Luka 1:20 - KITABU KITAKATIFU

²⁰ Hulira, ulava idimbidi, kandi siulamoloma mba, kuduuka lwayaga galakekoleke, kigira siwasuuvira makuva gange ivi siulamoloma mba kuduuka lwa malago gaange gali twekizwa.”

Luka 1:20 Iomraidhean Croise

2 Avami 7:19

Munene oyo yaali nativuyi nu kovora, “Yago siganyala kwekoleka ku mba, kali niiva Yahova mwene yakatumi vuswage kuli imbura ku ing'inga ndala!” Kandi Elisha yaali nativuyi namuvooleye, “Ivi ulagalola ni gekolekaa, navuzwa siulalia ku chukulia yicho mba.”

2 Avami 7:2

Munene wu mwami wa himbi ligali yavolera muporofeti Elisha, “Yago siganyala kwekoleka ku mba kali niiva Yahova mwene yakatumi uvuswage kuli imbura ku ing'inga ndala!” Navuzwa Elisha yamuvolera, “Ivi ulagalola nigekolekaa, navuzwa si ulalia ku chukulia yicho kali hakuzu mba.”

Kutwula 4:11

Yahova yamuvolera, “Nivwaha walomba munwa gwu mundu? Nivwaha umukolaa kuva idimbidi anoho wahana matu noho nivwaha umuhezaa lilola anoho umukolaa muvoku? Siaveeye Inzi Yahova?

Isaya 7:9

Kivala cha Isiraeli sikeveeye ni zinguru kuvita Samaria, lidaala linene liacho mba, kandi Samaria siliveeye nizinguru kuvita mwami Peka mba. “Niiva ulavula kusuuvira, ulaguutwa.”

Ezekieli 24:27

Ku lidiku liene yilio, ulakanyore zinguru ziu komoloma ku mundu uyu, kandi siulakave idimbidi kandi mba. Kunangwa, ivi ulakave kelolero ku vandu, kandi valakamanye ndi Inzi mbeeye Yahova.”

Ezekieli 3:26

Inzi ndakora lulimi lulwo luhande mu kikarangula kunangwa uvuli kuviganihiza kigira vaveeye avandu vu kwibaala.

Danyeli 10:15

Lwa yavoola yaga, ndahenza hasi vugira komoloma.

Livalidza 20:12

Navuzwa Yahova yagondokera Musa na Haruni, navoora, “Kigira muvuli kuva ne lisuuvira kuvugilira zinguru ziange zindakatifu imbiri wa vandu va Isiraeli, simulavimilira kuzia mu kivala cha ndavalaga mba.”

Marko 16:14

Lwukumaliriza Yeso yaloleka ku aviigi likomi na mulala lwa vaali nivalizaa. Yaavalemba kigira sivali nilisuvira mba kandi kigira uvudinyu vwi mioyo jaavo. Kigira sivasuuvira yavo avaari nivamuloli lwa yaali namali kusimuguka mba.

Marko 9:19

Yeso yavavolera, “Likula litaveeye ni lisuuvira munyi! Ndamenya harara ni munyi kuduuka ng'inga ki! Ndikuzira ni munyi kuduuka ng'inga ki! Muleeti hano ku inzi.”

Luka 1:19

Engelosi yamutivulira, “Inzi mbeeye Gabirieli usingiraa imbiri wa Nyasaye; na ndumiywi komoloma na ivi, kandi ngoletere makuva malahi yaga.

Luka 1:21

Avandu valindilira Zakaria, nivagenya ku lilindagilira lilie mu Litembeli.

Luka 1:22

Lwa yatura ichova, siyaali anyala komoloma navo mba. Vamanya ndi aloli malola mu Litembeli. Navuzwa yagelagela vuzwa makono ma namenya naveeye idimbidi.

Luka 1:45

Oveeye nuvugasu ivi uwa suuvira ndi, agu Mwami yakuvoolera galadukizwa!”

Luka 1:64

Ahene yaho munwa gwa Zakaria gwigulika nululimi lwilwe lwanguha manaamolomaa nakuminya Nyasaye.

Varumi 3:3

Navuzwa galava ki niiva valala kuvo sivaali vasuuvirifu? Livula kuva nu vusuuvirifu liavo, linyala kutulizaho vusuuvirifu vwa Nyasaye?

Tito 1:2

Agiligali yaga gaveeye ku musingi gwi lisuuvirizwa lie livamwoyo litahera mba. Nyasaye utanyala koveha yakusuuviriza livamwoyo yilio mihiga minyingi ijavita,

Vahebraina 6:18

Kunangwa koveeye ni vindu viviri; lisuuvirizwa ni liesuuha ivitanyala kugirung'ana, kandi Nyasaye avula kovora vovehi kulio. Kunangwa kunyi avakumali konyoora mirembe naye kuzuvwa ligali kugumiri vudinyu lisuuvirizwa liviikiywi imbiri wiitu.

Likunula 3:19

Mundu wa inzi nyanza, mugondokeraa nu kumuha amageri. Ove nu vugulu nu kwiganira utuli muvwoni vuvwo.