Luka 1:6 - KITABU KITAKATIFU

⁶ Vosi vaali avalungi imbiri wa Nyasaye, kandi vaatia ligali nokolonda malago na makuva gu Mwami vugira imbara.

Luka 1:6 Iomraidhean Croise

Litanga 17:1

Lwa Aburamu yaali ni mihiga 99, Yahova yaloleka kuye kandi navoora, “Inzi mbeeye Nyasaye Wuvunyali. Utie inzi kandi okole agaveeye malungi kazozo.

Litanga 6:9

Yaga namakura ga Nuhu. Nuhu yaali umundu mulungi, vugira imbara hagati ha avandu mu ing'inga yeeye, kandi yatia Nyasaye.

Litanga 7:1

Maku Yahova yavolera Nuhu, “Zia mu Liato harara na vandu vinyumba yooyo vosi, kigira mali kolola ndi ivi oveeye mundu mulungi imbiri wange hagati hi likula yili.

1 Avami 15:5

Yahova yakola yaga Kigira Daudi yaali namali kokora gaali amalungi imbiri wi zimoni zizie Yahova na siyavunaga kali kugumira lilala ku malago ga Yahova madiku goosi gi livamwoyo liliemba - nitali mu likuva lia Uria umuhiti.

1 Avami 9:4

Niiva ulandumikira nu vusuuvirifu vwosi, nagiligali gu mwoyo kandi nuvulungi kuli Baba woovo Daudi yakola, kandi niiva ulahulira malago gange goosi, nokokola vindu viosi via ngulaga,

2 Avami 20:3

“Wizulizi, O, Yahova, inzi ndakutumikira nu vusuuvirifu vwu mwoyo gwange gwosi kandi nu luyali lwosi, kandi vuli kazozo, ndageriza kokora vulahi choosi ichawenyaa ngole.” Ma yaatanga kulira ligali.

2 Kyetsinyinga 17:4

Yatumikira Nyasaye wa baba weve, naahulira amalago ga Nyasaye, na si yakola kuli vikolwa via vami vosi va Isiraeli vaakora mba.

Ayubu 1:1

Yaali ho mundu mu kivala cha Uzi, uwalangwa Ayubu. Mundu uyu yaali vugira imbara kandi mulungi, mulala uwatia Nyasaye, nukweleha ku uvudamanu.

Ayubu 1:8

Yahova yamuteeva, “Ukaloli ku mutumikiri wange Ayubu? Sihali ho nu mundu kali mulala mu kivala oveeye vugira imbara kandi mulungi kuli oyo mba. Atizaa inzi kandi yeleha kutura ku likora vudamanu.”

Ayubu 9:2

Ligali Inzi manya ndi aga umali kovora na giligali. Navuzwa mundu anyala kuva ndi mulungi imbiri wa Nyasaye?

Zaburi 119:6

Niiva ngumira malago googo goosi, sindaviikwa mu zisoni mba.

Luka 1:7

Navuzwa sivali numwana mba, Sabeti yaali umugumba, kandi vosi vaali vahindira ligali.

Luka 16:15

Navuzwa Yeso yavavolera, “Munyi muveeye yavo aveekolaa aveene kuva avalungi imbiri wa avandu, navuzwa Nyasaye yamanya mioyo jinyu. Kindu cha avandu vizominyaa kuva chuluyali ligali, imbiri wa Nyasaye kelolekaa kuva chukuvihiliriza ligali.

Luka 2:25

Kunangwa yaali ho mundu mu Jerusalemi walangwa Simioni; yaali mundu mulungi kandi uwatia Nyasaye niliehozeliza. Mundu uyu yalindilira vohonyi vwa Isiraeli kandi Roho Mutakatifu yaali kuye.

Vikolwa 2:25

Kigira Daudi yavoola kuye ndi, ‘Ndaalora Mwami imbiri wange kazozo; kigira aveeye ninzi, ha mukono mulungi gwage, kunangwa mburi kodengeyizwa mba.

Vikolwa 23:1

Paolo yumika avandu vi kiyaalo, ma navoora, “Avaamitu vange, inzi menyanga imbiri wa Nyasaye mu zing'anagani kandi numwoyo mulahi kuduuka lero.”

Vikolwa 24:16

Ku yaga, nzidinyirizaa kazozo mbula nduuki kuva numwoyo kandi ni zing'anagani zitali nimbala imbiri wa Nyasaye kandi imbiri wa avandu.

Vikolwa 8:21

Ivi sioveeye ni lisanga liosi anoho mugavwa ku muyinzi yigu, kigira mwoyo gugwo si goveeye mulahi imbiri wa Nyasaye mba.

Varumi 8:4

Nyasaye yakola yaga kunangwa uvulungi vwi Lilaga lienyaa vuduuki kuduukizwa mu kunyi avamenyaa kolondekana ni liiva lia Roho, kandi sigaveeye kolondekana ni liiva liu muviri mba.

1 Vakorintho 11:2

Kalunu nzizominyaa munyi kigira munzizulizaa kazozo mu vindu viosi, kandi mulonda ligali amigizu ga ndaamuha.

2 Vakorintho 1:12

Kwekonya kigira ziganagani zie mioyo jietu zikusuuvirizaa ndi ilimenya lietu mu lirova yili, mbitilira uvuhambani vwitu ni munyi, vumali kwamiifwa nu vutakatifu, uvusuuvirifu ni zimbavasi zia Nyasaye, na sigaveeye kigira vogeri vwa vandu mba.

Kwidzulitsa 5:33

Mugalonde goosi kunangwa vindu viosi viduuki kuva vulahi ku munyi kandi kunangwa muzizagiliri komenya madiku manyingi mu kivala cha muzizaa kuvugura.

Vafilipi 2:15

kunangwa muduuki kuva avataveeye nimbara, kandi avasereze kuli avana avadukiru va Nyasaye, avamenyaa mu kivala cha avandu avagoyanu kandi avoni. Kuduuka mung'ereng'ane hagati haavo kuli zing'ereng'ani mwigulu,

Vakolosai 1:22

Navuzwa kalunu umali kumuhambanyia kuvitira mu likuza liu Mwana mu muviri gwinyama ya Kristo, kigira likuza lio Mwana weve aduuki kumuleeta imbiri weve avatakatifu, avataveeye nelihiolo kandi avatali nimbara kuye.

1 Vatesalonike 3:13

Munzira yiyi alamudinyiriza na munyi mulava avadukiru vatakatifu imbiri wa Nyasaye wiitu kandi Baba wiitu lwu Mwami wiitu Yeso yaza harara na vandu veve valungi vosi.

2 Petro 3:14

Kunangwa, avalina vange, lwa mukilindilira Lidiku yilio, mukore zinguru ligali muve avasereze, vugira imbara imbiri wa Nyasaye kandi muve ni mirembe naye Nyasaye.

1 Yohana 2:29

Munyi mumanyi vulahi ndi Kristo aveeye umulungi; kunangwa gamudukira mumanye ndi mundu woosi okolaa agaveeye malungi aveeye mwana wa Nyasaye.

1 Yohana 2:3

Nikuva ni kolonda amalago ga Nyasaye, maku, koveeye na agiligali, ndi kwamumanya.

1 Yohana 3:7

Avana vayanze vange, mutaleki mundu kali mulala amugaade mba. Mundu woosi okolaa agaveeye malungi aveeye umulungi, kuli Kristo mwene aveeye mulungi ligali.