Luka 15:15 - KITABU KITAKATIFU

¹⁵ Kunangwa yazia koteeva minyinzi ku mundu mulala wikivala yicho. Munene weve yamuhira mu mulimi gwigwe kulihiza zinguruvi.

Luka 15:15 Iomraidhean Croise

2 Kyetsinyinga 28:22

Lwu uvudinyu vwa Ahazi vwa medeeka ligali, kandi naye yameda kwona ku Yahova mbitilira kuvita maziambiri.

Kutwula 10:3

Kunangwa Musa na Haruni vazia ku Mwami nivavoora, “Yahova, Nyasaye wa Avaheburaina, avoora, ‘Ulasuula kwegehiza ku inzi kuduuka ng'inga ki? Leka avandu vange vazie kunangwa, vaduuki kusigamira.

Isaya 1:5

Kigira ki muzizagiliraa kwibaala? Mwenya muhevwe mageri kali kuvita. Avandu va Isiraeli mitwi jinyu josi jizuyi zing'oma, kandi mioyo jinyu niziganagani zienyu zilwaaye.

Isaya 57:17

Ndavasinyikira kigira uvwoni nu vuviti vwavo, kunangwa ndaavaha mageri, kandi nimbaleka. Navuzwa vahindagiriza nivazizagilira kuzia mu zinzira ziavo aveene.

Jeremia 5:3

Gaveeye agiligali ndi Yahova ahenzaa vusuuvirifu. Yamuha amageri, navuzwa si mwenya kuhulira mba; yaamuduvulanyia, navuzwa mwasuura kwiga. Mwaali nikilage kuli ligina kandi mwasura kwiganira uvwoni vwinyu.

Ezekieli 16:52

Kandi kalunu ivi ulava muzisoni ligali. Avakaana vinyu vafana avataveeye nimbala lwavaveeye ahimbi nivi, kigira uvwoni vuvwo voveeye vudamanu ligali kuvita vwavo. Kalunu odegere kandi ove muzisoni, kigira okolaa avakaana vinyu kufana avalahi.”

Ezekieli 16:63

Nasamihi uvwoni vwinyu vwosi vwa mumali kokora, navuzwa nimuvwizulizi kandi namuve muzizoni ligali kali sinamutivuli ku kindu mba.” Yahova Wuvunyali umali kovora.

Nahum 3:6

Ndakamuchaye kandi ndakaleete vugundu ku munyi. Avandu valakamuhenze nuvuti vunyingi.

Malaki 2:9

Ku lwayaga, mu vogono yivu ndakakole avandu va Isiraeli kumuchaya, kigira si mutiizaa lienya liange mba, lwa mwigizaa vandu vange, simuvavugula kuva kindu kilala mba.”

Matayo 7:6

“Mutaha izimbwa vindu vitakatifu, gase zilagirung'ana ma zimutanduli; anoho mutasigisira zinguruvi iziluulu zienyu, gase zilaziduvagira hasi.

Luka 15:13

Inyima wa madiku makekeeke, muyaayi mukekeeke yaguliza miandu jije, nazia logendo ni mabese ganyoleka, nazia mu kivala cha ihale, uwayatumikira mabese geege vudamanu.

Luka 15:14

Lwa yamala kutumikira vuli kindu, inzara yaza mu kivala yicho, naye siyaali nichayalia mba.

Luka 15:16

Yegomba kulia magodo gi zinguruvi zializaa, navuzwa siyaali ho numundu woosi uwamuha kindu cha alia mba.

Varumi 6:22

Navuzwa kalunu, mumali kovoholorwa kutura muvwoni, na mugwiyi vatugwa avatumikiri va Nyasaye. Vukala vwa muveeye navwo kalunu nu vutakatifu, kandi keheri chavwo kcveeye livamwoyo lie mihiga ni mihiga.

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira