Luka 10:28 - KITABU KITAKATIFU

²⁸ Yeso yamuvolera, “Utivuuyi vulahi. Kola ndio, na ulanyora livamwoyo litahera mba.”

Luka 10:28 Iomraidhean Croise

Nehemia 9:29

Ivi waviganihiza vaatia amigizu googo, navuzwa vigingira kandi nivavula kuhulira malago googo. Vakora uvwoni ku malago googo, agahana livamwoyo niva umundu alagalinda. Mu liegingira liavo nilindinya magoti gaavo vasuura.

Tsing'ano 19:16

Ulindi malago ga Nyasaye na ulahindira; niiva ulagaleka, ulakuza.

Ezekieli 20:11

Ndaavaha malago gange kandi mimbigiza lilago liange, agaleetaa livamwoyo ku mundu woosi vegehiza kugo.

Ezekieli 20:13

Navuzwa avandu va Isiraeli vibaara ku Inzi mwigendanyama. Sivagumira lilago liange mba, kandi vasuura malago gange agaleetaa livamwoyo ku mundu woosi wegehiza kugo. Vamali kwononyia lidiku liange lie Lisabato. Ndavika kuva nu vutima vwange vululu mwigendanyama kandi ndavadiviza ligali.

Ezekieli 20:21

“Navuzwa vana vaavo vibaara ku Inzi; vaavunanyia lilago liange kandi sivagumira malago gange agaleetaa livamwoyo ku mundu woosi wegehiza kugo mba. Vonogonyia Lidiku liange lie Lisabato. Ndaaganagana kuva nu vutima vululu kuvo mu changalangwi nu kuviita vosi.

Kyavalevi 18:5

Mulonde likora kandi malago ga Inzi muheezaa. Mulahonyia livamwoyo lienyu mu likora ndio. Inzi mbeeye Yahova.”

Matayo 19:17

Yeso yamuvolera, “Kigira ki oteeva inzi kigira kindu keveeye ikilahi? Aveeye ho mulala wenyine vuzwa oveeye umulahi; naye ni Nyasaye. Navuzwa ivi ni wenyaa kwingira mu livamwoyo ugumiri amalago.”

Marko 12:34

Lwa Yeso yalora umundu oyo naamutivuliyi no vogeri, yamovoolera, “ Ivi si oveeye ihale nu Vwami vwa Nyasaye mba.” Inyima wa yago, sihaaliho nu mundu waluvilira kandi koteeva Yeso iliteeva lindi mba.

Luka 7:43

Simoni yativura namuvolera, “Ng'anagana uyu wasamiifa ligovi linene.” Yeso yamuvolera, “Utivuuyi vulahi.”

Varumi 10:4

Kristo umali koheriza Lilaga, vuli mundu woosi oveeye ni lisuuvira alavalizwa kuva mulungi imbiri wa Nyasaye.

Varumi 3:19

Kalunu kumanyi ndi goosi agi Lilaga livolaa, gaveeye ku yavo avamiihangwa ni Lilaga, kunangwa vavuli kuva ni kivuni chukwisayasayira ku, na vandu vosi vanyoore likalagirwa lia Nyasaye.

Varumi 7:10

Lilaga lilala liere yilio lienyekaa lileete livamwoyo ku inzi, lialeta likuza.

Vagalatia 3:12

Navuzwa siaveeye nu vuhambani hagati hi Lilaga ni Lisuuvira mba, nitali Mang'oda Matakatifu gavoora, “Uyu okolaa goosi agi Lilaga lienyaa, alava mwoyo.”

Kwidzulitsa 6:24

Maku Yahova Nyasaye wiitu yakulaga kuhuliri malago yaga goosi kandi kuhaane kuye luyali. Niiva kulakola ndio, alalinda zihiiri zietu kandi alakokola komeedeke mu lizizagilira imbiri vulahi kazozo.