4

Navuzwa liesiaha lienyu live liu mu mwoyo; liesiaha litanyala kwoneka imihiga josi; iliveeye lia roho wo vohocha no vohoma, kandi oveeye nu vuguli ovonene imbiri wa Nyasaye.

1 Petro 5:5

Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”

Likunula 2:23

Nainzi ndiita valondi veve, kandi amakanisa goosi galamanya ndi ndaamanya zing'anagani zia vuli mundu harara ni lienya lilie. Ndatunga vuli mulala winyu kolondekana ni likora liayaakola.

1 Samweli 16:7

Navuzwa Yahova yamuvolera, “Utahenza ku vutambi kinga ku vulahi vwi ligondo lilie mba. Mali kumusuura, kigira inzi sindora kuli mundu alolaa mba. Umundu aheenzaa ku ligondo liukwiigulu, navuzwa inzi mbenzaa ku mwoyo.”