5 Lwa alinyoora aliginga kumavega nuvuyanzi.
Mulalangwa, “Avandu va Nyasaye Avatakatifu”, “Avandu va Nyasaye amali kohonyia.” Jerusalemi ilalangwa, “Lidaala linene lia Nyasaye ayaanza”, “Lidaala linene lia Nyasaye yavula koleka.”
Nyasaye alasangalira munyi kuli muyaayi asangalira mwiha wa asereraa, kandi kuli mwiha asangalira muyaayi wa aselerangwa ku.
Mu lidambizwa liavo liosi, yaasalirizwa, na engelosi yeye yavahonyia; mu vuyanzi ni zimbavasi zizie, yavasoola; yavadenda kutura kale.
Mwami Munene Yahova ateeva ndi, “Uganagana inzi ndasangalira likuza liu mundu mudamanu? Awa! Ndakayanzi kolola niyiganiraa uvwoni vwivwe kandi amenye.
Uvavoolere ndi ligali kuli inzi, Yahova Wuvunyali, mbeeye Nyasaye oveeye mwoyo, si sangala kolola mwoni nakuzaa mba. Ndakayanzi kolola naleki kokora vwoni kandi naveeye mwoyo. Avandu va Isiraeli, muleke uvudamanu vwamukolaa. Kigira ki mwenya kukuza?
Lwa aliiza, alakamiihi avandu veve nizinguru zitulaa ku Yahova kandi nuvunyari vwa Yahova Nyasaye mwene. Avandu veve valakamenyee mu mirembe kigira vandu kutura mu lirova liosi valakamanya ovonene vwivwe, kandi alaleeta mirembe.
Nivwaha oveeye Nyasaye kuli ivi, usamihaa uvwoni kandi ukunikaa amahiolo ga yavo avatigara avavandu veve avatovole? Siaviika nu vutima vwivwe mihiga ni mihiga kigira usangalaa muvuyaanzi vutaveeye nekeheri.
Yahova Nyasaye winyu aveeye harara na munyi. Zinguru zizie zilamuha liguuta. Yahova alayanzizwa na munyi kandi mu vuyanzi vwivwe, alamuha livamwoyo lihia. Alimba nukusangara kigira munyi.
Gaduukani kolombe lilia kandi kusangale, kigira amwavo woovo uyu yaali niyakuza, navuzwa kalunu aveeye mwoyo; yaali niyagota, navuzwa kalunu anyoleki.’ ”
“Nigava mulala ku munyi oveeye na magondi imia ndala niyakagotiza lilala, siamanya aleka magondi tisaini na tisa mwigendanyama, azie kwenya ligondi ligotikuduuka lwa alinyoora?
Lwa aduukaa hango, alaangaa avalina na avatende veve ma avavolera, ‘Sangali harara ninzi, kigira nyooye ligondi liange iliali niligoti.’
Yeso yamuvolera kandi, “Lidiku linu, ovohonyi vumali kuduuka kunyumba yiyi, kigira uyu aveeye kisukururwi wa Aburahamu.
Yeso yamuvolera, “Ligali ligali ngovolera, kalunu ulava ninzi mu Paradiso.”
“Mali kumuvolera yaga kunangwa uvusangari vwange vuduuki kuva mu munyi, kandi uvusangari vwinyu vuduuki kwizura du.
Nyasaye umali kokolomba kuli koveeye, kandi mu lihambanywa harara na Kristo Yeso, yalomba kunyi kigira livamwoyo lie vikolwa vilahi, viamali kwetegekizira kunyi kuduuki kokora.
Inzi ndakorwa mutumikiri wi Ivangeri ku kihanwa kidukiru chi zimbavasi zia Nyasaye cha yamba kuvitira mu miyinzi ji zinguru zizie.
Ivangeri yitu siyaduuka ku munyi mu makuva ameere mba, navuzwa mu zinguru, kandi mu Roho Mutakatifu; kandi mu lisuuvira liveeye liagiligali. Munyi mumanyi vulahi liiva lie limenya lietu lwa kwaali ni munyi. Gaali kigira valahi vwinyu.
Gendi kohenze ku Yeso mutangizi kandi muduukizi wilisuuvira lietu, kutura mu litanga kuduuka ku keheri; kigira uvusangari vwali nivuvikiywi imbiri weve, yikuzira ku musalaba, nachaya zisoni zie likuza na yikaye ha mukono mulungi gwendeve yu vwami vwa Nyasaye.
Vugasu yivu voveeye ku munyi, avakingwa ni zinguru zia Nyasaye kuvitira mu lisuuvira kigira vohonyi vwetekekiziywi kololekizwa mu ing'inga ye keheri.
