Luka 11:9 - KITABU KITAKATIFU

⁹ “Kulwayago inzi muvooleraa; Musaale, na munyi mulahevwa; mwenye, na mulanyola mwigulihize, na muligulirwa.

Luka 11:9 Iomraidhean Croise

Zaburi 118:5

Ndaanira ku Yahova mu kivi change, yandivulira kandi naamboholora.

Zaburi 27:4

Mali koteeva Yahova kindu kilala! Nyenya vuzwa kindu kilala cheng'ine: Nduuki “Komenya mu Litembeli lilie, nindora uvulahi vwivwe, nukumusaala yaanzimiliri.”

Zaburi 27:8

Lwa ivi wavoola, “Hamba usigamire,” Ndaativura, O, Yahova, “Ndaaza.”

Zaburi 34:10

Kali avasigu va Nyasaye vavezaa ninzara kuli zisimba zisoleri ziveezaa ninzara, navuzwa, yavo avasuuviraa mu Yahova sivaladaka kindu kilahi kali kilala mba.

Zaburi 34:4

Inzi ndasaara ku Yahova, naye yandivulira; yaamboholola kutura mu uvuti vwange vwosi.

Zaburi 50:15

Mwaniri ku inzi mu ing'inga yu vudinyu, na inzi ndamuhonyia, na munyi mulanzizominya.”

Lwimbu lwa Solomoni 5:6

Ndigulila muyanze wange muliango, navuzwa yaali namali kuzia. Ndaali nuvuha vonene kuhulira mwoyo gwigwe! Ndamwenya, navuzwa sindamunyoora mba; ndamulanga, navuzwa siyahugila mba.

Isaya 45:19

Simbolaa amakuva gange mu vwivisu mba, anoho kutura mu kivala chi kisundi mba. Sindenya avandu va Isiraeli konyenya ha vundu heere vuzwa mba. Inzi mbeeye Yahova, kandi mboraa agiligali kandi nandizaa amalungi.”

Jeremia 29:12

Maku mulanira ku inzi. Mulaza kusaala ku inzi, na inzi ndamuhulira.

Jeremia 33:3

“Waniri ku inzi, na inzi ndakutivulira. Ndakovolera vindu vinene ligali kandi viaviswa via ivi utamanyi mba.

Danyeli 9:3

Ndasaara vudinyu ku Yahova Nyasaye, nimugoonya vugira lilia ni nziviki zinguvu zia magunia kandi ni nzikaye muligoke.

Matayo 21:22

Ni muva ni lisuuvira, kindu choosi chamuteeva mu lisaala mulakenyoola.”

Matayo 21:31

Ku ni mwana ki ku vaviri yava wakola lienya lia baba weve?” Vaamutivulira, “Umwana wimbiri.” Kunangwa Yeso yavavolera, “Agiligali muvooleraa, avasololi vuvusuuru na avaheyi valingira mu Vwami vwa Nyasaye imbiri winyu.

Matayo 6:29

Navuzwa muvooleraa, kali Solomoni mwene mu vukumi vwivwe ziosi siyaviikwa ku zinguvu zindahi kuli lilala ku madanya yaga mba.

Marko 11:24

Kulwayago muvooleraa, ku kindu choosi cha muteeva mu lisaala, musuuviri ligali mukenyooye, na mulahevwa.

Marko 13:37

Agambooraa ku munyi, mbolera vosi kandi: Mulindi!”

Luka 11:10

Kigira ku vosi usaala, alahevwa, uwenyererizaa anyoora, na uwigulihizaa, yigulirwa.

Yohana 14:13

Na ku choosi cha muteeva ku lieta liange, yiki ndakora, Baba aduuki kukuminyirwa mu Mwana.

Yohana 15:16

Munyi simwandovola mba; navuzwa inzi ndamutovora kandi nimutuma muzie kwama makuyu manyingi kandi makuyu ginyu gahindiri; kunangwa Baba aduuki kumuha choosi cha muteeva mu lieta liange.

Yohana 15:7

Nimumenya mu inzi na amigizu gange nigamenya mu munyi, musaale choosi cha mwenya na munyi mulahevwa.

Yohana 4:10

Yeso yamutivulira, “Niiva wakamanyi kihanwa cha Nyasaye ahaanaa na nivwaha okoteeva, ‘Mbe ku amazi nwi,’ ngano wakamuteevi naye alakuha amazi gi livamwoyo.”

Varumi 2:7

Avandu valala avazizagilira kokora vulahi venyelerizaa uvukumi, uluyali kandi lihindira. Nyasaye alavaha livamwoyo litahera mba.

2 Vakorintho 6:2

Nyasaye avoora ndi: “Lwing'inga yaduuka yukumumanyia livugilirwa, ndaamuhulira; Lwi lidiku liaduuka liu kumuhonyia, ndamukonya.” Huliriza yiyi niyio ing'inga yakonyoola livugililwa lia Nyasaye kalunu ni lidiku liokohonywa.

Vahebraina 11:6

Vugira lisuuvira, mundu sianyala kuyaanziza Nyasaye mba. Ku vosi uzaa ku Nyasaye gamudukira ave nilisuvira ndi Nyasaye aveeye ho kandi niyie muhaani wa madanyi ku yavo avamwenyaa.

Vahebraina 4:16

Kunangwa, gendi kuluviliri kwisunda ahimbi kondeve yu vwami vwa Nyasaye, hi zimbavasi ziveeye. Ahene yaho, kulanyoola livererwa kandi zimbavasi ziukokokoonya lwa kuzienya.

Yakobo 1:5

Navuzwa niiva mulala ku munyi adaka ovogeri gamudukira asaale ku Nyasaye, uhaanaa nu mwoyo gwosi kandi ni zimbavasi ziosi ku avandu vosi.

Yakobo 5:15

Lisaala lie lisuuvira, lilahonyia umulwaye. Mwami alamuvukiza, nu kumwilanyira vulamu, kandi uvwoni vwa yakola vulasamiifwa.

1 Yohana 3:22

Kunangwa viosi viakusaala kuye, kuvinyooraa, kigira kuhuliraa amalago geege, kandi kokoraa vindu vimuyaanzizaa.

Likunula 2:24

“Kalunu mbolera munyi vosi avatigaye mu Ziatira, kuduuka ku vosi avatalondaa amigizu madamanu yaga, kandi munyi avaavura kwiga ivindu via vandu vandi valanga ivindu ‘Via Setani viu mululiva.’ Inzi muvooleraa ndi, sindaviika vuliduhu vundi ku munyi mba.