Luka 12:21 - KITABU KITAKATIFU

²¹ Yeso yamaliriza kovora, “Nindio gaveeye ku mundu wivikiraa uvutugi mwene, navuzwa siaveeye mutugi imbiri wa Nyasaye mba.”

Luka 12:21 Iomraidhean Croise

Tsing'ano 13:7

Avandu valala vekola kuva vatugi, navuzwa sivaveeye ni kindu mba. Avandi vekola kuva vadaka, navuzwa vaveeye avatugi.

Hosea 10:1

Avandu va Isiraeli vaali kuli muzabibu munetu ugwama makuyu amanyingi. Lwa vaali ni linyola linyingi, nilwo lwa vumbaka uvwali vunyingi. Limeedeka liu vutugi vwi kivala chavo liavakola kolomba zitiru zia magina zindahi ziavasigamiraa.

Habakuk 2:9

O, vayaayi, munyi mwalaamwa kigira mumali kuhaana ku vandu vi zinyumba zienyu vutugi kutura ku vindu via mwanyaga vandi kuzinguru. Mugerizi kukinga hango hinyu kutura ku vusaliri kandi vuhimwa!

Luka 12:33

Mugulize vindu vienyu viosi, muhaane ku avadaka. Mwelombere zimuya zitakunguhaa mba, muve nilivikiru mwigulu ahu mwivi ataduuka, anoho ahizisere zitononyia mba.

Luka 16:11

Kunangwa, niiva munyi simuveeye avasuuvirifu mu vutugi vwu vugadi vwi lirova yili; nivwaha ulimuha kulinda uvutugi voveeye vwi ligali?

Luka 6:24

“Navuzwa O, vayaye, kilaamo keveeye ku munyi avatugi, kigira mumali konyoora liehozeliza lienyu!

Varumi 2:5

Navuzwa kigira oveeye nu mwoyo mudinyu kandi gutali ni lieganira, na ndio wivungiziraa uvutima umwene ku lidiku liu vutima vwa Nyasaye kandi likalaga lilie liu vulungi lilakaloleke.

2 Vakorintho 6:10

kali nikovererizwa, koveeye nu vusangali kazozo; kololeka kuli avadaka, navuzwa kokoraa vanyingi kuva vatugi; kololekaa kuli avataveeye ni kindu, navuzwa koveeye ni vindu viosi.

Yakobo 2:5

Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.

Likunula 2:9

Inzi manyi vudinyu vuvwo, kandi manyi uvudaka vuvwo, navuzwa mu giligali ivi oveeye umutugi! Manyi amanyego ga yavo avevooraa vaveeye Avayuda; navuzwa sivaveeye ndio mba. Vaveeye vuzwa muganda gwa Setani.