Luka 15:24 - KITABU KITAKATIFU

²⁴ Muyaayi wange uyu yaali yakuza, navuzwa kalunu aveeye mwoyo; yaali niyagota, navuzwa kalunu anyoleki!’ Maku vatanga kolomba lilia!

Luka 15:24 Iomraidhean Croise

Litanga 45:28

Kunangwa yavoola, “Muyaayi wange Josefu akikiri mwoyo! Ni yaga geng'ine aga nyenyi kumanya! Inzi ndazia kumulora ni ngikiri kukuza.”

Isaya 35:10

Valaduuka mu Jerusalemi nu vuyanzi, ni vimba nivakuba isango yu vusangali. Valava nu vuyanzi kandi nuvusangali mihiga ni mihiga, kandi sivalava ni liverera kandi nilihenda mwoyo mba.

Isaya 66:11

Mulanuuna nukwiguta ligali ku zimbeere zia Jerusalemi ziokoleminya mwoyo. Mulanwa ligali nuvusangali kutura ku vunyingi vwilimedeka uwalio.

Ezekieli 34:16

“Inzi mwene ndahenza agagotaa; ndiranyia agavoyavoya, ndavohelera agasalirizwa, kandi ndahonyia yago agaveeye malwaye. Ndakadivizi agaveeye amakomeru kandi agizingulu, kigira mbeeye mwimiliri okolaa agaveeye malungi.

Ezekieli 34:4

Si muhenderaa agaveeye amadedekere anoho kohonyia agaveeye malwaye mba, anoho si muvohelelaa agasaliraa anoho kwiranyia agavoyavoya anoho kohenza aga gotaa mba. Muvogono yivwo mumali kugamiiha ni zinguru kandi nu vululu.

Matayo 8:22

Yeso yamuvolera, “Nonda. Leka avakuzu vayaviri avakuzu vaavo aveene.”

Marko 8:22

Yeso yaduuka Bezisaida harara na aviigi veve. Avandu vamuleetera umundu umboku ni va mugoonyaa amudiiri.

Luka 10:19

Henza, inzi mali kumuha uvunyali kuduvagira hasi zinzoka ni zing'e, kandi uvunyali vwosi vwu kuguutira zinguru ziosi ziu musigu oyo. Sikeveeye ho kindu ku viosi ikinyala kumusaliriza kali hakuzu mba.

Luka 15:23

Muku Mwitiri kemoli kenetu, kandi kolombe lilia nukusangara!

Luka 15:25

“Ing'inga yene yeyo, muyaayi mukulundu yaali naveeye mu mulimi. Lwa yaali ni yirana naveeye ahimbi kuduuka hango, yahulira zinyimbu kandi avandu nivavina.

Luka 15:32

Gaduukani kolombe lilia kandi kusangale, kigira amwavo woovo uyu yaali niyakuza, navuzwa kalunu aveeye mwoyo; yaali niyagota, navuzwa kalunu anyoleki.’ ”

Luka 15:4

“Nigava mulala ku munyi oveeye na magondi imia ndala niyakagotiza lilala, siamanya aleka magondi tisaini na tisa mwigendanyama, azie kwenya ligondi ligotikuduuka lwa alinyoora?

Luka 19:10

Kigira Mwana wa Adamu yaza kwenya kandi kohonyia avaagota.”

Luka 9:60

Yeso yamuvolera, “Oleke vakuzu vate avakuzu vaavo aveene. Navuzwa ivi uzie kwilwaza uvwami vwa Nyasaye.”

Yohana 11:25

Yeso yamuvolera, “Inzi niyie lisimuguka kandi livamwoyo. Usuviraa inzi kali niiva alakuza alava mwoyo;

Yohana 5:21

Kuli Baba asimugukizaa avakuzu nu kuvaha livamwoyo, kandi nindio mwana ahaanaa livamwoyo ku yavo avaayaanza.

Varumi 11:15

Lwa Nyasaye yavasuula, Nyasaye yagilung'anyia vandu vu mu kivala, avaari vasigu veve, nivagwa valina veve. Maku galakaveki lwavalakavugililwi? Galakave lisimuguka ku vakuzu.

Varumi 12:15

Musangare harara na yavo avasangalaa, musiome harara na yavo avasioma.

Varumi 6:11

Kunangwa munzira ndala nzere, gamudukira mwiganagane munyi aveene kuli vakuzu ku vwoni, navuzwa munye muduuki kuyaanziza Nyasaye mu Kristo Yeso.

Varumi 6:13

Anoho mutaleki kali kevero kilala chi miviri jinyu kuva kiju cho kokora vudamanu nuvwoni mba. Navuzwa mwihaane ku Nyasaye kuli vandu vasimugukizwa kutura mu vakuzu, muhaane vivero vienyu viosi ku Nyasaye ku kivuni chuvulungi.

Varumi 8:2

kigira Lilaga lia Roho, oleetelaa kunyi livamwoyo mu lihambanywa harara mu Kristo Yeso, limali komboholola kutura mu Lilaga liu vwoni kandi lie likuza.

1 Vakorintho 12:26

Niiva kevero kilala chu muviri kisalira, vivero vindi viosi visaliraa harara nacho. Niiva kevero kilala kilizominywa, vivero vindi viosi vihambanaa mu lisangala harara nacho.

Vafeso 2:1

Maziambiri munyi mwaali avakuzu mu Roho kigira lihiola kandi uvwoni vwinyu.

Vafeso 2:5

ndi lwa kwaali avakuzu mu Roho kigira mahiolo giitu, yakokola kove mwoyo harara na Kristo. Gaveeye ku zimbavasi zia Nyasaye ndi munyi muhonyiywi.

Vafeso 5:14

Kindu choosi ikivuuliywi havulavu kigwizaa uvulavu. Yiki nicho kigira nigavooleka, “Vuka, O, ivi ugonaa, simuguka kutura mu likuza, kandi Kristo alang'ereng'ana ku ivi.”

Vakolosai 2:13

Lwa mwaali nimwakuzira mu lihiola lienyu nu mulivula kokevwa miviri jinyu, Nyasaye yaarnuha livamwoyo harara na Kristo, yakusaameha uvwoni vwitu vwosi;

Yudasi 1:12

Avandu yava vaveeye ni zing'anagani zindamanu kuvitira mu vikolwa viavo vie zisoni nu vuhuvaali. Vohonyie viukulia via mulizaa navo harara. Viganaganaa vuzwa vene. Vaveeye kuli amalesi gahuzwa vugira kukubiza imbura. Vaveeye kuli imisaala vugira matu jamala kwitwa kandi jakuza jitanyala kwama makuyu.

Likunula 3:1

“Ng'odera engelosi wi likanisa liveeye Saride: “Yaga nigo amakuva ga uyu oveeye na Roho saba va Nyasaye, nizing'ereng'ani saba. Inzi manyi miyinzi jijo. Ololekaa kuva mwoyo, navuzwa wakuza.