Luka 13:35 - KITABU KITAKATIFU

³⁵ Kunangwa, litembeli lienyu lilakave mang'anye! Agiligali muvooleraa, simulandola kandi kuduuka ing'inga yamulivoola, ‘Agasizwi oyo uzaa kulieta liu Mwami.’ ”

Luka 13:35 Iomraidhean Croise

Zaburi 118:26

Nyasaye agaasizi umwami wingiraa mu Litembeli mu lieta lia Yahova! Kugasiza munyi kutura mu Litembeli lia Yahova!

Zaburi 69:25

Wononyie hokososa haavo, mundu kali mulala atalekwa mwoyo mu mahema gaavo mba.

Isaya 52:7

Gaveeye gukuyaanziza ligali, kolola mutumwa naatuliyi mu vigulu, naletaa makuva malahi, makuva malahi gimirembe! Nalandizaa uvuguuti kandi avoleraa lidaala linene lia Ziyoni, “Nyasaye woovo aveeye Mwami!”

Jeremia 22:5

Navuzwa niiva simulatia malago gange, hene yaho, inze nzisuha ku munyi ndi, inyumba yu vwami yiyi ilagwa amang'anye. Inzi Yahova mali kovora.

Jeremia 35:17

Kunangwa kalunu, Inzi, Yahova Wuvunyali, Nyasaye wa Isiraeli, ndaleta ku munyi avandu vi Ivuyuda na Jerusalemi lidiviza liosi liandalaga. Ndakora yaga kigira simuhuliyi lwa molomi ku munyi, kandi simwali munyala kuhaana mativuli lwa ndaamulanga mba.”

Mika 3:12

Kunangwa, kigira munyi, Ziyoni ilalimwa kuli umulimi, Jerusalemi lilava kitumi cha amang'anye na kiguru chi Litembeli kilagwa umulitu.

Zekaria 12:10

“Ndakahaane ku visukululwi via Daudi harara na vandu vandi va Jerusalemi Roho wi zimbavasi kandi Roho wi lisaala. Valakahenze ku oyo wavatoza nakuza, kandi valakamusiomere kuli mundu asiomeraa mwana weve mudelwa. Valakasiome vululu kuli yavo avasiomera mwana wavo muyaayi wukutanga wa vamali kogotiza.

Zekaria 14:2

Yahova alakaleete zihiiri ziosi harara kulwaana Jerusalemi. Lidaala linene yili lilakavugulwi, zinyumba zialio zilakalanywe, na vandu vasaza valakonogonye vakali. Inusu ya vandu vamenyi mu valakazie mu vuhaambe, navuzwa valitigala sivalakatulizwi mu lidaala linene mba.

Matayo 21:9

Kiduma cha avandu valala vaamwimilira na avandi nivamulonda inyima. Vataanga kuhanzuka nivavoora, “Hosana ku Umwana wa Daudi! Agasizwi uyu uzaa mu Iieta liu Mwami! Yizominywi Nyasaye oveeye yigulu mwigulu!”

Matayo 23:37

“Jerusalemi, O, Jerusalemi! Ivi uwiita avaporofeti, nukulasa amagina va Nyasaye atumaa ku ivi. Ni haali kanga niingerizaa kuvuungiza avana vovo harara, kuli engoko inyavuli ivungizaa ivimiinyu viayo mu zimbaha ziayo, navuzwa siwenya mba?

Luka 19:41

Lwa yaduuka ahimbi Jerusalemi yalora lidaala zana, nalililira,

Luka 21:24

Avalala valakitwi nikivaavi, na avandi valagumirwa kuli avahambe nukuhirwa muvivala viosi. Lidaala linene lia Jerusalemi liladuvagwa na Avandu vizihiiri avatamanyi Nyasaye kuduuka lwi zing'inga ziavo ziliduukizwa.

Yohana 12:13

Kunangwa vaavugura zisia zia makindu nivazia kumwaganira, nivakuba isango nivavoora, “Hosana! Agasizwi uyu uzaa mu lieta liu Mwami. Agasizwi Mwami wa Isiraeli.”