Luka 12:2 - KITABU KITAKATIFU

² Kigira choosi ichakunikwa kilakavuulwi, kandi choosi ichaaviswa kilakamanyikane.

Luka 12:2 Iomraidhean Croise

Kohelethu 12:14

Nyasaye azizaa kukalagira vuli kindu choosi cha kokoraa, keve kilahi anoho kidamanu, kali vindu viekoleka mu vwivisu.

Jeremia 16:17

Inzi ndolaa vindu viosi viavakola. Sikeveeyeho ichaaviswa kutura ku inzi mba; ndolaa uvwoni vwavo.

Hosea 8:13

Vahanaa visiuviliru ku inzi kandi ma valia inyama yukuvisiuviliru. Navuzwa inzi, Yahova, nzilira navo mba, kandi kalunu inzi ndizuliza uvwoni vwavo kandi ndavaha mageri. Inzi ndaviranyia Egebeti!

Marko 4:22

Ichaaviswa choosi kilakaloleke ichova havulavu kandi yicho ichakunikirwa kilakakunurwi.

Luka 8:17

“Kigira sihaveeyeho ni kindu chaviswa ikilivula kulang'aminywa havulavu mba, kandi sihaveeyeho nichaviswa ikilivula kumanyikana, anoho koleetwa havulavu mba.

Varumi 2:16

Ku lwa yago, kolondekana ku Ivangeri ya nzilwazaa, nindio galiva ku Lidiku yilio lwa Nyasaye kuvitira mu Kristo Yeso, alikalagira zing'anagani ziaviswa ziosi zia vandu.

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

2 Vakorintho 5:10

Gakuduukiraa kunyi kwosi kusingira imbiri wendeve ya Kristo yi likalaga, na mundu sa mulala aduuki konyoora likalagirwa kolondekana na malahi, anoho amadamanu ga yakola mu livamwoyo liu muviri gwigwe.