Luka 1:7 - KITABU KITAKATIFU

⁷ Navuzwa sivali numwana mba, Sabeti yaali umugumba, kandi vosi vaali vahindira ligali.

Luka 1:7 Iomraidhean Croise

Litanga 17:17

Aburahamu yinama hasi mamumama, navuzwa yaatanga koseka lwayaganaganyia ndi, “Umundu musaza anyala konyoora mwana lwaveeye ni mihiga 100? Sara anyala konyoora mwana naveeye ni mihiga 90?”

Litanga 18:11

Aburahamu na Sara vaali vakungu ligali, kandi Sara yaali niyalekera kuzia mu mweli.

Litanga 25:21

Isaka yasaalira Rabeka ku Yahova kigira yaali mugumba. Yahova yahaana mativuli ku lisaala lilie kandi Rabeka yavereka.

Litanga 30:1

Lwa Raheli yalora ndi siyivulila Yakobo avana mba, yamanya nakendekera mukaana wavo. Kunangwa yavolera Yakobo, “Unzivulizi avana anoho inzi ndakuza.”

1 Avami 1:1

Mwami Daudi yaali musakulu ligali, kali niiva avatumikiri veve vamufuma ni milingedi, siyaali anyala konyoora uluuya mba.

2 Avami 4:14

Elisha yateeva Gehazi, “Kunangwa nyara kumukolera ki?” Gehazi yativura, “Vulahi, siaveeye ku nu mwana muyaayi mba, na musaza weve aveeye musakulu.”

Luka 1:5

Mu madiku ga Herodi yaali Mwami Munene wi Vuyuda, yaali ho musaalisi mulala walangwa Zakaria, kutura ku avinyumba yu musaalisi Abija. Mukali weve yalangwa Sabeti; yaali mulala ku avakaana vi kisukururwi chu Musaalisi Haruni.

Luka 1:6

Vosi vaali avalungi imbiri wa Nyasaye, kandi vaatia ligali nokolonda malago na makuva gu Mwami vugira imbara.

Luka 1:8

Lidiku lilala Zakaria yaali naakoraa miyinzi ju vusaalisi imbiri wa Nyasaye mu Litembeli kuli lilohiza lia vuli lidiku lialange.

Varumi 4:19

Yaali wi mihiga ahimbi imia ndala; navuzwa lisuuvira lilie si liadedekera lwayaganagana ku muviri gwigwe ugwali gwu vusakulu mba, anoho kigira mukeere weve Sara waali utanyala konyoora avana mba.

Vahebraina 11:11

Kigira lisuuvira Sara yanyoora zinguru zio kovereka mwana kali niyaali wi mihiga minyingi; kigira yasuuvira ndi Nyasaye, wamusuuviriza, aveeye musuuvirifu kutwekiza indagano yeeye.

1 Samweli 1:2

Elikana yaali navakari vaviri, Haana na Penina. Penina yaali na avana, navuzwa Hana siyaali navo mba.