Luka 16:14 - KITABU KITAKATIFU

¹⁴ Lwa Avafarisayo vahulira, amakuva yaga goosi, vaakolera Yeso kehenyahenye kigira vayaanza mabese.

Luka 16:14 Iomraidhean Croise

Zaburi 119:51

Avandu vuluyayi vaandegeriza kazozo, navuzwa si ndaaleka amalago googo mba.

Isaya 53:3

Yaachaywa nukusuulwa na vandu; yikuzira ku vusaliri nuvuzunu. Yaali mulala uwa vandu vavisa mumoni mwavo vavuli kumulora. Yalegwa kandi nikumulola siyaali kindu mba.

Isaya 56:11

Vaveeye kuli zimbwa zimbuvaalu izitanyara gwigutaa. Aviimiliri yava sivaveeye nilimanyiriza. Sa mulala akolaa kuli ayaanza kandi yenyaa viambeti vivie umwene.

Jeremia 6:13

Siavuli mundu, mukuzuzu ku munene agerizaa kwenyolera mabese muinzira itaveeye yuvusuvilifu; kali kuli avaporofeti navasaalisi vagada avandu.

Jeremia 8:10

Kulwayago ndahaana milimi jaavo ku avandu vandi kandi avakali vaavo valahevwa avasaza vandi. Vuli mundu, munene kandi mukekeeke alageriza kolomba amabesa munzira itaveeye isuuvirifu. Kali avaporofeti na avasaalisi vagada avandu.

Ezekieli 33:31

Kunangwa avandu vange vazaa kuhulira makuva aga oveeye nago, navuzwa si vakora aguvavoolela vakole mba. Vavoola makuva gu kuyaanziza, navuzwa vazizagiliraa muliiva liavo liokolomba vukala vunyingi.

Matayo 23:13

“O, vayaye, kilaamo keveeye ku munyi, avigizi vi Lilaga kandi Avafarisayo! Avagaadi munyi! Kigira muhanaa ikiliango chingira mu Vwami vwu mwigulu mu zimoni zia avandu, navuzwa munyi aveene si mwingira mu mba, anoho si muhaanaa uvwiyangu ku yavo avagerizaa kwingira mu mba!

Matayo 9:24

Yavavolera, “Tuli ichova! Mukaana uyu siakuzi mba, nitali agonaa.” Navo vaamuseka nivamukolera kehenyahenye.

Luka 12:15

Kunangwa, yavavolera vosi, “Mwilindi kandi mugerihi ku likayirwa liu vuviti liosi; kigira livamwoyo liu mundu silivezaa kigira vunyingi vwi vindu via aveeye navio mba.”

Luka 20:47

vavugura vindu viosi via vakunzakali kandi vavihira mu zinyumba ziavo, kigira venya kufumilira agavakolaa, vasaala amasaala matambi. Yava valanyora mageri manene ligali kuvita!”

Luka 23:35

Avandu vasingira ho nivahenza, lwa aviimiliri va Vayuda vamukolera kehenyahenye. Vavoola, “Yahonyia avandi, leki yehonyie umwene niiva aveeye Kristo wa Nyasaye amali kotovola.”

Luka 8:53

Vosi vamuseka kigira vamanya ukuzi.

Vahebraina 11:36

Avalala vakolerwa kehenyahenye kandi nivakuywa, na vandi vavofa niminyororo kandi nivaviikwa mu vuhambe;