Luka 14:21 - KITABU KITAKATIFU

²¹ “Mutumikiri oyo yirana kovoolera Mwami weve yaga goosi. Mwene inyumba yasinyika, navolera mutumikiri weve, ‘Zia vwangu ku zimbarabara kandi mutuzira twi lidaala, uvalete hano avadaka, avadekerana, avavoku na avalema.’

Luka 14:21 Iomraidhean Croise

Zaburi 2:12

mudegere nukumwinamira gase uvutima vwivwe vulaaka, na munyi mukuzi vwangu. Vaveeye nuvugasu yavo vosi avanyagura kuye vanyoore likingwa.

Zaburi 38:7

Iviungu viange visambaa, kali mbeeye ahimbi kukuza.

Isaya 33:23

Ivi Ziyoni, migoye jijo gidengeyi, sijinyala kovoha inguvu yiliato ku mulage gwalio mba, kandi sivanyala kovoholora inguvu yi liato mba. Navuzwa vinyingi vilagavulanywa; kali avalema valavugula kidieli chavo chi viranye.

Isaya 35:6

Mundu mulema alatumatuma kuli kisusu, kandi yavo avaveeye zidimbidi, zinimi ziavo zilimba nukusangara. Amazi galasinuka mwigendanyama, kandi togera twa mazi tulituruka kuvitira mu changarangwi.

Jeremia 5:1

Munyi avandu va Jerusalemi, munyaguli yiyi ni yiyi mu zinzira! Muhenze vuli muzimbega na mwelolere aveene! Mwenyelerizi mu vilitu! Munyala konyoora mundu mulala okolaa agaveeye amalungi, kandi ogerizaa kuva musuuvirifu ku Nyasaye? Niiva mulamunyoola, Yahova alamusamiiha.

Zekaria 11:11

Maku lilagana liatulizwaho lidiku yilio, na yavo avakolaa likiranya lia magondi vambenzaa kandi vamanya ndi Yahova ya molomaa kuvitira mu vindu viandakolaa.

Zekaria 11:7

Yavo avakolaa likiranya lia magondi vambugura kuvayira, kandi ndagwa mwayi wa magondi gaziza kwitwa. Ndaavugura zimbimbu ziviri; indala ndaagigulika “Kuyaanzilira” ni yindi ndaagigulika “Uvuhambani.” Ndaaya magondi.

Matayo 11:28

“Hambi ku inzi munyi vosi avanyang'anaa na avaminikaa ni misigo militu, nainzi ndamusosiza.

Matayo 11:5

Avavoku valora, avalema vagenda, avagere vatakaswa, na avahana amatu vahulira; avakuzu vasimugukizwa, na avadaka vilwazirwa makuva malahi ga Nyasaye.

Matayo 15:12

Kunangwa aviigi veve vaza kuye, nivamuteeva, “Umanyi ku Avafarisayo vaali kwikigitalizwa lwa vaahuliyi amakuva yaga?”

Matayo 18:31

Avatumikiri vache lwa valora agene yago, vavelera ligali, nivazia kovoolera mwami wavo agekoleka yago.

Matayo 20:7

Navo vaamutivulira. ‘Kigira sikoveeye nu mundu okoheeye miyinzi mba.’ Naye yavavolera, ‘Kali munyi muzie muyinziri mu mulimi gwange gwi mizabibu.’

Luka 14:13

Navuzwa niwenya kolomba lilia ulange avadaka, avalema avadekerana na avavoku,

Luka 14:20

Na wundi navoora, ‘Ndeti mukali na ku kivuni yiki, sinyala kuuza mba.’

Luka 14:22

Mutumikiri oyo yavoola, ‘Mwami, aga ulagi gakoleywi, navuzwa vwiyangu vundi vukiri ho.’

Luka 14:24

Kigira, muvooleraa siaveeyeho kali mulala ku avagenihizwa ulizazama ku viukulia viange mba.’ ”

Luka 24:47

kandi lieganira nilisamiifwa liu vwoni lililwazwa mu zihiiri ziosi mu lieta lilie kutangira mu Jerusalemi.

Luka 9:10

Lwa avatumwa virana, vavoolera Yeso ivindu viosi via vaakora. Yeso yavavugula venyine, nazia navo kuduuka mu lidaala lialangwa Bezisaida.

Yohana 9:39

Yeso yavoola, “Inzi ndaaza mu kivala kigira likalaga, kunangwa avavoku vaduuki kolola, na yavo avalolaa vaduuki kuvakula.”

Vahebraina 13:17

Muhuliri aviimiliri vinyu, kandi mwegehizi ku malago gaavo. Valinda kazozo vugira lisosa, kigira kuduuka valahaane ku Nyasaye makuva gu vutumiki vwavo. Nimuvahulira, valakola miyinzi jaavo nuvusangali; nigataveeye ndio, valajikola novovereri, nandio sigalava novokonyi ku munyi mba.

Vahebraina 2:3

Kunyi sikunyala kohononoka kutura ku mageri yaga niiva kulasula vohonyi vonene kuli yivu mba. Mwami mwene yalandiza ovohonyi yivu kutanga kandi yavo vahulira vohonyi yivwo valolekiza ku kunyi ndi vwali vwiligali.

Yakobo 2:5

Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.

Likunula 19:15

Kivavi ichuugi chatula mu munwa mwimwe, cha liguutira zihiiri. Alavamiha ni imbimbu yi kivia. Aladuvaga kandi iwaini mu kiminilu chi iwaini yu uvululu vwu uvutima vwa Nyasaye Wuvunyali.

Likunula 22:17

Kandi Roho harara nu umwiha vavoola, “Hamba!” Kandi uyu uhuliraa avoora “Hamba.” Kandi uyu oveeye nu uvuluhu yaaze, avugiliri amazi gi livamwoyo kuva ikihaanwa, uyu uwegombaa yaaze.

1 Samweli 2:8

Agingaa avadaka igulu kutura mu luguchi, kandi avukizaa avilienya kutura mu vudinyu vwavo. Avakolaa kuva avalina va vayaayi va vami vanene. Na avaviika mu vogono vwu luyali. Mise jilirova jiveeye ja Yahova; na kujo yamala kolomba musingi gwi lirova.

1 Samweli 25:12

Avasaza vayaayi va Daudi virana kuye nivamuvoolera cha Nabali yaali navooye.