Luka 10:15 - KITABU KITAKATIFU

¹⁵ Na ivi Kaperinaumi, wenyaa kwenenehiza kuduuka mwigulu? Ulakikizwi hasi mu kihadisi.”

Luka 10:15 Iomraidhean Croise

Litanga 11:4

Vavoola, “Kalunu gendi kwumbake lidaala linene, ma kolombe munara mutambi kali kuduuka mu ligulu, kunangwa kwelombele lieta kunyi aveene kandi kuvuli kusalana mu lirova liosi.”

Isaya 5:14

Kivala cha vakuzu keveeye ninzara. Chalaminyi munwa gwacho kuvamira. Kimiraa aviimiliri va Jerusalemi harara ni kiduma cha vandu vandi avakolaa liyoga.

Jeremia 51:53

Kali niiva avandu va Babiloni valakanine muligulu, nu kwumbakayo zimbinga zie zinguru ligali, navuzwa ndakatumi avandu kuvadiviza. Inzi Yahova mali kovora.”

Ezekieli 26:20

Ndamutuma muzie hasi mu kivala cha vakuzu muvugane harara na vandu vamenya muzing'inga ziakale. Ndamukora mumenye mu kivala chahasi yicho mihiga ni mihiga numuganda gwa vandu vakuzu. Kulwa gene yago si mwaza mumenye mu kivala cha vandu vaveeye mwoyo mba.

Ezekieli 31:18

“Musaala yigu goveeye kuli mwami wa Egebeti harara na vandu veve vosi. Si jiveeye ho misaala mu Edeni jiveeye mitambi kandi jukuyaanziza mba. Navuzwa kalunu, alazia mu kivala cha vakuzu kuli misaala ja Edeni. Alakahambane harara na yavo avataveeye avasuuvirifu kandi yavo aviitirwa mu vulwani. Inzi Yahova Wuvunyali mali kovora.”

Ezekieli 32:18

Yavoola, “Mwana wu Mundu,” usiome kigira vandu vanyingi va Egebeti. Uvaviiki mu kivala cha vakuzu harara ni zihiiri zindi zie zinguru.

Ezekieli 32:20

“Avandu va Egebeti valagwa harara nayavo aviitirwa mu vulwani. Kivavi chetegeki kuviita vosi.

Ezekieli 32:27

Si vaayavirwa nu luyali kuli avasaza vakale vi zinguru vu vulwani mba, avaazia mu kivala cha vakuzu niviyavali viugi viu vulwani. Yivavi viavo viavikwa isi wi mitwi jaavo, kandi zinguva ziavo ziakinga miviri jaavo. Avasaza avaluviriri yava vaali ni zinguru zinyingi ligali ziaduukanaa kutihiza vandu mu kivala cha avaveeye mwoyo.

Obadia 1:4

Kali niiva mulelombela hango hinyu have igulu kuli inyumba yi kihungu, kunangwa muduuki kololeka kuli muveeye hagati hi zing'ereng'ani, inzi ndamwikiza hasi.

Matayo 10:28

Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena.

Matayo 11:23

Na ivi Kaperinaumi! Wenya kwenenehiza nu kwiginga kuduuka mwigulu? Mba! Ulikizwa kuduuka mu kihadisi! Kigira vilolekizu viakolwa mu ivi vilava ni viakolwa mu Sodoma, ngano lidaala yilio likikiri ho kali kuduuka na lero!

Matayo 4:13

Lwa yatura Nazareti, yazia komenya Kaperinaumi, lidaala liali ku lujinga lwinyanza ya Galilaya, mu zinzako zie vivala via Zabuloni na Nafutali.

Luka 13:28

Kunangwa kulava ho nukulira kandi nukudiedieyiza amiinu, lwa mulilora Aburahamu, Isaka na Yakobo, na avaporofeti vosi nivaveeye mu Vwami vwa Nyasaye, navuzwa munyi aveene nimuteveywi ichova.

Luka 16:23

Mutugi oyo, naveeye nuvusaliri vonene mukihadisi, yahenza yigulu nalora Aburahamu ihale, na Lazaro naveeye kukiritu chiche.

Kwidzulitsa 1:28

Kigira ki kuzie yo? Kutiiyi. Avasaza va kwatuma vamali kokovoolera ndi avandu vaveeye yo vaveeye ni zinguru ligali kandi avataambi kuvita kunyi, ma kandi vamenyi mu madaala manene agaveeye na madigi matambi ligali. Valora visukululwi via Anaki.”

2 Petro 2:4

Nyasaye siyavererera zingelosi ziakola vwoni mba, navuzwa vazisiuva mu gehena, wazialindwa mukisundi nizivoheywe minyororo kuduuka likalagirwa.