Luka 13:34 - KITABU KITAKATIFU

³⁴ “O, vayaye munyi avandu va Jerusalemi! Ivi Jerusalemi, wita avaporofeti, nulasa amagina avatumwa va Nyasaye atumaa ku ivi! Ndayeenyaa kuvungiza harara avana vovo kuli engoko ivungizaa viminyu viayo muzimbaha ziayo haali kanga, navuzwa munyi simwa mbugilira!

Luka 13:34 Iomraidhean Croise

Nehemia 9:26

“Navuzwa avandu vovo vibaara kandi nivavula kukuhulira vasuura kuhulira Lilaga liilio. Vita avaporofeti avaviganihiza, avavavolera viirane ku ivi vaanyega ivi vuli ing'inga.

Nehemia 9:30

Ivi wikuzira kuvo ku mihiga minyingi. Waviganihiza mu vwikuziri vunyingi. Wakola avaporofeti vovo komoloma. Navuzwa vasuura kuhuliriza, kunangwa ivi waleka vaguutwi na avandu vizihiiri zindi.

Zaburi 149:2

Musangare O, Isiraeli kigira uyu wamulomba. Musangare munyi avandu va Ziyoni kigira mwami winyu!

Zaburi 17:8

Uniindi kuli unyala kulinda emoni yooyo mwene. Umbisi kuli engoko ivisaa ivimiinyu viayo isi wi zimbaha

Zaburi 36:7

O, Nyasaye, vuyanzi vuvwo vutaveeye nekeheri voveeye vulahi ligali, ukingaa mu likingwa liilio, kuli engoko ikingaa viminyu mu zimbaha ziayo.

Zaburi 57:1

O, Nyasaye, ombere zimbavasi kigira nzizanga ku ivi osoore. Nzivisaa mu ivi kuli engoko ivisaa viminyu viayo isi wi zimbaha ziayo kuduuka lwa imbuza yi chihi elekela.

Zaburi 81:13

Vwakaveeye vulahi avandu vange Isiraeli valambuliriza! Vwakaveeye vulahi niiva vakambuliyi!

Zaburi 91:4

Alakukunika ni zimbaha zizie; ulanyora mirembe mu vulindi vwivwe, uvusuuvirifu vwivwe vulakukinga kandi vulakosoola.

Isaya 30:15

Yahova Mwami Wuvunyali, Nyasaye Mutakatifu wa Isiraeli, avooreraa avandu, “Mwirane ku inzi galaha, kandi musuuviri inzi. Nimukora ndio, mulava ni zinguru kandi mulava mulikingwa.” Navuzwa si mwenya kokora ndio mba!

Isaya 50:2

“Kigira ki nivavula kundivulira lwa ndaazia kuvo kuvahonyia? Ndakaminya amazi mu zinyanza ku lilaga liange, kandi ndakaminya amazi mu migera jiosi nu kujikola jumi kuli changarangwi, kunangwa zisuzi ziduuki kukuza kigira uvuluhu vwa mazi.

Jeremia 2:30

Ndaamuha amageri, navuzwa yago goosi sigali kindu ku munyi mba. Simwambugirira kumulungikiza mba. Kivavi chiinyu aveene kimali kwita avaporofeti vinyu, kuli isimba induru yukwononyia.

Jeremia 26:23

Vamuleeta ku mwami Jehoyakimu, uwamwiti ni kivavi na muviri gwigwe gwasiuvwa havundu havulavu havayavira vakuzu.

Jeremia 35:14

Ivisukulurwi via Jonadabu vamali kutia malago geege kuvula kunwa iwaini, kandi kuduuka na lero avulaho umundu kali mulala unwezaa iwaini mba. Navuzwa inzi nzizagilira komoloma ku munyi na simutizaa inze mba.

Jeremia 35:17

Kunangwa kalunu, Inzi, Yahova Wuvunyali, Nyasaye wa Isiraeli, ndaleta ku munyi avandu vi Ivuyuda na Jerusalemi lidiviza liosi liandalaga. Ndakora yaga kigira simuhuliyi lwa molomi ku munyi, kandi simwali munyala kuhaana mativuli lwa ndaamulanga mba.”

Jeremia 6:16

Yahova yavolera avandu veve, “Musingiri muvwavukaniru vwizinzira na muhenze. Muvateeve zinzira ziakale kandi winzira indahi eveeye. Mugeendeku kandi muramenya mumirembe.” Navuzwa vavoola, “Awa kokora mba!”

Lisyoma lya Jeremia 1:16

“Yiki nicho kigira nikusioma kandi amaliga nigidoloka kutura mu zimoni zietu. Siaveeye ho nu mundu unyala kukuleminya mwoyo mba, kandi siaveeye ho nu mundu unyala kukudinyiriza mba. Avana viitu vatigaye hazwa, kigira vasigu viitu vamali kukuguuta.”

Lisyoma lya Jeremia 4:13

Navuzwa gekoleka kigira avaporofeti vakora vwoni kandi avasaalisi vaavo vaali namashioro gukwita avandi vatali nimbara.

Hosea 11:2

Navuzwa lwa ndameda kumuvalanga, nilwo lwayazizagilira kutura ku inzi. Avandu vange vahaana visiuviliru ku Baali, kandi vasamba vifunya mwayu ku vifananyi.

Hosea 11:7

Avandu vange vasaviyi kugirung'ana kutura ku inzi. Navaaniri kigira iniira eveeye kuvo, navuzwa umundu kali mulala si alivagingira mba.

Joeli 2:23

“Muyanze, avandu va Jerusalemi musangare ku aga Yahova Nyasaye winyu amali kumukolera. Umuheeye imbura induukiru mu ing'inga yi litaga; amukubiziiyi imbura yu vukindu kandi imbura yi limera kuli zing'inga ziavita.

Zekaria 1:4

Mutava kuli avaguuga vinyu mba. Avaporofeti vavavolera kale makuva gange, nivavavoolera valeke vudamanu, kandi vavuli komenya mu vwoni. Navuzwa si vambulira anoho kutia inzi mba.

Matayo 22:3

Yatuma avatumikiri veve avaari nivagerihiziywi kuuza mu keserero. Navuzwa si venya kuuza mba.

Matayo 22:6

avandi vagumira avatumikiri veve zana ni vaavakuya ma nivaviita.

Luka 15:28

“Muyaayi munene uyu yavihilirwa ligali nasuura kwingira munyumba. Navuzwa baba weve yatura ichova namugoonya yingiri.

Luka 19:44

Valamudiviza ligali harara na vana vinyu avaveeye mu madigi ginyu. Sivalileka ligina kali lilala ku lindi mba kigira simwamanyiriza ing'inga yiliiza lia Nyasaye ku munyi mba!”

Luka 23:28

Yeso yagirung'ana navavoolera, “Avakaana va Jerusalemi! Mutandilira mba, navuzwa mwiliriri aveene harara na avana vinyu.

Vikolwa 7:52

Yaali ku ho nu muporofeti wa avaguuga vinyu vavura kudambiza? Vita avatumwa va Nyasaye, avalandiza ku maziambiri iliiza liu Mutumikiri mulungi. Na kalunu, munyi mumali kumuzaama nu kumwita.

Vikolwa 7:59

Lwa vaali nivamulasa amagina, Sitefano yasaala navoora, “Mwami Yeso, vugula mwoyo gwange!”

Vikolwa 8:1

Saolo yalora kekolwa navugilira ku liitwa lia Sitefano. Ku lidiku liene yilio lidambizwa linene liaduuka ku likanisa liali mu Jerusalemi. Avandu vasuuvira vosi nitali avatumwa venyine, vasalanywa mu zimbega ziosi zie Vuyuda na Samaria.

Kwidzulitsa 32:29

Valava novogeri, ngano vakamanyirizi yaga, vakamanyirizi keheri chavo kilava ndi!

Kwidzulitsa 5:29

Oh, vwakaveeye vulahi niiva vakaveeye nu mwoyo kuli yigu kazozo gwu kutia Inzi. Vwakaveeye vulahi niiva vakahaani ku Inzi luyali nokuhulira malago gange goosi kazozo, kunangwa vindu viosi viakaveeye vilahi kuvo kandi ku visukululwi viavo mihiga ni mihiga.

Likunula 11:8

Miviri jaavo jilakalambiri kunzira yi lidaala linene ahu Mwami wavo yavambirwa. Lidaala yili liveeye kifananyi chu mu Roho ku Sodoma anoho Egebeti.

Ruth 2:12

Yahova akohe amadanyi gaduukanaa ni miyinzi ja wakola. Nyasaye wa Isiraeli wa waza kwikinga mu zimbaha zizie.”