Luka 12:17 - KITABU KITAKATIFU

¹⁷ Mundu oyo yaatanga liganagana mu mwoyo mwimwe navoora: ‘Ngola ndi kigira simbeeye nahavundu ahambika viamo viange mba?

Luka 12:17 Iomraidhean Croise

Kohelethu 11:2

Ugavuli via oveeye navio ku vandu saba anoho munane, kigira siunyala kumanya kindu kidamanu kizizaa kwekoleka mu kivala yiki mba!

Isaya 58:7

Musange viukulia vienyu harara na vaveeye ninzara kandi mwiguli zinyumba ku vadaka vatali na hango. Muhaane zinguvu ku yavo avatali nikindu chukwiviika, kandi mutasuula kokoonya aviiko vinyu mba.

Matayo 16:7

Navuzwa vatanga kovolerana aveene, “Avoora ndio kigira kwakuvula kuvugura milaango ji migadi.”

Matayo 5:42

Ukusava kindu, umuhe; kandi uwenya kweegoba ikindu ku ivi, utamwima mba.

Luka 10:25

Ing'inga indala, mwigizi mulala wi Lilaga yasingira nageriza koteega Yeso navoora, “Mwigizi, gandukira ngole kinduki konyoora livamwoyo litahera mba?”

Luka 11:41

Navuzwa, muhaane vindu eveeye mugati mwi vikombe kandi mu zisahani ku ni ivindi viosi vilava vilahi ku munyi.

Luka 12:16

Kunangwa, Yeso yavavolera lugano yilu, “Yaali ho nu mundu mulala mutugi uwaali numulimi gwigwe, ugwama viukulia vinyingi ligali.

Luka 12:18

Ndakora ndi; ndasambura viage viange; manyumbake ivinene kuvita, mwene yimwo; ndateera mu vuswage ni viamo viange viosi.

Luka 12:22

Yeso yavolera aviigi veve, “Kigira gene yaga muvooleraa, Mutahenda mwoyo kigira livamwoyo lienyu, ku icha mulilia, anoho zinguvu zia mwenya kwivika.

Luka 12:29

“Kunangwa, mutenyeleriza muziganagani zienyu icha mulilia anoho icha mulinwa mba.

Luka 12:33

Mugulize vindu vienyu viosi, muhaane ku avadaka. Mwelombere zimuya zitakunguhaa mba, muve nilivikiru mwigulu ahu mwivi ataduuka, anoho ahizisere zitononyia mba.

Luka 16:3

Mulindi oyo yaganaganyia mu mwoyo gwigwe, navoora, ‘Ngola ndi Mwami nava nanduliza ku miyinzi ju vulindi? Inzi simbeeye nizinguru ziu kulima mba, kandi mbeeye soni kusavasava.

Luka 16:9

Yeso yaazizagilira kovora, “Kandi ndio inzi muvooleraa, mwelombere avalina na avandu munzira yu uvugadi nu uvutugi vwilirova liu vwoni yili kunangwa lwa vuva nivufeye, munyi muduuki kwingira mu vomenyo vutaveeye nekeheri, mwigulu.

Luka 18:22

Lwa Yeso yahulira yaga, yamuvolera, “Wenyekaa okole kindu kilala kandi. Gulizaa viosi via oveeye navio, ugavuliri avadaka, na ulava nilivikiru liilio mwigulu; maku, uzi ononde.”

Luka 19:17

Mwami weve yamuvolera, ‘Mutugwa wange mulahi, okoli vulahi ligali. Kigira waali umusuuvirifu kuvikuzuzu, ndakokola ove nuvunyari ku madaala manene likomi.’

Luka 3:11

“Oveeye ni zinguvu ziviri ahaane ku oyo utali nayo; na oveeye ni viu kulia akole ndio.”

Vikolwa 16:30

Ma yavaleeta ichova, navateeva, “Avami, ngola ki, nduuki kohonywa?”

Vikolwa 2:37

Lwa avandu vahulira yaga, vatumitwa mu mioyo jaavo, nivateeva Petero na avatumwa vandi, “Avaamitu, kokora ki?”

Varumi 12:13

Mukoonye Vakrisitayo vache mu vudaka vwavo. Muve avingirizi vavageni kandi avihuli vizinyumba zienyu.

1 Yohana 3:16

Ku lwa yago kunyi kwamanya uvuyanzi voveeye ki: Kristo yakuzira kunyi mu liehaana lie livamwoyo lilie. Kunangwa gakuduukiraa kuhaane livamwoyo lietu kigira avaamitu viitu.