Luka 1:32 - KITABU KITAKATIFU

³² Alakave Munene kandi alakalangwe, Muyaayi wa Nyasaye Oveeye igulu Ligali. Mwami Nyasaye alakamukole alave Mwami kuli guuga weve Daudi.

Luka 1:32 Iomraidhean Croise

2 Samweli 7:16

Visukululwi vivio viliikala kondeve yu vwami kazozo, na ndakora uvwami vuvwo vuhindiri mihiga ni mihiga. Uvwami vuvwo sivulava nekeheri mba.’ ”

Zaburi 132:11

Ivi walomba lilagana lie liesuuha ku Daudi, lisuuviriza lia utanyala kugirung'anyia kandi mba: “Ndakora mulala ku vayaayi vovo kuva mwami, na alamiiha inyima woovo.

Zaburi 132:12

Niiva vayaayi vovo valava avasuuvirifu ku lilagana liange, kandi ku malago ga mbaheezaa, valava avami kuli ivi mihiga ni mihiga.”

Isaya 16:5

Maku mulala ku visukululwi via Daudi alava mwami, kandi alamiiha avandu nu vusuuvirifu kandi nuvuyanzi. Alava mwangu kokora agaveeye malungi, kandi alalola ndi likalaga liuvulungi likoleywe.

Jeremia 17:25

Maku avami vaavo kandi vatumikiri vaavo valingira mu virivwa via Jerusalemi kandi valava kondeve yu vwami vwali vwa Daudi. Harara na avandu vi Ivuyuda kandi va Jerusalemi, valanina ku magare gu vulwani kandi ku zibarasi, na lidaala linene lia Jerusalemi lilava na avandu avanyingi kazozo mihiga ni mihiga.

Jeremia 22:2

Uhuliri Likuva lia Yahova, O, mwami wi Ivuyuda, oveeye ku endeve yu vwami vwa Daudi, harara na avatumikiri veve, kandi na avandu veve avingiraa mu virivwa yivi.

Danyeli 2:44

Nyasaye wu mwigulu alakasingilizi vwamihi vulivula kohera ing'inga ya vami yavo. Vwami yivu si vuliguutwa mba, navuzwa vulakadivizi vwamihi vundi vwosi, maku vulakave ho mihiga ni mihiga.

Matayo 1:1

Yiki ni kitabu cha makura gu luhia lwa Yeso Kristo. Yeso yaali uwi ikisukululwi cha Daudi, uwi ikisukululwi cha Aburahamu.

Matayo 12:42

Mwami wi kikali wa Sheba alakasingiri ku Lidiku lie Likalaga harara ni likula yili nu kulikalagira, kigira yalomba ologendo kutura ihale mu kivala chiche ni yaza kuhulira amigizu govogeri ga Solomoni. Navuzwa henza, munene ligali kuvita Solomoni aveeye hano!

Matayo 28:18

Yeso yisunda ahimbi kuvo navavoolera, “Mbeeveywi zinguru ziosi mu ligulu kandi mu lirova.

Matayo 3:11

Inzi mubatizaa mu mazi kumanyia ndi mumali kwiganira. Navuzwa uyu uzaa inyima wange aveeye ni zinguru kuvita inzi. Inzi sindukana kali ku mugingira vilato vivie mba. Uyu alamubatiza mu Roho Mutakatifu kandi mu muliru.

Marko 14:61

Navuzwa Yeso yakiring'ana kandi siyaativula likuva liosi kali lilala mba. Musaalisi Munene yamuteeva, “Ivi niyie Mesia, Mwana wa Nyasaye Wuvugasu?”

Marko 5:7

nahanzuka nu mwoyo munene navoora, “Onyenyaa ki ivi Yeso Mwana wa Nyasaye, oveeye igulu Ligali? Ngogonya, imbiri wa Nyasaye, utandambiza mba!”

Luka 1:15

Alakave munene imbiri wu Mwami. Si alinwa iwaini anoho amalwa mba, naye aliizula Roho Mutakatifu kutura munda mwa mama weve.

Luka 1:35

Engelosi yamutivulira, “Roho Mutakatifu alaza ku ivi, kandi zinguru zia Nyasaye oveeye igulu Ligali zilakukinga kuli kiriri. Kulwayago mwana wa ulivuula alakalangwe Mutakatifu, Mwana wa Nyasaye.

Luka 1:76

“Ivi, mwana wange, ulalangwa muporofeti wa Nyasaye Oveeye igulu Ligali. Ulazia imbiri wu Mwami kumulombera zinzira zizie.

Luka 3:16

Kunangwa Yohana yavavolera vosi, “Inzi mubatizaa na amazi, navuzwa mulala yazaa oveeye ni zinguru kuvita inzi, wandaduukanaa kali kovoholora migoye ji vilatu vivie. Mwene oyo alamubatiza na Roho Mutakatifu kandi nu muliru.

Luka 6:35

Navuzwa muyanze avasigu vinyu kandi muvakolere amalahi mwegobize vugira kusuuvira kwiranyirwa, na madanyi ginyu galava manene, namulava avana va Nyasaye, Oveeye igulu. Kigira aveeye mulahi ku yavo avatali nilisandiza na avadamanu.

Yohana 12:34

Kunangwa, kiduma yicho cha mutivulira, “Kunyi kovoolerwa ni Lilaga lietu ndi Mesia alamenya ni kunyi mihiga ni mihiga. Unyala ndi, kovora Mwana wa Adamu adukanaa kuhilwa mwigulu? Nivwaha Mwana wa Adamu uyu?”

Yohana 6:69

Kunyi kwasuuvira, kandi kwamanya ndi ivi niyie Mutakatifu wa Nyasaye.”

Vikolwa 16:17

Kunangwa, mukaana oyo yalonda Paolo ni kunyi, nahanzuka, na avoora, “Avandu yava vaveeye avatumwa va Nyasaye Oveeye Yigulu Ligali. Vamwilwazira kuli munyala kohona.”

Vikolwa 2:30

Navuzwa kigira Daudi yaali muporofeti, yamanya ndi Nyasaye yamwisuuhila liesuuha ndi alakola mulala ku visukululwi veve ave mwami mu vogono vwivwe.

Vikolwa 2:36

“Avandu vosi ava Isiraeli gavadukiraa vamanye ligali ndi Yeso uyu wa munyi mwavamba, niyie wa Nyasaye amali kokora ave Mwami kandi Mesia.”

Vikolwa 7:48

“Kali ndio, Nyasaye Oveeye igulu Ligali kuvita viosi, siamenyaa mu zinyumba ziumbakwa na avandu mba; kuli muporofeti avoora;

Varumi 1:4

ku liiva liu vutakatifu vwu vunyasaye vwivwe, Yeso Kristo yalolekizwa ni zinguru zinene kuva Mwana wa Nyasaye kulwo kusimugukizwa kutura mu vakuzu.

Likunula 3:7

“Ng'odera engelosi wi likanisa liveeye Filadefia: “Yaga nigo amakuva ga uyu oveeye umutakatifu, nu wi ligali. Aveeye nu lufungu lwali lwa Daudi, kandi cha oyo amali kwigura sihaveeye ho nunyala kuhana mba, gwa mali kuhana sihaveeye ho nu unyala kwigura mba.