Luka 10:2 - KITABU KITAKATIFU

² Yavavolera, “Ligesa liveeye linene, navuzwa avayinziri vagehi, kigira yaga musaale Mwami wiligesa atumi avayinziri vazie mu mulimi gwigwe gwi ligesa.

Luka 10:2 Iomraidhean Croise

1 Avami 18:22

Maku Elija yavoola, “Inzi niyie muporofeti wa Yahova weng'ine watigala mwoyo. Navuzwa muveeye na vaporofeti 450 va Baali.

Zaburi 68:11

Yahova yalaga, na avakali vanyingi valandiza makuva zana:

Jeremia 3:15

Ndakamuhe avamihi avatizaa kandi valakamwamiihi novogeri nilimanyiriza.

Zekaria 11:17

O, vayaayi, kilaamo keveeye ku mwayi utinyalizaa umali koleka chayo chiche! Uvulwani vulakadivizi zinguru zizie ziosi. Mukono gwigwe gulakuumi, kandi emoni yeeye inungi ilakavakuli.”

Zekaria 11:5

Aveene magondi yaga vagitaa, navuzwa sivalanyora mageri mba. Vaguliza zinyama ziago nivavoora, ‘Yahova yizominywi kunyi koveeye avatugi!’ Kali avayi vago sivaveeye ni zimbavasi kugo mba.”

Livalidza 11:17

Inzi ndaza kumoloma nivi hene yaho, kandi ndavugura ku Roho oveeye ku ivi nu kuvaha. Maku valakokonya kulinda vandu yava, kunangwa uvuli kuginga vuliduhu yivu weng'ine.

Livalidza 11:29

Musa yativura, “Oveeye nilikendeka kigira inzi? Ndakayanzi niiva Yahova yakaviiki Roho weve ku vandu veve vosi nukuvakola vosi avaporofeti!”

Matayo 20:1

Yeso yavoola, “Uvwami vwu mwigulu voveeye kuli mundu mwene mulimi gwi mizabibu, uwatula mugambazuri kwenya avayinziri vu mu mulimi gwigwe.

Marko 13:34

Gaiakave kuli umundu utura hango hehe azia mu logendo ma alekera avatumikiri veve uvunyali, sa mulala numuyinzi gwigwe, kandi avooreraa umulindi wi kiliango alindi vulahi.

Marko 16:15

Yavavolera, “Muzie mu lirova liosi kandi mwilwaze Ivangeri ku avandu vosi.

Marko 16:20

Aviigi vazia kwilwaza muvivala viosi. Mwami yayinzira harara navo, nadinyiriza amakuva gaavo ni vilolekizu vialondekana navo.]

Luka 9:1

Yeso yalanga harara aviigi veve likomi na vaviri; yavaha zinguru nuvunyari kukunga amademoni goosi, kandi kuhonyia zinguzu,

Vikolwa 11:19

Kolondekana ku lidambizwa liatulira ing'inga ya Sitefano yitwa, vandu avasuuviraa avanyingi vasalanywa. Avalala vazia kuduuka kali Foenisia, Saipurasi na Andiokia, na vilwaza likuva ku Vayuda venyine.

Vikolwa 13:2

Lwa vaali nivasigamiraa Mwami, kandi nivahonga lilia, Roho Mutakatifu yavavolera, “Muviiki halovega Baranaba na Saolo kigira miyinzi ja mbalangiraa.”

Vikolwa 13:4

Lwa Baranaba na Saolo vaali nivakatumwa na Roho Mutakatifu vasulunguta kuduuka Seleukia; kutura uwene yeyo vanina mu liato nivazia mu kisulu chinyanza ichalangwa Saipurasi.

Vikolwa 20:28

Mwilindi aveene; kandi mulindi chayo choosi cha Roho Mutakatifu yavika munyi kuva avahenzi vacho. Muve avayi vi likanisa lia Nyasaye lia yenyolera kuvitira mu masahi gu Mwana weve.

Vikolwa 22:21

Navuzwa Mwami yambolera, ‘Zia, kigira ndakutuma ihale ku avandu vi Zihiiri zindi.’ ”

Vikolwa 8:4

Kigira yaga vandu avasuuviraa vasalanywa, nivavodong'ana havundu hoosi ni vilwaza likuva yili.

1 Vakorintho 12:28

Nyasaye yatovola mundu sa mulala mu likanisa mu vwiyangu vwivwe. Mu vwiyangu vwukutanga, yatovola avatumwa, mu vwiyangu vwakaviri na vaporofeti vakavaga na avigizi; maku nalondiza ku vayinziri vi kihanwa chu kokora vilolekizu; kandi yalondiza ku yavo vahevwa izingulu zio kohonyia, anoho kokoonya vandi na viimiliri, kandi yavo vamoloma mu zinimi zing'eni.

1 Vakorintho 15:10

Navuzwa kigira zimbavasi zia Nyasaye mbeeye kuli mundolaa ndi, kandi zimbavasi zizie siziali zia vuzwa mba. Harara ni yago, ndaayinzira vudinyu kuvita avatumwa vandi vosi; nitali siliali likola liange ligali, navuzwa ziali zimbavasi zia Nyasaye ziayinziraa harara ninzi.

2 Vakorintho 6:1

Kuli kunyi koveeye avayinziri harara na Nyasaye, kumugoonya mutumikiri vulahi zimbavasi zizie zia mumali konyoora.

Vafilipi 2:21

Avandu vandi vahenderaa vuzwa lienya liavo aveene, na sivahenderaa ivindu via Yeso Kristo mba.

Vafilipi 2:25

Ng'anagana ni vulahi kutuma ku munyi Epafurodita, amiitu wange, umuyinziri kandi umusikari wakuyinziraa harara naye. Aveeye mutumwa winyu uwamwatuma kuuza kundumikira mu lienya liange.

Vafilipi 2:30

Yavika livamwoyo lilie liosi mu uvuhiimwa, kali naava ahimbi kukuza kigira imiyinzi ja Kristo. Yiviika mu uvuhiimwa ni yenya kongonya ligali kuvita munyi.

Vakolosai 1:29

Kolola ndi yaga gekoleki, nyang'anaa nokokola miyinzi vudinyu ligali nindumikiraa zinguru zinene zia Kristo ahaanaa, kandi zikolaa miyinzi mu inzi.

Vakolosai 4:12

Epafura, oveeye mulala ku munyi, mutumwa wa Kristo Yeso, amuchelizi. Madiku goosi, amwizulizaa mu lisaala lilie, munyi muduuki kuva avadukiru kandi avekelema mwoyo ligali mu vulaliri vwosi vwa Nyasaye.

1 Vatesalonike 2:9

Munyi mwizulizaa, avaamitu viitu, kuli kwayinzira vudinyu kandi nikunyang'ana! Kwayinzira vudiku na mbasu ku kunyangiza mundu kali mulala ku munyi lwa kwamwilwazira Ivangeri ya Nyasaye.

1 Vatesalonike 5:12

Avaamitu viitu, kogoonya munyi muhaane luyali luduukanaa ku yavo avayinziraa hagati hinyu, ava mwimiliraa nukwigiza mu liiva liu Vukristayo.

2 Vatesalonike 3:1

Mulimaliriza, avaamitu viitu, mukusaaliri ndi likuva liu Mwami liduuki kulanda vwangu kandi livugilirwi nu luyali kuli liali hagati hinyu.

Filemona 1:1

Inzi Paolo, muhambe kigira Kristo Yeso, kandi Timateo amiitu wiitu Kong'oderaa ivi Filimona, umulina umuyanze wiitu kandi muyinziri wache wiitu

Vahebraina 3:6

Navuzwa Kristo aveeye musuuvirifu kuli Mwana ulindi mu inyumba ya Nyasaye. Kunyi koveeye inyumba yeeye, niiva kulava nuvuluviliri kandi niiva kulava ni lisuuvira mu cha kwasuuvirizwa.

Likunula 2:1

“Ng'odera engelosi wi likanisa lia Efeso: Yaga nigo amakuva ga uyu ugumiyi zing'ereng'ani saba mu mukono gwigwe umulungi kandi ogendaa hagati hi ivinaara vie zitaya saba, vie izahabu avoora.