Luka 11:36 - KITABU KITAKATIFU

³⁶ Kunangwa, niiva muviri gugwo gwosi gulava nuvulavu, vugira kuva na havundu hoosi ahaveeye nikisundi, muviri yigwo gulaaka gwosi kuli itaya ikumulikaa nuvulavu vonene vwayo.”

Luka 11:36 Iomraidhean Croise

Tsing'ano 1:5

Zing'ano yizi zinyala komeeda umundu wi limanya ovogeri kandi amigizu,

Tsing'ano 20:27

Roho gwumundu goveeye itaya ya Yahova, gwenyelerizaa zing'anagani ziumusi ziumundu.

Tsing'ano 6:23

Amalago gaavo gaveeye kuli ling'ereng'ana liu vulavu ku ivi, amigizu gaavo galakumanyia limenya.

Isaya 42:16

“Ndimilira avandu vange avavoku, kandi ndavamanyia inzira ya vakikiri kolonda ku. Ndagirung'anyia kisundi chavo kugwa uvulavu, kandi ndalungikiza kivala keveeye chamajichi kuva kilahi imbiri wavo. Yili nilio lisuuvirizwa liange ku vandu vange, kandi sindavaleka mba.

Isaya 8:20

Uvativuliri ndi, “Muhulirize ga Yahova amwigizaa! Mutahulirizi amigizu gavasigitiri mba, agavamuvoolera sigalatuliza ho vudinyu mba.”

Hosea 6:3

Gendi kwenyelerizi kumanya Yahova. Alaza kukunyi kuli iliuva litongaa mugambazuri, kandi kuli imbura yu lunyilira kandi kuli imbura yi ing'inga yi lisembera ikubaa ku lirova.”

Matayo 13:52

Yeso yavavolera, “Ku lwa yago, Mwigizi wi Lilaga samulala, umali kwigizwa amakuva gu vwami vwu mwigulu, aveeye kuli mundu mwene inyumba, utuliza mu kedeera chiche ivindu vihia kandi ivindu vikulu.”

Matayo 5:15

Anoho avandu sivahambizaa itaya ma vagikunikira mu kihinda, navuzwa vagiviikaa komesa iduuki kumulika ku vosi avaveeye munyumba.

Luka 11:35

Kigira yaga, ohenze vulahi gase uvulavu voveeye mu ivi vulagwa kisundi.

Luka 11:37

Lwa Yeso yamala komoloma, Mufarisayo mulala yamugenihiza vazie kulia harara naye munyumba yeeye. Kunangwa yazia, niyikara kulia viukulia.

2 Vakorintho 4:6

Nyasaye wavoola, “Leka vulavu vong'ereng'ane kutura mu kisundi,” niyie mulala mwere umali kwakiza vulavu mu mioyo jietu nokoleta limanya liu vukumi vwa Nyasaye uvwakaa mu moni mwa Yeso Kristo.

Vafeso 4:14

Kunangwa sikulava kandi kuli avana vadoto avahilwaa yiyi ni yiyi ni viguvuli kandi avahunzulanywa ni zimbuza zia amigizu guvugadi zing'ano ziosi ga avandu, avimiliraa avandi kuduuka mu mahiolo nuvugadi vwavo vwa vatangiza.

Vakolosai 3:16

Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu.

Vahebraina 5:14

Navuzwa chukulia kidinyu, ku lovega lundi, keveeye cha vandu vakulundu, kuvitira mu limanya liavo lia viinaliza, avanyala kwavukanyia hagati hu vulahi nuvudamanu.

Yakobo 1:25

Navuzwa umundu ohenzaa vudinyu ku amalago amadukiru agahaanaa ovovoholore ku avandu, oyo ugalondaa kandi utaveeye muhuliri ma vivilira, navuzwa agaviikaa mu vikolwa, mundu uyu, Nyasaye alamugasiza ku vindu viosi.

2 Petro 3:18

Navuzwa muzizagiliri kuviruka mu zimbavasi novogeri vwu Mwami wiitu nu muhonyi Yeso Kristo. Uvukumi vove kuye, kalunu kandi mihiga ni mihiga! Amini.