Luka 1:8 - KITABU KITAKATIFU

⁸ Lidiku lilala Zakaria yaali naakoraa miyinzi ju vusaalisi imbiri wa Nyasaye mu Litembeli kuli lilohiza lia vuli lidiku lialange.

Luka 1:8 Iomraidhean Croise

1 Kyetsinyinga 24:19

Vasaza yava vang'odwa kolondekana ni miyinzi ja vahevwa kuzia mu Litembeli nu kutumika ku miyinzi ijatangizwa na guuga wavo Haruni, kuli Yahova Nyasaye wa Isiraeli yamulaga.

1 Kyetsinyinga 24:2

Navuzwa Nadabu na Abihu vakuza baba wavo nakikiri kukuza, vakuza ni vakikiri kwivura avana. Kunangwa Elieza na Izamara avamwavo vaavo vaagwa avasaalisi.

2 Kyetsinyinga 11:14

Vandu va Levi valeka amadara gu vwayiru vwavo kandi ni milimi jindi ni vazia Ivuyuda kandi Jerusalemi, kigira mwami Jeroboamu na vami yavo avavugura ovogono vwivwe inyima weve si vaali vanyara kuvaleka vatumiki kuli avasaalisi va Yahova mba.

2 Kyetsinyinga 31:19

Na ku vana avayaayi va Haruni musaalisi, avaari mu milimi ji vivala vialiho, avaari na amadara manene gaavo, vaali mu avasaza vukuhaana vidieli ku vasaza vosi ku vasaalisi kandi ku vuli mundu woosi ku vandu va Levi uwang'odwa.

2 Kyetsinyinga 31:2

Mwami Hezekia yalohiza avasaalisi na vandu va Levi, kolondekana nu muyinzi gwa vuli mundu. Miyinzi jaavo jaali; kuhaana vihaanwa viu kusambwa kandi vihaanwa vie mirembe, kutumika mu virivwa via ahokososa ha Yahova kandi kuhaana lisandiza ni lizominya mu Litembeli lia Yahova.

2 Kyetsinyinga 8:14

Kolondekana na malago ga baba weve Daudi yaali na viiki ho, Solomoni yalohiza miyinzi ja vuli lidiku ja Avasaalisi, vandu va Levi avakonyana na avasaalisi mu liimba zinyimbu kandi no kokora zigasi ziavo. Kandi yalohiza avasikari vi Litembeli mu vika kokora miyinzi jiavo jia vuli lidiku ha vuli kirivwa, kolondekana na amalago ga Daudi, mutumikiri wa Nyasaye.

Ezara 6:18

Valohiza avasaalisi vi hiiri ya Levi mu vika kigira uvutumiki vwa Nyasaye mu Litembeli lia Jerusalemi. Yaga gakolekaa kolondekana na malago gang'odwa mu kitabu cha Musa.

Kutwula 28:1

“Ulage amwavo woovo Haruni harara na avana veve, Nadabu, Abihu, Elieza na Izamara. Uvavukanyie kutura ku avandu va Isiraeli kunangwa vaduuki kundumikira kuli avasaalisi.

Kutwula 28:41

Uviiki zinguvu yizi ziosi ku Haruni amwavo woovo na vayaayi veve. Maku uviiki makono kuvo kandi uvaviiki halovega ku livavaka maguta ga muzeituni; kunangwa vaduuki kundumikira kuli avasaalisi.

Kutwula 29:1

“Yiki nicho cha udukana kokora kutakasa Haruni na vayaayi veve kuvakola kuva avasaalisi, vaduuki kundumikira. Uvuguli ekemoli chi giriki harara na magondi mamigu gaviri vugira imbara.

Kutwula 29:44

Ndalomba Lihema liukuvuganiramu nu vwali kuva hatakatifu, na ndaviika Haruni na vayaayi veve halovega kundumikira kuli avasaalisi.

Kutwula 29:9

imisibi mu visindi viavo kandi zikofia ku mitwi jaavo. Nindio gakuduukiraa uviiki utakase Haruni na vayaayi veve. Yavo harara ni visukululwi viavo valandumikira kuli avasaalisi mihiga ni mihiga.

Kutwula 30:30

Maku uvake Haruni harara na vayaayi veve amaguta, kandi uvatakase vaduuki kundumikira kuli avasaalisi.

Livalidza 18:7

Navuzwa ivi harara na vayaayi vovo venyine mulatwekiza uvutumiki vwosi vwu vusaalisi ovolondekanaa nu vwali kandi ovoveeye havundu Hatakatifu ligali. Vindu yivi viveeye miyinzi jijo kigira mali kukuha kihanwa chu vusaalisi. Mundu woosi utaduukanaa, kwisunda ahimbi ni viju vitakatifu aliitwa.”

Luka 1:5

Mu madiku ga Herodi yaali Mwami Munene wi Vuyuda, yaali ho musaalisi mulala walangwa Zakaria, kutura ku avinyumba yu musaalisi Abija. Mukali weve yalangwa Sabeti; yaali mulala ku avakaana vi kisukururwi chu Musaalisi Haruni.

Luka 1:7

Navuzwa sivali numwana mba, Sabeti yaali umugumba, kandi vosi vaali vahindira ligali.