Luka 12:31 - KITABU KITAKATIFU

³¹ Navuzwa mwenye kutanga uvwami vwa Nyasaye, na vindu yivi viosi mulahevwa.

Luka 12:31 Iomraidhean Croise

Zaburi 34:9

Muyi avandu va Nyasaye, mutie kigira yavo avamuhulira, sivagehera kindu kali hakuzu mba.

Zaburi 37:19

Si valava nu vusaliri mu ing'inga yu vudinyu mba. Navuzwa valanyora viukulia vinyingi mu ing'inga yi inzara eveeye ho.

Zaburi 37:25

Mu madiku gi lihindira liange, inzi sindaalola ku mundu musuuvirifu naleki Yahova mba, anoho avana veve nivasavaa chukulia mba.

Zaburi 37:3

Usuuviri Yahova, na okole agaveeye amalahi, na ndio ulamenya mu kivala mu likingwa lilie.

Zaburi 84:11

Yahova Nyasaye aveeye mukingi wiitu kandi mwami wu vukumi, akugaasizaa nuvulahi kandi nu luyali. Ahaanaa choosi ekeveeye kilahi ku yavo avakolaa uvulungi.

Isaya 33:16

Maku ulava ni mirembe ivi ulava mulilinda kuli umundu oveeye mu zimbinga zie zinguru. Ulava ni viukulia kandi amazi gukunwa.

Matayo 6:33

Kunangwa mwenye kutanga uvwami vwa Nyasaye, nu vulungi vwivwe; na ivindu yivi viosi muladasirwa.

Luka 10:42

Navuzwa kindu kilala vuzwa nicho chenyekaa. Maria atovooye kindu kilahi, ichalivula kunyagwa mba.”

Luka 12:30

Yago goosi nigo aganyangizaa avandu vosi avatamanyi Nyasaye. Baba winyu amanyi ndi mwenya vindu yivi.

Yohana 6:27

Mutayinziliri viukulia vioneka; navuzwa muyinziliri viukulia vimenya kuduuka ku livamwoyo litahera mba. Yivi nivio viukulia viu Mwana wa Adamu alimuha; kigira Baba Nyasaye umali kuviika muhuri gwi livugilirwa kuye.”

Varumi 8:31

Kunangwa ku vindu yivi kovoole ki'? Nyasaye naveeye kolovega lwiitu, nivwaha unyala kukuhingira'?

Vahebraina 13:5

Mutava niliiva liu kuyaanza mabese mba, navuzwa muvugiliri vindu via muveeye navio. Nyasaye umali kovora, “Inzi sindamwivilira mba.”