Luka 16:11 - KITABU KITAKATIFU

¹¹ Kunangwa, niiva munyi simuveeye avasuuvirifu mu vutugi vwu vugadi vwi lirova yili; nivwaha ulimuha kulinda uvutugi voveeye vwi ligali?

Luka 16:11 Iomraidhean Croise

Matayo 6:24

“Si haali nu mundu unyala kutumikira avami vaviri mba; kigira aladunyira mulala, na ayaanze wundi; anoho alava musuuvirifu ku mulala na achaye wundi. Si munyala kutumikira Nyasaye harara nu vutugi mba.

Luka 12:33

Mugulize vindu vienyu viosi, muhaane ku avadaka. Mwelombere zimuya zitakunguhaa mba, muve nilivikiru mwigulu ahu mwivi ataduuka, anoho ahizisere zitononyia mba.

Luka 16:12

Niiva simunyala kuva avasuuvirifu kulinda vindu via vandu vandi, nivwaha ulimuha kulinda vindu viveeye vienyu aveene?

Luka 16:9

Yeso yaazizagilira kovora, “Kandi ndio inzi muvooleraa, mwelombere avalina na avandu munzira yu uvugadi nu uvutugi vwilirova liu vwoni yili kunangwa lwa vuva nivufeye, munyi muduuki kwingira mu vomenyo vutaveeye nekeheri, mwigulu.

Luka 18:22

Lwa Yeso yahulira yaga, yamuvolera, “Wenyekaa okole kindu kilala kandi. Gulizaa viosi via oveeye navio, ugavuliri avadaka, na ulava nilivikiru liilio mwigulu; maku, uzi ononde.”

Vafeso 3:8

Kali nimbeeye mukekeeke ligali ku vandu va Nyasaye vosi, Nyasaye yamba zimbavasi zizie yizi, nduuki kwilwaazira vandu vizihiiri kigira uvutugi vwokogenyia vwa Kristo uvutanyala kwenyelerizwa;

Yakobo 2:5

Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.

Likunula 3:18

Kulwa yaga, ngovolera amakuva yaga nukukwiganihiza ndi uguli ku inzi izahabu isiyiiywi nu muliru, uduuki kuva umutugi. Gula kandi zinguvu zindavu ku inzi uduuki kwivika, kunangwa uduuki kufuma izisoni zie chahonyo chicho. Uguli kandi ku inzi ulunyasi lwa maguta lwu kuvaka ku zimoni zizio kunangwa uduuki kolola.